ପ୍ରମୂଖ ଖବର
  • ଭୁବନେଶ୍ଵର : ୨୨ରୁ ବଜେଟ ଅଧିବେଶନ, ସରକାର ବନାମ ନବୀନଙ୍କ ଛାୟା ମନ୍ତ୍ରିମଣ୍ଡଳ ଲଢ଼େଇ
  • ||
  • ଆଜି ରସଗୋଲା ଦିବସ, ଜିଆଇର ୫ ବର୍ଷ ପରେ ବ୍ରାଣ୍ଡିଂ ନାହିଁ, ସରକାର ନିରବ
  • ||

ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ

କେନ୍ଦୁଝର ୨୩/୦୬: ଜନ୍ମମାଟିରେ ବଡ଼ ଘୋଷଣା କଲେ ମୁଖ୍ୟମନ୍ତ୍ରୀ। କେନ୍ଦୁଝର ଅଧିଷ୍ଠାତୀ ଦେବୀ ମା' ତାରିଣୀ ପୀଠ ପାଇଁ ୫୦ କୋଟି ଅନୁଦାନ ରାଶି ଘୋଷଣା। ଏହା ଦ୍ବାର ମନ୍ଦିରର ବିକାଶ କରାଯିବ। ଏଥି ସହିତ  ମା' ତାରିଣୀଙ୍କ ପୀଠକୁ ଜାତୀୟ ପର୍ଯ୍ୟଟନସ୍ଥଳୀ ଜାତୀୟ ମାନ୍ୟତା ପାଇଁ କେନ୍ଦ୍ରଙ୍କୁ ଅନୁରୋଧ କରିବେ ରାଜ୍ୟ ସରକାର।  ମନ୍ଦିର ପରିଦର୍ଶନ ସମୟରେ ମୁଖ୍ୟମନ୍ତ୍ରୀ  ମୋହନ ଚରଣ ମାଝୀ ସୂଚନା ଦେଇଛନ୍ତି।

ସୂଚନା ମୁତାବକ, ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦୁଇ ଦିନିଆ କେନ୍ଦୁଝର ଗସ୍ତରେ ଯାଇଛନ୍ତି। ଦିନ ୧୧ଟାରେ ଘଟଗାଁ ହାଇସ୍କୁଲରେ ନିର୍ମିତ ହେଲିପ୍ୟାଡରେ ଅବତରଣ କରିଥିଲେ । ସେଠାରେ ମୁଖ୍ୟମନ୍ତ୍ରୀଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ କେନ୍ଦୁଝରବାସୀ। ପରେ ଘଟଗାଁରେ ବିଶାଳ ରୋଡ଼ ସୋ କରିଥିଲେ ମୁଖ୍ୟମନ୍ତ୍ରୀ। ମା ତାରିଣୀଙ୍କ ପୀଠରେ ପହଞ୍ଚିବା ପରେ ସେ ଭୋଗ ଦୋକାନରୁ ଭୋଗ କିଣିଥିଲେ।  ଦୋକାନୀଙ୍କ ଭଲମନ୍ଦ ମଧ୍ୟ ବୁଝିଥିଲେ। ସେଠାରେ ମନ୍ଦିର ବେଢ଼ା ପରିର୍ଶନ କରିବା ସହ ମା ତାରିଣୀଙ୍କୁ ଦର୍ଶନ କରିଥିଲେ। ଏହାପରେ ପୀଠ ଉନ୍ନତିକରଣ ପାଇଁ ୫୦ କୋଟିର ଅନୁଦାନ ରାଶି ଘୋଷଣା କରିଥିଲେ। କେନ୍ଦ୍ର ନିକଟରେ ତାରିଣୀ ପୀଠକୁ ଜାତୀୟ ମାନ୍ୟତା ପାଇଁ ଅନୁରୋଧ କରିବେ ବୋଲି କହିଥିଲେ।

୨୪ ତାରିଖ ସକାଳ ୧୦ଟା ୩୦ ମିନିଟ୍‌  ସମୟରେ ହେଲିକପ୍ଟର ଯୋଗେ ନିଜ ଗ୍ରାମ ରାଇକଳା ଅଭିମୁଖେ ଯାତ୍ରା କରିବେ । ଝୁମ୍ପୁରା ବ୍ଲକ୍‌ ଦୁର୍ଗା ପଡ଼ିଆଠାରେ ଜନସମାବେଶକୁ ସମ୍ବୋଧିତ କରିବା ସହିତ ବିଭିନ୍ନ ସଙ୍ଗଠନ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧିତ କରିବେ ବୋଲି ଜଣାପଡ଼ିଛି । ଅପରାହ୍ନ ୨ଟା ୪୫ ମିନିଟ୍‌ରେ ସଡ଼କ ପଥରେ ରାଇକଳା ନିଜ ଗ୍ରାମରେ ପହଞ୍ଚିବା ପରେ ମଧ୍ୟାହ୍ନଭୋଜନ ନିଜ ଘରେ କରିବେ । ରାଇକଳାରେ ଲୋକମାନଙ୍କ ସହିତ ଭାବ ବିନିମୟ କରିବା ପରେ ଅପରାହ୍ନ ୫ଟାରେ ଭୁବନେଶ୍ୱର ଫେରିଯିବାର କାର୍ଯ୍ୟକ୍ରମ ରହିଛି । 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.