ପ୍ରମୁଖ ଖବର
  • ନୀଳଗିରିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମାରାଥନ ପ୍ରଚାର
  • ||
  • ଚିଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୁରୀ ଲୋକସଭା ପ୍ରାର୍ଥୀଙ୍କ ପାଇଁ ଭୋଟ୍ ଅପିଲ୍ କଲେ
  • ||
  • ଟିମ୍‌ ଇଣ୍ଡିଆ ମୁଖ୍ୟ କୋଚ୍‌ ରେସ୍, ମାହେଲା ଜୟବର୍ଦ୍ଧନେଙ୍କୁ ବିସିସିଆଇର ପ୍ରସ୍ତାବ
  • ||
  • ଜୁଲାଇ ୪ରେ ବ୍ରିଟେନରେ ସାଧାରଣ ନିର୍ବାଚନ, ଆସନ୍ତା ସପ୍ତାହରେ ଭଙ୍ଗ ହେବ ସଂସଦ
  • ||
  • ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ: ଗୁରୁବର ସନ୍ଧ୍ୟା ସରିବ ପ୍ରଚାର, ଶନିବାର ୫୮ ଆସନରେ ମତଦାନ
  • ||
  • କଣାସରେ ଘର ଭିତରକୁ ପଶିଗଲା ଟ୍ରାକ୍ଟର, ଦୁର୍ଘଟଣାରେ ଚାଲିଗଲା ଚାଳକଙ୍କ ଜୀବନ
  • ||
  • ମେ’ ୨୯ରେ ପୁଣି ଓଡ଼ିଶା ଆସିବେ ମୋଦି, ୨୬ରେଭଦ୍ରକରେ ଭୋଟ୍‌ ମାଗିବେ ରାହୁଲ, ବାଲେଶ୍ୱରକୁ ଖଡ୍‌ଗେ
  • ||
  • ରଥ ଖଳା ହାଲ୍‌ଚାଲ୍‌...ରଥ ଗୁଜରେ ନୃସିଂହ ମୁଖ ଅଙ୍କନ, ରୂପକାରଙ୍କ କାର୍ଯ୍ୟାରମ୍ଭ, ଅର ଅନୁକୂଳ କଲେ ବିଶ୍ୱକର୍ମା
  • ||
  • ସନ୍ଧ୍ୟାରେ ସରିବ ତୃତୀୟ ପର୍ଯ୍ୟାୟ ଭୋଟ୍‌ ପ୍ରଚାର, ଶନିବାର ୬ ଲୋକସଭା, ୪୨ ବିଧାନସଭାରେ ଭୋଟ୍‌
  • ||
  • ବଙ୍ଗୋପସାଗରରେ ଲଘୁଚାପ ସକ୍ରିୟ: ୨୪ ସୁଦ୍ଧା ଅବପାତ, ୨୫ରେ ଗଭୀର ଅବପାତ ସମ୍ଭାବନା, ଭଦ୍ରକ ଏବଂ ବାଲେଶ୍ୱରରେ ବର୍ଷିବ
  • ||

ଶନିବାର ୪ ଜିଲ୍ଲାରେ ପ୍ରଚାର କରିବେ ନବୀନ, ସକାଳ ସାଢ଼େ ୧୦ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ କମ୍ପିବ ମଇଦାନ୍

ନବରଙ୍ଗପୁର/କୋରାପୁଟ,୦୪/୦୫: କୋରାପୁଟ, ନବରଙ୍ଗପୁର, ରାୟଗଡ଼ା ଓ ଗଜପତି ଜିଲ୍ଲାରେ ଶନିବାର ଦେଖିବାକୁ ମିଳିବ ନବୀନଙ୍କ ଧମାଧମ୍‌ ପ୍ରଚାର । ବିଜେଡି ପାଇଁ ପ୍ରଚାର ମଇଦାନ କମ୍ପାଇବାକୁ ଓହ୍ଲାଇବେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନଙ୍କ ସହ ୫-ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ମଧ୍ୟ ଗସ୍ତ କରିବା କାର୍ଯ୍ୟକ୍ରମ ରହିଛି ।

ଦିନକରେ ୪ ଜନସଭା କରିବେ ନବୀନ । ଶନିବାର ସକାଳ ସାଢ଼େ ୧୦ଟାରେ କୋରାପୁଟ ଓଏମ୍‌ପି ପଡ଼ିଆରୁ ଆରମ୍ଭ ହେବ ନବୀନଙ୍କ ପ୍ରଚାର ଅଭିଯାନ । ବିଜେଡି ପାଇଁ ଭୋଟ ଭିକ୍ଷା କରିବେ ନବୀନ । 

ଏହି କାର୍ଯ୍ୟକ୍ରମ ସାରି ଦିନ ୧୧ଟା ୪୦ରେ ନବରଙ୍ଗପୁର ସର୍କିଟ ହାଉସ ସାମ୍ନା ମାଝିଗୁଡ଼ା ପଡ଼ିଆରେ ନବୀନ କରିବେ ଜନସଭା । ଅପରାହ୍ନ ୩ଟା ୪୦ରେ ରାୟଗଡ଼ାର ଟିକିରିର ମୁଶୁରିପାଲ୍ଲାର ଛକରେ ବିଶାଳ ସମାବେଶକୁ ଉଦବୋଧନ ଦେବେ । ଅପରାହ୍ନ ୫ଟାରେ ଗଜପତିର ପାରଳାଖେମୁଣ୍ଡି ଷ୍ଟାଡିୟମରେ ବିଜେଡିର ସାଧାରଣ ସଭାରେ ଯୋଗ ଦେଇ ଭୋଟ ପ୍ରଚାର କରିବେ । ସେଠାରୁ ସନ୍ଧ୍ୟାରେ ନବୀନ ଭୁବନେଶ୍ୱର ଫେରିବେ ।

ଗତ ଏପ୍ରିଲ ୨୪ ତାରିଖରେ ମୁଖ୍ୟମନ୍ତ୍ରୀ ପ୍ରଚାର ମଇଦାନକୁ ପ୍ରଥମ କରି ଓହ୍ଲାଇଥିଲେ ହିଞ୍ଜିଳି ଓ ଶେରଗଡ଼ରେ । ଶନିବାର ଦକ୍ଷିଣ ଓଡ଼ିଶାର ୪ ଜିଲ୍ଲା ଗସ୍ତ କରି ମାରାଥନ୍‌ ପ୍ରଚାର କରିବେ । ମୁଖ୍ୟମନ୍ତ୍ରୀଙ୍କ ଗସ୍ତ ଲାଗି ସବୁଠି ବ୍ୟାପକ ପ୍ରସ୍ତୁତି କରାଯାଇଛି । ବିଜେଡି କର୍ମୀ ଓ ନେତାମାନେ ମଧ୍ୟ ବେଶ୍‌ ଉତ୍ସାହିତ ଅଛନ୍ତି । 

ନବୀନଙ୍କ ଏହି ଗସ୍ତ ଉପରେ ସାରା ଓଡ଼ିଶାର ନଜର ରହିଛି । ପ୍ରଥମ ନିର୍ବାଚନୀ ସଭାରେ ବିକାଶକୁ ଫୋକସ କରିବା ସହ ବିରୋଧୀ ଦଳକୁ ବିକାଶ ବିରୋଧୀ ବୋଲି ନବୀନ କହିଥିଲେ । ଏଥର ପ୍ରଚାର ମଇଦାନରେ ନବୀନ ବିରୋଧୀଙ୍କୁ ଶାଣିତ ଆକ୍ରମଣ କରିବେ ନା କେବଳ ବିକାଶ ଏଜେଣ୍ଡା ଉପରେ ଫୋକସ କରିବେ, ତାହା ଉପରେ ସମସ୍ତ ରାଜନୈତିକ ଦଳ ନଜର ରଖିଛନ୍ତି । ନବୀନଙ୍କ ଗସ୍ତ ପ୍ରଥମ ପର୍ଯ୍ୟାୟରେ ହେବାକୁ ଥିବା ନିର୍ବାଚନ ପାଇଁ ଦଳର ବଳ ବଢ଼ାଇବ ।

ମୁଖ୍ୟମନ୍ତ୍ରୀ ଶନିବାର ସକାଳ ୯ଟା ବେଳେ ନବୀନ ନିବାସରୁ ଭୁବନେଶ୍ୱର ବିମାନବନ୍ଦରରେ ଯିବେ । ସେଠାରୁ ବିମାନରେ ଜୟପୁରକୁ ଉଡ଼ାଣ ଭରିବେ । ୧୦ଟା ୪୦ରେ କୋରାପୁଟ ଓଏମ୍‌ପି ପଡ଼ିଆ ଅସ୍ଥାୟୀ ହେଲିପ୍ୟାଡ୍‌ରେ ଓହ୍ଲାଇବେ ।  ଆୟୋଜିତ ସଭାରେ ଯୋଗଦେଇ ଦଳୀୟ ବିଧାୟକ ଓ ସାଂସଦ ପ୍ରାର୍ଥୀଙ୍କ ପାଇଁ ପ୍ରଚାର କରିବେ । 

ଶନିବାର ପୂର୍ବାହ୍ନ ୧୧ଟା ୪୦ରେ ସ୍ୱତନ୍ତ୍ର ହେଲିକପ୍ଟରରେ ମୁଖ୍ୟମନ୍ତ୍ରୀ ମାଝୀଗୁଡ଼ା ସର୍କିଟ୍‌ ହାଉସ୍‌ ପଡ଼ିଆରେ ପହଞ୍ଚି ନିର୍ବାଚନୀ ସଭାରେ ଯୋଗଦେବେ । ଏଥିଲାଗି ସର୍କିଟ୍‌ ହାଉସ୍‌ ପଡ଼ିଆରେ ବ୍ୟାରିକେଡ୍‌ କରାଯାଇଛି । ଲୋକସଭା କ୍ଷେତ୍ରର ୭ଟି ନିର୍ବଚନମଣ୍ଡଳୀର କର୍ମୀ ଓ ଜନସାଧାରଣଙ୍କ ପାଇଁ ୩ଟି ବିରାଟ ଟେଣ୍ଟ୍‌ ପ୍ରସ୍ତୁତି କାମ ସରିଛି । 

ନବରଙ୍ଗପୁରର କାର୍ଯ୍ୟକ୍ରମ ସାରି ମୁଖ୍ୟମନ୍ତ୍ରୀ ଅପରାହ୍ନ ୩ଟାରେ ରାୟଗଡ଼ା ଜିଲ୍ଲା କାଶୀପୁର ବ୍ଲକ ଟିକିରିରେ ପହଞ୍ଚିବେ । ସେଠାରେ ଆୟୋଜିତ ସଭାରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବା ପରେ ହେଲିକପ୍ଟରରେ ପାରଳାଖେମୁଣ୍ଡି ଯିବେ । ପାରଳାଖେମୁଣ୍ଡି ଷ୍ଟାଡିୟମରେ ଜନସଭାକୁ ସମ୍ବୋଧନ କରିବେ ନବୀନ ।ସମସ୍ତ କାର୍ଯ୍ୟକ୍ରମରେ ଲୋକସଭା ପ୍ରାର୍ଥୀ ଓ ଦଳର ବିଧାୟକ ପ୍ରାର୍ଥୀ ଉପସ୍ଥିତ ରହିବେ ନବୀନଙ୍କ ମଞ୍ଚରେ । ପାରଳାଖେମୁଣ୍ଡି କାର୍ଯ୍ୟକ୍ରମ ସାରିବା ପରେ ମୁଖ୍ୟମନ୍ତ୍ରୀ ଭୁବନେଶ୍ୱର ଫେରିବେ । 

ନବୀନଙ୍କ ଗସ୍ତ ନେଇ ବିଜେଡି ପକ୍ଷରୁ ଜିଲ୍ଲା ପର୍ଯ୍ୟବେକ୍ଷକ ଈଶ୍ୱର ଚନ୍ଦ୍ର ପାଣିଗ୍ରାହୀ ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସାମ୍ବାଦିକ ସମ୍ମିଳନୀରେ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ, ବିଜେଡି ନେତା ରବି ପଟ୍ଟନାୟକ, ମଞ୍ଜୁଳା ମାଝୀ, ତାପସ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ । 

ଅନ୍ୟପକ୍ଷେ ମୁଖ୍ୟମନ୍ତୀଙ୍କ କାର୍ଯ୍ୟକ୍ରମକୁ ନେଇ ପୁଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ସର୍କିଟ୍‌ ହାଉସ୍‌ ପଡ଼ିଆ ନିକଟରେ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି । ପଡ଼ିଆଠାରୁ ପୂର୍ତ୍ତ ବିଭାଗ ଡାକବଙ୍ଗଳା ପର୍ଯ୍ୟନ୍ତ ପୁଲିସ୍‌ ଛାଉଣି ରହିଛି । ମୁଖ୍ୟମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା ବିବରଣୀ ସମ୍ପୂର୍ଣ୍ଣ ଗୋପନ ରଖାଯାଇଥିବା ଏସ୍‌ପି ରୋହିତ ବର୍ମା କହିଛନ୍ତି । 

 

   

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.