ଚନ୍ଦାହାଣ୍ଡି , ୧୨।୮:  ନବରଙ୍ଗପୁର ଜିଲ୍ଲାପାଳ ଡ଼ଃ ସୁବ୍ରାଂଶୁ  ଶେଖର ମହାପାତ୍ର  ସୋମବାର ଚନ୍ଦାହାଣ୍ଡି ବ୍ଲକ ସଭାଗୃହଠାରେ  ଜନସାଧାରଣଙ୍କ ୭୧ ଟି ଅଭିଯୋଗ ଶୁଣାଣି କରିଛନ୍ତି l  ସେଥିମଧ୍ୟରୁ ୫୯ଟି ବ୍ୟକ୍ତିଗତ ଅଭିଯୋଗ ରହି ଥିବାବେଳେ  ୧୨ଟି ସାମୁହିକ ଅଭିଯୋଗ ରହିଥିଲା l  ୨୧ ଜଣ ଭିନ୍ନକ୍ଷମ  ଭତ୍ତା ଏବଂ ୪ ଜଣଙ୍କୁ ମଧୁବାବୁ ଭତ୍ତା ବଣ୍ଟା ଯାଇଥିବା ବେଳେ  ୭ ଜଣଙ୍କୁ ଶ୍ରବଣ ଯନ୍ତ୍ର  ଏବଂ ୩ ଜଣ ଭିନ୍ନକ୍ଷମଙ୍କୁ ହୁଇଲ ଚେୟାର ବଣ୍ଟା ଯାଇଥିବା ନେଇ ବିଡିଓ ରାମକୃଷ୍ଣ ନାୟକ ସୂଚନା ଦେଇଛନ୍ତି l

ସାମୁହିକ ଅଭିଯୋଗ ମଧ୍ୟରେ  ଚନ୍ଦାହାଣ୍ଡି ବ୍ଲକରେ ମିଶନ ଶକ୍ତି ସହଯୋଗୀ କର୍ମଚାରୀ  ଏମବିକେସିଆରପି, ଏବଂ ବ୍ୟାଙ୍କ ମିତ୍ର  ପଦବୀ ପାଇଁ ସମସ୍ତ ଚୟନ ପ୍ରକ୍ରିୟା ସମାପ୍ତ ହେବା ସତ୍ତେ୍ବ  ପ୍ରାର୍ଥୀନୀମାନଙ୍କୁ ନିଯୁକ୍ତି ନ  ହେବା ନେଇ   ପ୍ରାର୍ଥୀନିମାନେ ଜିଲ୍ଲାପାଳଙ୍କ ପାଖରେ ଅଭିଯୋଗ କରିଥିଲେ l   ହଳଦୀ ଗ୍ରାମର ମୁଖ୍ୟ ରାସ୍ତା ମରାମତି ସମେତ ଗ୍ରାମର ଦୁଇଟି ପୋଖରୀର ପୁନଃ ଉଦ୍ଧାର କରିବା ପାଇଁ ସମାଜସେବୀ ଭୋଦେବ ବାଗ ଏବଂ ସମାଜସେବୀ ପ୍ରଶାନ୍ତ ପାରି ଜିଲ୍ଲାପାଳ ପାଖରେ ଅଭିଯୋଗ କରିଥିଲେ l ଅନକାବେଡା ପଞ୍ଚାୟତ ଅଧିନ ନୂଆପଡା ଗ୍ରାମର ଶିରାପଡା ଅଙ୍ଗନୱାଡି କେନ୍ଦ୍ରକୁ ମରାମତି କରିବା ପାଇଁ ୱାର୍ଡସଭ୍ୟ  ପଦୁ ମରେଇ ସମାଜସେବୀ ନିମାଇଁ ଚରଣ ପାଣ୍ଡେ ଅଭିଯୋଗ କରି ଥିଲେ l   ବେହେରାମୁଣ୍ଡା ପଞ୍ଚାୟତ ଅଧିନ ଜାମଳିପଡା ଗ୍ରାମକୁ ବିଦ୍ୟୁତ ସଂଯୋଗ ଦେବା ନିମନ୍ତେ  ମାଲଗାଁ ବିଜେପି ମଣ୍ଡଳ ସଭାପତି ମୋହନ ନାୟକ ଅଭିଯୋଗ କରିଥିଲେ l  ଜିଲ୍ଲାପାଳଙ୍କ ଅଭିଯୋଗ ଶୁଣାଣି  ଅବସରରେ ଚନ୍ଦାହାଣ୍ଡି ବିଡିଓ ରାମକୃଷ୍ଣ ନାୟକ,   ବ୍ଲକ ଅଧ୍ୟକ୍ଷା ସୁମିତ୍ରା ପୂଜାରୀ,  ଙ୍କ ସମେତ ସମସ୍ତ ବିଭାଗର ଜିଲ୍ଲା ଅଧିକାରୀ ବ୍ଲକ ଅଧିକାରୀ ଏବଂ କର୍ମଚାରୀ ମାନେ ଉପସ୍ଥିତ ରହି ଥିଲେ l