ନୂଆଦିଲ୍ଲୀ,୬।୧୧: କ୍ରୋଏସିଆର ବୈଦେଶିକ ମନ୍ତ୍ରୀ ଗର୍ଡନ ଗ୍ରାଲିକ୍ ରେଡମ୍ୟାନ୍ ଏବେ ବିବାଦର ପରିସରରେ। ଜର୍ମାନର ବୈଦେଶିକ ମନ୍ତ୍ରୀ ଏନାଲେନା ବେୟରବଙ୍କୁ ସର୍ବସାଧାରଣରେ ଚୁମ୍ବନ ଦେବା ପରେ ଆରମ୍ଭ ହୋଇଛି ଏହି ବିବାଦ। ରେଡମ୍ୟାନ୍ ଜର୍ମାନୀର ରାଜଧାନୀ ବର୍ଲିନରେ ଆୟୋଜିତ ୟୁରୋପୀୟ ସଂଘର ସମ୍ବିଳନୀର ଏକ ଗ୍ରୁପ୍ ଫଟୋ ବେଳେ ହଠାତ୍ ଜର୍ମାନ ବୈଦେଶିକ ମନ୍ତ୍ରୀଙ୍କ ଗାଲକୁ ସର୍ବସାଧାରଣରେ ଚୁମ୍ବନ ଦେଇଥିଲେ। ଏଥିପାଇଁ ଏନାଲେନ୍ ନିଜକୁ ଖୁବ୍ ଅସହଜ ମନେ କରିଥିଲେ। ଏହି ଘଟଣାର ଭିଡିଓ ଭାଇରାଲ ହେବାପରେ କ୍ରୋଏସିଆ ବୈଦେଶିକ ମନ୍ତ୍ରୀଙ୍କୁ ଚାରିଆଡୁ କରାଯାଇଥିଲା ସମାଲୋଚନା।
🇭🇷#Croatia's foreign minister tries to #kiss his #German counterpart at a #summit.https://t.co/cHt7WG53wJ pic.twitter.com/1EpCUslcRL
— Enigma Intel (@IntelEnigma) November 4, 2023
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିପାରିବେ ରେଡମ୍ୟାନ୍ ଜର୍ମାନ ବୈଦେଶିକ ମନ୍ତ୍ରୀ ଏନାଲେନାଙ୍କ ଆଡକୁ ହାତ ମିଳାଇବା ପାଇଁ ବୁଲୁଛନ୍ତି ଓ ତାଙ୍କୁ ପରେ ଚୁମ୍ବନ କରୁଛନ୍ତି। ଭିଡିଓରେ ଏନାଲେନା ତାଙ୍କୁ ରୋକୁଥିବାର ଦେଖାଯାଉଛନ୍ତି। ଏହି ଘଟଣା ସେତେବେଳେ ଘଟିଛି ଯେତେବେଳେ ଇୟୁ ଶିଖର ସମ୍ମଳନୀ ପାଇଁ ଏକ ବୈଠକ ପରେ ସବୁ ନେତା ଫଟୋସୁଟ୍ ପାଇଁ ଏକାଠି ହୋଇଥିଲେ।
କ୍ରୋଏସିଆ ବୈଦେଶିକ ମନ୍ତ୍ରୀଙ୍କ ଏଭଳି କାର୍ଯ୍ୟକଳାପକୁ ନେଇ କ୍ରୋଏସିଆର ପୂର୍ବତନ ପ୍ରଧାନମନ୍ତ୍ରୀ ଜନ୍ଦ୍ରାନକା କୋସୋର ସୋସିଆଲ ମିଡିଆରେ ରେଡମ୍ୟାନ୍ ଆଲୋଚନା କରିଛନ୍ତି। କୋସୋର କ୍ରୋଏସିଆ ଭାଷାରେ ଲେଖିଛନ୍ତି, ମହିଳାଙ୍କୁ ବଳପୂର୍ବକ ଚୁମ୍ବନ କରିବା ମଧ୍ୟ ହିଂସା କୁହାଯାଏ। ରିପୋର୍ଟ ଅନୁସାରେ, ରେଡମ୍ୟାନ୍ ଏହି ଘଟଣା ଉପରେ ନିଜ ସଫେଇ ଦେଇଛନ୍ତି। ସେ କହିଛନ୍ତି, ମୋତେ ଜଣାନାହିଁ କ’ଣ ସମସ୍ୟା ହେଲା.. ଆମେ ସବୁବେଳେ ପରସ୍ପରକୁ ଖୁବ୍ ଉତ୍ସାହର ସହିତ ସ୍ବାଗତ କରିଥାଉ।
