ଡେଲାଙ୍ଗ, ୦୯/୧୨ : ବିଳମ୍ବିତ ରାତିରେ ଧାନ ଗଦାରେ ନିଆଁ ଲଗାଇଦେଲେ ଦୁର୍ବୃତ୍ତ। ପୁରୀ ଜିଲ୍ଲା ଡେଲାଙ୍ଗ ଥାନା ଅନ୍ତର୍ଗତ ଗୋଦାସାହି ନିକଟ ଗହୀର ମଧ୍ୟରେ ଥିବା ଧାନ ଜମିରେ ଦୁର୍ବୃତ୍ତ ନିଆଁ ଲଗାଇ ଦେଇଛନ୍ତି। ପ୍ରାୟ ୫୦ ହଜାର ଟଙ୍କାର ଧାନ ଜଳି ପାଉଁଶ ହୋଇଯାଇଛି।
ସୂଚନାନୁଯାୟୀ, ଗୋଦାସାହି ଗ୍ରାମର ପ୍ରେମାନନ୍ଦ ଜେନା ନାମକ ଜଣେ ଚାଷୀ ଚଳିତ ବର୍ଷ ତାଙ୍କ ଜମିରେ ଧାନ ଚାଷ କରିଥିଲେ । ଧାନ କାଟି ଜମିରେ ଗଦା କରି ରଖିଥିବା ବେଳେ ଦୁର୍ବୃତ୍ତମାନେ ଆସି ଗତ ବିଳମ୍ବିତ ରାତିରେ ଧାନ ଗଦାରେ ନିଆଁ ଲଗେଇ ଦେଇଛନ୍ତି। ଖବର ପାଇ ପ୍ରେମାନନ୍ଦ ଓ ତାଙ୍କ ପୁଅ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହ ମିଶି ନିଆଁକୁ ଲିଭାଇଥିଲେ । ସକାଳୁ ନିଆଁ ଲାଗିଥିବା ଧାନ ଗଦା ମୂଳରେ ଦୁର୍ବୃତ୍ତ ନିଜର ଚପଲ ଛାଡ଼ି ଚାଲି ଯାଇଥିବା ଅନୁମାନ କରାଯାଉଛି । ନିଆଁ ଲାଗି ନଷ୍ଟ ହୋଇଥିବା ଧାନର ମୂଲ୍ୟ ପାଖା ପାଖି ୫୦,୦୦୦ ହଜାର ଟଙ୍କା ହେବ ବୋଲି ଚାଷୀ ଅଭିଯୋଗ କରିଛନ୍ତି। ଏନେଇ ପ୍ରେମାନନ୍ଦ ହଇରାଜପୁରୁ ଫାଣ୍ଡିରେ ଏକ ଲିଖିତ ଅଭିଯୋଗ ଦେଇଛନ୍ତି । ଅଭିଯୋଗକୁ ଭିତ୍ତିକରି ଫାଣ୍ଡି ଅଧିକାରୀ ତଦନ୍ତ ଆରମ୍ଭ କରିଛନ୍ତି ।