ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଶ୍ରୀଜିଉଙ୍କ ଦେବସ୍ନାନ ପୂର୍ଣ୍ଣିମା: ରତ୍ନବେଦୀରୁ ସ୍ନାନ ମଣ୍ଡପକୁ ଓହ୍ଲାଇ ଆସୁଛନ୍ତି ଚତୁର୍ଦ୍ଧାମୂରତି

ପୁରୀ,୨୨/୦୬: ଆଜି ପବିତ୍ର ସ୍ନାନଯାତ୍ର ଓ ହାତୀବେଶ। ଜଗତରନାଥ ଶ୍ରୀଜଗନ୍ନାଥଙ୍କ  ରତ୍ନବେଦୀରୁ ସ୍ନାନ ମଣ୍ଡପକୁ ଓହ୍ଲାଇ ଆସିବେ । ଶ୍ରୀମନ୍ଦିର ପରିସର ସୁନା  କୂଅରୁ ୧୦୮ କଳସ ଜଳ ଅଣାଯାଇ  ଅଭିମନ୍ତ୍ରିତ ଓ ସୁବାସିତ କରାଯିବା  ପରେ ଏଥିରେ ମହାପ୍ରଭୁଙ୍କ ଦିବ୍ୟସ୍ନାନ କରାଯିବ । ପରେ ମହାପ୍ରଭୁଙ୍କ  ଦେବଦୁର୍ଲଭ ହାତୀବେଶ ଅନୁଷ୍ଠିତ  ହେବ । 

ଶନିବାର ଭୋର୍‌ ୫ଟାରୁ  ଶ୍ରୀଜିଉମାନଙ୍କ ପହଣ୍ଡି ଆରମ୍ଭ ହୋଇଛି।  ଧାଡି ପହଣ୍ଡିରେ ସ୍ନାନ ମଣ୍ଡପକୁ ବିଜେ କରିବେ ଚତୁର୍ଦ୍ଧାମୂରତି । ଦିନ ୧୨ଟା  ୨୦ରୁ ୧ଟା ୪୫ ଭିତରେ ମହାପ୍ରଭୁଙ୍କ ଦିବ୍ୟ ସ୍ନାନ ଅନୁଷ୍ଠିତ ହେବ । ଦିନ  ୩ଟାରେ ଛେରା ପହଁରା, ୩ଟା   ୪୦ରେ ହାତୀବେଶ ଓ ସନ୍ଧ୍ୟା  ସାଢ଼େ ୭ଟାରୁ ରାତି ସାଢ଼େ ୧୦ଟା  ପର୍ଯ୍ୟନ୍ତ ସାହାଣମେଲା ଦର୍ଶନ  ବ୍ୟବସ୍ଥା କରାଯିବାକୁ ନୀତି ନିର୍ଘଣ୍ଟ  କରାଯାଇଛି । ବାହୁଡ଼ା ପହଣ୍ଡି ରାତି  ସାଢ଼େ ୧୧ଟାରୁ କରାଯିବ । 

ସ୍ନାନଯାତ୍ରା ପାଇଁ ପୁଲିସ, ଅଗ୍ନିଶମ   ବିଭାଗ ପକ୍ଷରୁ ବ୍ୟାପକ ବନ୍ଦୋବସ୍ତ   କରାଯାଇଛି । ୬୮ ପ୍ଲାଟୁନ ପୁଲିସ  ଫୋର୍ସ ମୁତୟନ ହୋଇଛନ୍ତି । ଜିଲ୍ଲା  ପ୍ରଶାସନ ପକ୍ଷରୁ ପ୍ରାୟ ୨୬ ଜଣ  ମାଜିଷ୍ଟ୍ରେଟ ମୁତୟନ ହୋଇଛନ୍ତି । ମୁଖ୍ୟ  ଶାସନ ସଚିବ ପ୍ରଦୀପ ଜେନା ଉପସ୍ଥିତ  ରହି ଶାନ୍ତିଶୃଙ୍ଖଳାରେ ସ୍ନାନଯାତ୍ରା  ସମାପନ ନିମନ୍ତେ ଦୃଷ୍ଟି ଦେଉଛନ୍ତି ।  ଶ୍ରୀମନ୍ଦିର, ବଡ଼ଦାଣ୍ଡ, ଶ୍ରୀମନ୍ଦିର ସଂଲଗ୍ନ  ବିଭିନ୍ନ ସାହି, ସମୁଦ୍ରକୂଳ ରାସ୍ତା, ପୁରୀ ଭୁବନେଶ୍ୱର ରାଜପଥ, ତୀର୍ଥ ପୁଷ୍କରଣୀ  ପ୍ରଭୃତି ବିଭିନ୍ନ ସ୍ଥାନରେ ଯାତ୍ରୀ ସୁରକ୍ଷା  ଓ ଶୃଙ୍ଖଳା ରକ୍ଷା ନିମନ୍ତେ ପୁଲିସ ଓ ମାଜିଷ୍ଟ୍ରେଟ ମୁତୟନ ହୋଇଛନ୍ତି । ସେହିପରି ପ୍ରଚଣ୍ଡ  ଗୁଳୁଗୁଳିରୁ ଆଶ୍ୱସ୍ତି ଦେବା ନିମନ୍ତେ ତଥା ଶ୍ରଦ୍ଧାଳୁଙ୍କ ଉପରେ  ପାଣି ସିଞ୍ଚନ କରିବାକୁ ଅଗ୍ନିଶମ ଓ ୱାଟକୋ ପକ୍ଷରୁ ପଦକ୍ଷେପ  ନିଆଯାଇଛି । ଶ୍ରଦ୍ଧାଳୁମାନେ ବିଭିନ୍ନ ରାସ୍ତା ଦେଇ ଶ୍ରୀକ୍ଷେତ୍ରରେ  ପହଞ୍ଚିବା ପରେ ନିର୍ଦ୍ଧାରିତ ସ୍ଥାନରେ ଗାଡ଼ି ପାର୍କିଂ କରି  ବଡ଼ଦାଣ୍ଡରେ ପହଞ୍ଚିବେ । ପରେ ମାର୍କେଟ ଛକରୁ ବ୍ୟାରିକେଟ  ଯୋଗେ ଶ୍ରୀମନ୍ଦିର ସିଂହଦ୍ୱାର ହୋଇ ଶ୍ରୀମନ୍ଦିରରେ ପ୍ରବେଶ  କରି ଠାକୁରଙ୍କୁ ଦର୍ଶନ କରିବେ । ଠାକୁରଙ୍କ ପହଣ୍ଡି ପରେ  ଏହି ଦର୍ଶନ ବ୍ୟବସ୍ଥାର ସୁଯୋଗ ମିଳିବ । ନଚେତ୍‌ ଶ୍ରୀମନ୍ଦିର   ସିଂହଦ୍ୱାର ସମ୍ମୁଖ ବଡ଼ଦାଣ୍ଡରେ ଠିଆ ହୋଇ ମଧ୍ୟ ସ୍ନାନ  ମଣ୍ଡପରେ ଚତୁର୍ଦ୍ଧାମୂର୍ତ୍ତିଙ୍କ ଦିବ୍ୟ ଦର୍ଶନ ଲାଭ କରିହେବ । ସ୍ନାନ  ଯାତ୍ରା ଦେଖିବାକୁ ବସ୍‌ ଓ ଟ୍ରେନ୍‌ରେ ଲକ୍ଷାଧିକ ଶ୍ରଦ୍ଧାଳୁ ପୁରୀ  ଆସିବେ । ତେଣୁ ଶନିବାର ବସ୍‌ ଓ ଟ୍ରେନ୍‌ରେ ଓଭରଲୋଡ଼ିଂ   ସ୍ଥିତି ଉପୁଜିବା ଆଶଙ୍କା ରହିଛି । ଏହାକୁ ନିୟନ୍ତ୍ରଣ କରିବାକୁ  ଆଞ୍ଚଳିକ ପରିବହନ ବିଭାଗ ପକ୍ଷରୁ ୩ଟି ସ୍କ୍ୱାଡ୍‌ ଗଠନ  ହୋଇଛି । ଏହି ସ୍କ୍ୱାଡ୍‌ ପୁରୀ-ଭୁବନେଶ୍ୱର, ପୁରୀ-କୋଣାର୍କ  ଓ ପୁରୀ-ବ୍ରହ୍ମଗିରି ରାଜପଥରେ ଓଭରଲୋଡ଼ିଂ ବ୍ୟବସ୍ଥାକୁ  ତଦାରଖ କରିବେ । ସେହିପରି ରେଲୱେ ବିଭାଗ ପକ୍ଷରୁ  ଓଭରଲୋଡ଼ିଂ ଉପରେ ନଜର ରଖିବାକୁ ଆର୍‌ପିଏଫ୍‌କୁ ଦାୟିତ୍ୱ  ଦିଆଯାଇଛି ।

WATCH LIVE : ସ୍ନାନ ପୁର୍ଣିମା ସିଧାପ୍ରସାରଣ ପୁରୀରୁ | ପ୍ରଥମ ଥର ପାଇଁ ପ୍ରମେୟ ଓଡ଼ିଆରେ | Prameya Odia

  • PrameyaOdia
  • prameya
  • Ratha Yatra 2024
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.