ଜି. ଉଦୟଗିରି, ୭।୬: ଗାଁରେ ହାତୀପଲଙ୍କ ଉପଦ୍ରବ । କିଛି ଦିନ ହେବ କନ୍ଧମାଳ ଜିଲ୍ଲାର କଳିଙ୍ଗା, ସୂଜେଲି ସମତେ ବିଭିନ୍ନ ସ୍ଥାନରେ ହାତୀପଲଙ୍କ ଉପଦ୍ରବ ଲାଗିରହିଛି । ରାତିହେଲେ ଗାଁ ଆଡ଼େ ମାଡ଼ି ଆସୁଛନ୍ତି ହାତୀ । ବ୍ୟାପକ ଫସଲ ନଷ୍ଟ କରିଦେଉଥିବାର ଦେଖିବାକୁ ମିଳିଛି । ରାତିସାରା ଗାଁ ଲୋକେ ଅନିଦ୍ରା ରହି ହାତୀପଲକୁ ବାଦ୍ୟ, ଘଣ୍ଟ ବଜାଇ ଘଉଡ଼ାଉଛନ୍ତି । ସନ୍ଧ୍ୟା ହେଲେ ବଣରୁ ଗାଁ ମୁହାଁ ହେଉଛନ୍ତି ହାତୀ ପଲ ।
ବନ ବିଭାଗ ପକ୍ଷରୁ ସୂଚନା ମୁତାବକ, ଏହି ପଲରେ ଦନ୍ତା ହାତୀ ସମତେ ୨୪ଟି ହାତୀ ଅଛନ୍ତି । ପଣସ, ଆମ୍ବ ଗଛ ଓ ଫଳ ନଷ୍ଟ କରିବା ସହ ଲୋକମାନେ ଚାଷ କରିଥିବା ହଳଦୀ, କଦଳୀ ଗଛ, ଚିନାବାଦାମ ଆଦି ନଷ୍ଟ କରିଦେଉଥିବାର ଦେଖିବାକୁ ମିଳିଛି । ଘର ସମ୍ମୁଖରେ ଥିବା ପାତ୍ରରେ ପାଣି ପିଇବା ସହ ଘର ସାମଗ୍ରୀ ନଷ୍ଟ କରିଦେଉଛି । ଲୋକମାନେ ସାରା ରାତି ଅନିଦ୍ରା ରହୁଛନ୍ତି । ନଷ୍ଟ ହୋଇଥିବା ଫସଲର କ୍ଷତିପୂରଣ ଦାବି କରିଛନ୍ତି ଗ୍ରାମବାସୀ । ଏନେଇ ବନ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।