ନୂଆଦିଲ୍ଲୀ,୧୧।୬: ଏଲନ୍ ମସ୍କ ‘ଆପଲ’କୁ ନେଇ ନିଜର ଅସନ୍ତୋଷ ପ୍ରକାଶ କରିଛନ୍ତି। ସେ କହିଛନ୍ତି, ଯଦି ସେ ଓପନ OpenAI ସହ ପାର୍ଟନରସିପ୍ ଜାରି ରଖିବ, ତେବେ ସେ ନିଜ ଅଫିସରେ iPhone ଓ Macbook ର ଏଣ୍ଟ୍ରିକୁ ବନ୍ଦ କରି ପାରନ୍ତି। ଏହାଛଡା ସେହି ପ୍ରଡକ୍ଟକୁ ନେଇ କର୍ମଚାରୀ ଓ ଭିଜିଟର୍ସ ତାଙ୍କ ଅଫିସରେ ପଶି ପାରିବେନି। ଏଲନ ମସ୍କ ‘ଏକ୍ସ’ ପ୍ଲାଟଫର୍ମରେ ପୋଷ୍ଟ କରି କହିଛନ୍ତି, ଯଦି iPhone ର OS ସହ OpenAI ଆସିବ, ତେବେ ସେ ନିଜ ଅଫିସରେ ଏହି ଡିଭାଇସ୍ ଏଣ୍ଟ୍ରି ବନ୍ଦ କରିଦେବେ। ଏଲନ୍ ମସ୍କ ଏହି କଥା ଆପଲ୍ ସିଇଓ ଟିମ୍ କୁକ୍ଙ୍କ ପୋଷ୍ଟର ରିପ୍ଲାଇ ଦେଇ ଲେଖିଛନ୍ତି।
If Apple integrates OpenAI at the OS level, then Apple devices will be banned at my companies. That is an unacceptable security violation.
— Elon Musk (@elonmusk) June 10, 2024
— Elon Musk (@elonmusk) June 10, 2024
ଏଲନ୍ ମସ୍କ ଓପନ ଏଆଇକୁ ନେଇ ବହୁ ପୋଷ୍ଟ ସେୟାର କରିଛନ୍ତି। ସେ ଓପନ୍ ଏଆଇକୁ ନେଇ ଗମ୍ଭୀର ଆରୋପ କରିଛନ୍ତି। ସେ ଦାବି କରିଛନ୍ତି, OpenAI ଡାଟା ଆକ୍ସେସ୍ କରିପାରେ। ଏଥିପାଇଁ ସେ ନିଜ ଅଫିସରେ Apple iPhone ଓ MacBook କୁ ବ୍ୟାନ୍ କରିଦେବେ। ଏହାସହ ତାଙ୍କ କର୍ମଚାରୀ ମଧ୍ୟ ଅଫିସକୁ ଏହି ପ୍ରଡକ୍ଟ ନେଇ ଆସିପାରିବେନି। ଏପରିକି ଭିଜିଟର୍ସଙ୍କୁ ମଧ୍ୟ ଅଫିସରେ ଏଣ୍ଟ୍ରି କରିବା ପୂର୍ବରୁ ଚେକିଂ କରାଯିବ। ଏପରିକି କନଫର୍ମ କରାଯିବ ତାଙ୍କ ପାଖରେ Apple iPhone ଓ MacBook ଅଛି କି ନାହିଁ। ଏବେ ଏଭଳି ସ୍ଥିତିରେ ପ୍ରଶ୍ନ ଉଠୁଛି ଯେ, ଏଲନ୍ ମସ୍କ ଏଭଳି କାହିଁକି କରିଛନ୍ତି ? ଏହାର କାରଣ ଆସନ୍ତୁ ଜାଣିବା...
ଉଲ୍ଲେଖନୀୟ ଯେ, ‘ଆପଲ’ ସୋମବାର ଓ୍ବାର୍ଲ୍ଡ ଓ୍ବାଇଡ୍ ଡେଭଲପର କନଫ୍ରେନ୍ସ ୨୦୨୪ ର ଆରମ୍ଭ କରିଛି। ଏହି ଇଭେଣ୍ଟରେ କମ୍ପାନୀ iOS 18 ସହିତ ବହୁ ଅପରେଟିଂ ସିଷ୍ଟମ ଉପରକୁ ପରଦା ଉଠାଇଛି। ଏହା ସହ ତା’ର ଫିଚର୍ସ ବିଷୟରେ କହିଛି। କମ୍ପାନୀ ଆପଲ ଇଣ୍ଟେଲିଜେନ୍ସକୁ ମଧ୍ୟ ଲଞ୍ଚ କରିଛି। Apple ପକ୍ଷରୁ ChatGPT ମେକର OpenAI ସହିତ ପାର୍ଟନରସିପ୍ ଘୋଷଣା କରିଛି। କମ୍ପାନୀର ଦାବୀ ଅନୁସାରେ, ୟୁଜର୍ସଙ୍କ ଡାଟା ସେଫ୍ ରହିବ। ଏହାପରେ ଏଲନ୍ ମସ୍କ ‘ଏକ୍ସ’ରେ ନିଜର ଅସନ୍ତୋଷ ପ୍ରକାଶ କରିଛନ୍ତି।
