ଭୁବନେଶ୍ଵର, ୧୩।୦୫ : ଓଡ଼ିଶାରେ ଚାଲିଛି ପ୍ରଥମ ପର୍ଯ୍ୟାୟ ଭୋଟ୍ । ୪ଟି ଲୋକସଭା ଏବଂ ୨୮ଟି ବିଧାନସଭା ଆସନ ପାଇଁ ଚାଲିଛି ମତଦାନ। ହେଲେ ନିର୍ବାଚନ ଆରମ୍ଭ ପୂର୍ବରୁ କିଛି ଇଭିଏମ୍ ତ୍ରୁଟି ଥିବା ଘଟଣା ସାମ୍ନାକୁ ଆସିଛି। ମାଲକାନଗିରି ପୌରପରିଷଦର ୫୪ ଏବଂ ୫୫ ନମ୍ବର ବୁଥ୍ରେ ବିବିଗୁଡ଼ା ସ୍କୁଲରେ ଥିବା ଇଭିଏମ୍ ମେସିନ ଅଚଳ ହୋଇଯାଇଛି । ଏହାସହିତ ୬୬ ନମ୍ବର ବୁଥ୍ କୁମୁଟିଗୁଡ଼ା ସ୍କୁଲରେ ଥିବା ଇଭିଏମ୍ ମେସିମ ମଧ୍ୟ ଅଚଳ ହୋଇଯାଇଛି । ଯାହାଫଳରେ ମତଦାନରେ ବାଧାପ୍ରାପ୍ତ ହୋଇଛି । ଶହ ଶହ ଭୋଟର ଧାଡିରେ ଠିଆ ହୋଇଛନ୍ତି।
ସେହିପରି ନୂଆପଡ଼ାର ୧୦୧ ନଂ ବୁଥ୍ରେ ଇଭିଏମ୍ ତ୍ରୁଟିରୁ ମତଦାନରେ ବିଳମ୍ଵ ହୋଇଛି। ଖଡ଼ିଆଳ ଲୋହରାପାଲି ୮୯ ବୁଥ୍ ଓ ପୋଡାପାଲିର ୭୨ନଂ ବୁଥ୍ରେ ମତଦାନରେ ବିଳମ୍ବ ହୋଇଛି। ଜୟପୁରରେ ୧୬୦ ଓ ୧୯୪ ବୁଥ୍ରେ ମତଦାନରେ ବିଳମ୍ବ ହୋଇଛି। ବୋରିଗୁମାରେ ୫୯ ଓ ୬୦ ନଂ ବୁଥ୍ରେ ଇଭିଏମ୍ ଅଚଳ ହୋଇଛି।