ଖୋର୍ଦ୍ଧା,୧୮/୦୪: ଖୋର୍ଦ୍ଧା ବିଧାନସଭା ପ୍ରାର୍ଥୀଙ୍କ ନାମ ବିଜେଡି ଘୋଷଣା କରିନି । ବିଜେଡି ନୁହେଁ ବରଂ ବିଜେପି ଓ କଂଗ୍ରେସ କାହାକୁ ପ୍ରାର୍ଥୀ କରିବେ ସେ ଅଙ୍କ ଛିଡ଼ୁନଥିବା ଜଣାପଡ଼ିଛି । ଉଭୟ ବିଜେପି ଓ ବିଜେଡି ଆଶାୟୀ ଟିକଟ୍ ବଞ୍ଚିତ ହେଲେ ଅନ୍ୟ ଦଳକୁ ଡେଇଁବା ଆଶଙ୍କା ରହିଛି । ଏମିତିକି ଟିକଟ୍ ବିଳମ୍ବ ହେବାରୁ ଖୋର୍ଦ୍ଧା ବିଧାନସଭା ବିଜେପି ପ୍ରାର୍ଥୀ କାଳୁ ଖଣ୍ଡେଇରାୟ, ବିଜେଡି ଆଶାୟୀ ତଥା ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ ଓ ବିଜେଡି ବରିଷ୍ଠ ନେତ୍ରୀ ବାସନ୍ତୀ ମହାପାତ୍ର ପ୍ରମୁଖ ରାଜଧାନୀରେ ଶକ୍ତି ପ୍ରଦର୍ଶନ କରିଛନ୍ତି। କିନ୍ତୁ ନିର୍ବାଚନ ଟିକଟ୍ ଆଶାୟୀ ଦୌଡ଼ରେ ଥିବା ବିଜେଡି ନେତ୍ରୀ ବାସନ୍ତୀ ମହାପାତ୍ର ଆଉ ଧୈର୍ଯ୍ୟ ଧରିବା ଅବସ୍ଥାରେ ନାହାନ୍ତି ।
ଗଣମାଧ୍ୟମ ଆଗରେ କହିଛନ୍ତି ଯେ ତାଙ୍କ ପ୍ରତି ଦଳ ଅବିଚାର ମନୋଭାବ କଲେ ବାଧ୍ୟ ହୋଇ ବିଦ୍ରୋହୀ ଭୂମିକାରେ ଅବତୀର୍ଣ୍ଣ ହେବେ । ବାସନ୍ତୀଙ୍କ ଚେତାବନୀ ପରେ ଦଳ ତାଙ୍କୁ ପ୍ରାର୍ଥୀ କରୁଛି କି ବିଶୃଙ୍ଖଳିତ ଆଚରଣ ଅଭିଯୋଗରେ କଡ଼ା ଅଭିମୁଖ୍ୟ ଗ୍ରହଣ କରିବ ତାହା ଉପରେ ସମସ୍ତଙ୍କ ନଜର ।
Also Read :-