ନୂଆଦିଲ୍ଲୀ,୧୬।୧୧: ଭାରତ ଓ କାନାଡା ମଧ୍ୟରେ ଜାରି ରହିଛି ବିବାଦ। ଏହାର ପ୍ରଭାବ ଦେଖିବାକୁ ମଳିଛି   କାନାଡାର ବ୍ରିଟିସ୍ କଲମ୍ବିଆ ପ୍ରାନ୍ତର ଖାଲସା ଦିଓ୍ବାନ ସୋସାଇଟି ଗୁରୁଦ୍ବାରରେ। ନିକଟରେ ଘଟିଥିବା ଭାରତୀୟ ବାଣିଜ୍ୟ ଦୂତାବାସ ଅଧିକାରୀ ଭାରତୀୟ ପେନଶନଧାରୀଙ୍କ ଜୀବିତ ପ୍ରମାଣପତ୍ର ଜାରି କରୁଥିଲେ। ଏହାକୁ ବିରୋଧ କରି କିଛି ଖଲିସ୍ତାନୀ ସମର୍ଥକ ହଙ୍ଗାମା ଆରମ୍ଭ କରିଥିଲେ। ଦୂତାବାସ ଅଧିକାରୀଙ୍କୁ ସ୍ଥାନୀୟ ପୋଲିସ ଆନ୍ଦୋକନକାରୀଙ୍କଠାରୁ ରକ୍ଷା କରି ସୁରକ୍ଷିତ ସ୍ଥାନକୁ ପଠାଇଥିଲା।

ଖଲିସ୍ତାନୀ ସମର୍ଥକ ସଂଗଠନ ଶିଖ୍ ଫର ଜଷ୍ଟିସ୍ ଚେତାବନୀ ହେଇଛି। ଆଗାମୀ ସମୟରେ ଭାରତୀୟ ଦୂତାବାସର କାମ ଉପରେ ଏହା ପ୍ରଭାବ ପକାଇବ। ସିଖ୍‌ ଫର ଜଷ୍ଟିସ୍  ବହୁ ପୋଷ୍ଟର ଜରିଆର ଧମକ ଦେଇଛି ଯେ, ଭାରତୀୟ ଦୂତାବାସରେ କୌଣସି ଏଭଳି କ୍ୟାମ୍ପ ଲଗା ନଯାଉ ନଚେତ ସେମାନେ ତାକୁ ବନ୍ଦ କରିଦେବେ।

ଉଲ୍ଲେଖନୀୟ ଯେ, ୧୮ ଓ ୧୯ ନଭେମ୍ବରରେ ଭାରତୀୟ ବାଣିଜ୍ୟ ଦୂତାବାସ  ଗ୍ରେଟର ଟରୋଣ୍ଟୋ ଅଞ୍ଚଳରେ ପୁଣିଥରେ କ୍ୟାମ୍ପ ଲଗାଇବ। ଏଥିରୁ ଗୋଟିଏ କ୍ୟାମ୍ପ ଗୁରୁଦ୍ବାରରେ ହେବ ଓ ଦ୍ବିତୀୟ କ୍ୟାମ୍ପ ମନ୍ଦିରରେ ଆୟୋଜିତ କରାଯିବ। ଏଭଳି ଭାବରେ ଭ୍ୟେକୁମ୍ବର ମେଟ୍ରୋ ଅଞ୍ଚଳରେ ୧୯ ନଭେମ୍ବରରେ ଏକ କ୍ୟାମ୍ପ ଲଗାଯିବ। ଏହାଛଡା ସସ୍କାତୁନ ପ୍ରାନ୍ତର ଏକ ସ୍କୁଲରେ ଭାରତୀୟ ବାଣିଜ୍ୟ ଦୂତାବାସ କ୍ୟାମ୍ପ ଲଗାଯିବ। ହିନ୍ଦୁସ୍ତାନ ଟାଇମ୍ସର ରିପୋର୍ଟ ଅନୁସାରେ, କାନାଡାର ବରିଷ୍ଠ  ଭାରତୀୟ ଅଧିକାରୀ କହିଛନ୍ତି, କ୍ୟାମ୍ପ ବେଳେ ଗୁରୁଦ୍ବାରରେ ୧୦ ରୁ ୨୦ ପ୍ରଦର୍ଶନକାରୀ ପହଞ୍ଚିଥିଲେ ଓ ସେଠାରେ ଠିଆ ହୋଇଥିବା ବହୁ ଭାରତୀୟଙ୍କୁ ଗାଳି ଦେବା ଆରମ୍ଭ କରିଥିଲେ।’ ସେ କହିଛନ୍ତି, ଆମକୁ କ୍ୟାମ୍ପ ଲଗାଇବାରେ ବହୁ ସମସ୍ୟା ହୋଇଛି। ସେଠାରେ ପର୍ଯ୍ୟନ୍ତ ପୋଲିସ ଥିଲେ।