ନୂଆଦିଲ୍ଲୀ: ଗାଜାରେ ଇସ୍ରାଏଲ୍ ସେନାର ଲଗାତାର ବିସ୍ଫୋରଣରେ ହଜାର ହଜାର ଲୋକଙ୍କ ଦୁଃଖଦ ମୃତ୍ୟୁ ହୋଇଛି । ଏହା ସତ୍ତ୍ବେ ବାଇଡେନ ପ୍ରଶାସନ ଇସ୍ରାଏଲ୍ ପାଇଁ ୩୨୦ ମିଲିୟନ ଡଲାରର ଅସ୍ତ୍ର ଚୁକ୍ତି କରିବାକୁ ନେଇ ନିଷ୍ପତ୍ତି ନେଇଛି ।  ଦ ୱାଲ୍ ଷ୍ଟ୍ରିଟ୍ ଜର୍ଣ୍ଣାଲର ରିପୋର୍ଟ ଅନୁଯାୟୀ, ଏହି ଚୁକ୍ତି ଅନୁଯାୟୀ ଇସ୍ରାଏଲକୁ ସ୍ପାଇସ୍ ଫ୍ୟାମିଲି ଗ୍ଲାଇଡିଂ ବମ୍ ଆସେମ୍ବଲି ମିଳିବ । ଏହା ଏକ ପ୍ରକାର ସ୍ମାର୍ଟ ବମ୍ । 

ସ୍ପାଇସ୍ ବୋମା ଗୁଡ଼ିକ ଆକାଶ ମାର୍ଗରୁ ସ୍ଥଳ ଭାଗକୁ ନିକ୍ଷେପଣ କରାଯାଇଥାଏ । ଏଗୁଡିକ ରାଫେଲ୍ ୟୁଏସ୍ ଦ୍ୱାରା ବିକଶିତ ହୋଇଛି । ସୂଚନାଥାଉକି, ଯେ ରାଫାଲ୍ ୟୁଏସଏ ହେଉଛି ଇସ୍ରାଏଲର ଅନ୍ୟତମ ପ୍ରମୁଖ ଅସ୍ତ୍ରଶସ୍ତ୍ର ଉତ୍ପାଦନକାରୀଙ୍କର ଆମେରିକୀୟ ଶାଖା । 

ଏହି ବୋମା ଗୁଡିକ ଅଣସଂଗଠିତ ବୋମାର ସଠିକତା ବଢାଇବା ପାଇଁ ଡିଜାଇନ୍ କରାଯାଇଛି, ଯାହାକି ପ୍ରଭାବଶାଳୀ ଭାବରେ ଜିପିଏସ୍ ଗାଇଡ୍ ଅସ୍ତ୍ରରେ ପରିଣତ କରେ । ସ୍ପାଇସ୍ ବମ୍ ଗୁଡିକ ସଠିକ୍ ଫାଇଲ୍ ଟାର୍ଗେଟ୍ ପାଇଁ INS / GPS  ଗାଇଡ୍ ଏବଂ ଇଲେକ୍ଟ୍ରୋ-ଅପ୍ଟିକାଲ୍ ସନ୍ଧାନକାରୀଙ୍କୁ ଏକୀକୃତ ଉନ୍ନତ ଗାଇଡ୍ କିଟ୍ ବ୍ୟବହାର କରେ | ଏହି ଟେକ୍ନୋଲୋଜି ସେମାନଙ୍କର ସଠିକତା ଏବଂ ଟାର୍ଗେଟ୍ କ୍ଷମତାକୁ ଯଥେଷ୍ଟ ବୃଦ୍ଧି କରିଥାଏ । 

 ବାଲାକୋଟ ଏୟାର ଷ୍ଟ୍ରାଇକ୍ ସମୟରେ ଏହି ବୋମା ବ୍ୟବହାର କରାଯାଇଥିଲା ।  ଯେତେବେଳେ କି ଭାରତୀୟ ବାୟୁସେନା ଫେବୃଆରୀ ୨୬, ୨୦୧୯ ରେ ପୁଲୱାମା ଆକ୍ରମଣର ଜବାବରେ ପାକିସ୍ତାନର ଖାଇବର ପାଖତୁନ୍ ଖୱା ପ୍ରଦେଶର ଜୈଶ-ଇ-ମହମ୍ମଦ ଆତଙ୍କବାଦୀ ଶିବିରକୁ ଟାର୍ଗେଟ କରିଥିଲା।