ନୂଆଦିଲ୍ଲୀ: ରାଷ୍ଟ୍ରପତି ଭବନରେ ଆୟୋଜିତ ହେବାକୁ ଥିବା ଜି -20 ଶିଖର ସମ୍ମିଳନୀର ରାତ୍ର ଭୋଜନ ନିମନ୍ତ୍ରଣକୁ ‘ପ୍ରେସିଡେଣ୍ଟ ଅଫ୍ ଇଣ୍ଡିଆ’ ସ୍ଥାନରେ 'ଭାରତର ରାଷ୍ଟ୍ରପତି' ନାମରେ ପଠାଯିବା ନେଇ ଏକ ରାଜନୈତିକ ଉତ୍ତେଜନା ଦେଖାଦେଇଛି । ଭାରତୀୟ ଜନତା ପାର୍ଟି (ବିଜେପି) ଏବଂ ବିରୋଧୀ ଦଳ ଏ ସମ୍ପର୍କରେ ମୁହାଁମୁହିଁ ହୋଇଛନ୍ତି । ଏ ପ୍ରସଙ୍ଗରେ ପରସ୍ପରକୁ ଅଭିଯୋଗ ମଧ୍ୟ କରୁଛନ୍ତି ।

 ଏହା ଭିତରେ ବିଜେପି ସଭାପତି ଜେପି ନଡା କଂଗ୍ରେସର ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ ସମ୍ବିଧାନର ପ୍ରସ୍ତାବ ଲେଖାଯାଇଛି । ଏହି ପୋଷ୍ଟକୁ ନେଇ ବିଜେପି ସଭାପତି କଂଗ୍ରେସ ଉପରେ ଘୋର ଆକ୍ରମଣ କରିଛନ୍ତି । ସେ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ରେ କହିଛନ୍ତି ଯେ କଣ ଆମେ ଏହି ଦଳରୁ କିଛି ଆଶା କରି ପାରିବା କି ? ଯିଏକି ଭାରତର ସମ୍ବିଧାନ ପର୍ଯ୍ୟନ୍ତ ଜାଣି ନାହାଁନ୍ତି । କଂଗ୍ରେସ ସମ୍ବିଧାନ ଏବଂ ଡ.ଆମ୍ବେଦକରଙ୍କ ପ୍ରତି ଅସମ୍ମାନ କରିଛନ୍ତି । ଏହା ଲଜ୍ଜାଜନକ ବୋଲି ସେ କହିଛନ୍ତି ।

Can we expect anything from a party which does not even know India's Preamble....

Congress = Lack of respect for Constitution and Dr. Ambedkar.

Shameful! pic.twitter.com/iKo3Gh1MNu

— Jagat Prakash Nadda (@JPNadda) September 5, 2023

ଏହାପୂର୍ବରୁ ମଙ୍ଗଳବାର (ସେପ୍ଟେମ୍ବର ୨)) ସେ ପଚାରିଥିଲେ ଯେ, "ଦେଶର ସମ୍ମାନ ଓ ଗୌରବ ସହ ଜଡିତ ପ୍ରତ୍ୟେକ ପ୍ରସଙ୍ଗରେ କଂଗ୍ରେସ କାହିଁକି ଏତେ ଆପତ୍ତି କରୁଛି ? ଭରତ ଯୋଡୋ ନାମରେ ରାଜନୈତିକ ଭ୍ରମଣ କରୁଥିବା ଲୋକମାନେ 'ଭାରତ ମାତା କି ଜୟ’ ସ୍ଲୋଗାନ ସହ କଣ ଅସୁବିଧା ?  "ଏହା କାହିଁକି ?"

 ସେ ଅଭିଯୋଗ କରିଛନ୍ତି ଯେ, ଏହା ସ୍ପଷ୍ଟ ଯେ କଂଗ୍ରେସର ଦେଶ ପ୍ରତି ସମ୍ମାନ ନାହିଁ, ଦେଶର ସମ୍ବିଧାନ କିମ୍ବା ସାମ୍ବିଧାନିକ ଅନୁଷ୍ଠାନ ପ୍ରତି ସମ୍ମାନ ନାହିଁ । ସେ କେବଳ ଏକ ନିର୍ଦ୍ଦିଷ୍ଟ ପରିବାରର ପ୍ରଶଂସା ପାଇଁ ଚିନ୍ତିତ । କଂଗ୍ରେସର ଜାତୀୟ ବିରୋଧୀ ତଥା ସାମ୍ବିଧାନିକ ବିରୋଧୀ ଉଦ୍ଦେଶ୍ୟକୁ ସମଗ୍ର ଦେଶ ଭଲଭାବେ ଜାଣିଛନ୍ତି ।

 ଅନ୍ୟପକ୍ଷରେ କଂଗ୍ରେସ ନେତା ଅଧୀର ରଂଜନ ଚୌଧୁରୀ ବିଜେପିକୁ ଏକ ପ୍ରଶ୍ନ ପଚାରିଛନ୍ତି, ରିପବ୍ଲିକ୍ ଅଫ୍ ଇଣ୍ଡିଆ କହିବାର ଆବଶ୍ୟକତା କଣ ? ଏହି ନାମ ଇଂରାଜୀ ଭାଷାରେ ଅଛି । ସେମାନେ କାହିଁକି ଭାବନ୍ତି ଯେ ଅଧା ଇଂରାଜୀ ଏବଂ ଅଧା ଭାରତୀୟ କହିବା ଭଲ ? ମୁଁ ଭାବୁଛି ପିଏମ ମୋଦୀ ଭାରତ ନାମକୁ ଡରୁଛନ୍ତି ।

 ନ୍ୟୁଜ୍ ଏଜେନ୍ସି ANI ସହିତ କଥାବାର୍ତ୍ତା ବେଳେ ସେ କହିଛନ୍ତି, "ହିନ୍ଦୁ ନାମ ବିଦେଶୀ ମାନଙ୍କ ଦ୍ୱାରା ମଧ୍ୟ ଦିଆଯାଇଥିଲା । ଆରବ ଏବଂ ଇରାନର ଲୋକମାନେ ସେମାନଙ୍କୁ ହିନ୍ଦୁ ବୋଲି କହୁଥିଲେ । ସେମାନେ ସିନ୍ଧୁ ନଦୀ ନିକଟରେ ରହୁଥିବା ଲୋକ ମାନଙ୍କୁ ହିନ୍ଦୁ ବୋଲି କହୁଥିଲେ । ଯଦି ଆମେ ଇତିହାସ ଦେଖିବା, ଆମେ ବିଦେଶୀ ଦେଶ ଦ୍ୱାରା ଦିଆଯାଇଥିବା ହିନ୍ଦୁ ନାମ ଦେଖିବା ।