ଦିନ ଥିଲା ସେ ୫୦୦ ଟଙ୍କା ଦରମା ପାଉଥିଲେ। ହେଲେ ଆଜି ସେ ଗୋଟିଏ ଏପିସୋଡ ପାଇଁ କୋଟି କୋଟି ଟଙ୍କାର କରୁଛନ୍ତି ଡିମାଣ୍ଡ । ସେ ଆଉ କେହି ନୁହଁନ୍ତି କମେଡି କିଙ୍ଗ କପିଲ ଶର୍ମା । ସେ ଯେବେ ୧୬ ବର୍ଷର ଥିଲେ ତାଙ୍କ ବାପା କ୍ୟାନସରରେ ମୃତ୍ୟୁବରଣ କରିଥିଲେ । ଏହାପରେ କପିଲ ପରିବାର ଚଳାଇବା ପାଇଁ ଅମୃତସରରେ ଏକ ଟେଲିଫୋନ ବୁଥରେ କାମ କରିବା ଆରମ୍ଭ କରିଥିଲେ। ଆଉ ତାଙ୍କର ପ୍ରଥମ ଦରମା ଥିଲା ୫୦୦ ଟଙ୍କା ।
ଏହି ଶୋ' ପରେ ବଦଳିଲା କପିଲଙ୍କ ଜୀବନ
ସ୍କୁଲ ପରେ କପିଲ ତାଙ୍କ କଲେଜ ସମୟରେ ଥିଏଟର କରିବା ଆରମ୍ଭ କରିଥିଲେ । ଏହାରି ମଧ୍ୟରେ ତାଙ୍କର କମେଡି ଆରମ୍ଭ କରିଥିଲେ । ୨୦୦୭ରେ ୨୬ ବର୍ଷ ବୟସରେ କପିଲ ଗ୍ରେଟ ଇଣ୍ଡିଆ ଲାଫଟରରେ ଭାଗ ନେଇଥିଲେ । ଆଉ ସେ ଏହି ଶୋ'ରେ ଜିତିଥିଲେ । ଏହାପରେ କପିଲଙ୍କ ସମୟ ବଦଳିଥିଲା । ସେ ୨୦୧୩ ମସିହାର 'କମେଡି ନାଇଟ ଓ୍ବିଥ କପଲ'ର ହୋଷ୍ଟ କରିଥିଲେ । ୨୦୧୬ ରେ ଏହି ଶୋ'ର ନାମ ବଦଳାଯାଇ 'ଦ କପିଲ ଶର୍ମା ଶୋ'ର ନାମ ଦିଆଯାଇଥିଲା ।
ବର୍ତ୍ତମାନ କପିଲ ଓଟିଟି ପ୍ଲାଟଫର୍ମ 'ଦ ଗ୍ରେଟ ଇଣ୍ଡିଆନ କପିଲ'ର ହୋଷ୍ଟ କରୁଛନ୍ତି । ଆଉ ପ୍ରତିଥର ଭଳି ଫ୍ୟାନ୍ସଙ୍କୁ ଏଣ୍ଟରଟେନମେଣ୍ଟ କରୁଛନ୍ତି । ତାଙ୍କର ଏହି ଶୋ' ୧୯୨ଟି ଦେଶରେ ଟେଲିକାଷ୍ଟ ହେଉଛି । ସେହିପରି କମେଡିଆନ ଏହି ଶୋ'ର ପ୍ରତି ଏପିସୋଡ ପାଇଁ ୫ କୋଟି ନେଉଛନ୍ତି । ୫୦୦ ଟଙ୍କାର ପ୍ରଥମ ଦରମାରୁ ପ୍ରତି ଏପିସୋଡ ପାଇଁ ୫ କୋଟି ଟଙ୍କା ଦରମା ନେବା ଯାଏଁ କପିଲଙ୍କ ଏହି ଜର୍ନି ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।