ନୂଆଦିଲ୍ଲୀ, ୧୦/୦୮ : ଗତ ଶୁକ୍ରବାର ସର୍ବୋଚ୍ଚ ନାୟାଳୟରେ ପ୍ରଦର୍ଶିତ ହୋଇଛି ବଲିଉଡ୍‌ ଫିଲ୍ମ ‘ଲାପତା ଲେଡିଜ୍‌’ । ଏ ଅବସରରେ ଭାରତର ମୁଖ୍ୟ ବିଚାରପତି ଡିୱାଇ ଚନ୍ଦ୍ରଚୂଡ଼ ଉପସ୍ଥିତ ଥିଲେ । ଫିଲ୍ମର ନିର୍ଦ୍ଦେଶିକା ତଥା ପ୍ରଯୋଜିକା କିରଣ ରାଓ ଓ ପ୍ରଯୋଜକ ଆମିର ଖାନ୍‌ ମଧ୍ୟ ଯୋଗ ଦେଇଥିଲେ । ଆମିର କୋର୍ଟରେ ପ୍ରବେଶ କରିବା ସମୟରେ ମୁଖ୍ୟ ବିଚାରପତି ଭିଡ଼ ନ ଜମାଇବାକୁ ସମସ୍ତଙ୍କୁ ଚେତାଇ ଦେଇଥିଲେ । 

ଫିଲ୍ମର ସ୍କ୍ରିନିଂରେ ଯୋଗ ଦେବା ପରେ କିରଣ ନିଜର ଖୁସି ଓ କୃତଜ୍ଞତା ପ୍ରକାଶ କରି କହିଥିଲେ, ଭାରତର ସର୍ବୋଚ୍ଚ ନ୍ୟାୟାଳୟରେ ‘ଲାପତା ଲେଡିଜ୍‌’ ପ୍ରଦର୍ଶିତ ହୋଇ ଇତିହାସ ସୃଷ୍ଟି କରିଛି । ଏଥିପାଇଁ ମୁଁ ଗର୍ବିତ । ଏହି ବିରଳ ସମ୍ମାନ ପାଇଁ ସମ୍ମାନୀୟ ମୁଖ୍ୟ ବିଚାରପତିଙ୍କୁ ମୁଁ ଗଭୀର କୃତଜ୍ଞତା ଜଣାଉଛି ।’ ସେ ଆହୁରି କହିଛନ୍ତି, ଫିଲ୍ମରେ ଫୁଲ ଓ ଜୟାଙ୍କ କାହାଣୀ ଲୋକଙ୍କ ଉପରେ ଗଭୀର ପ୍ରଭାବ ପକାଇବ ବୋଲି ଆମେ ଆଶା କରିଥିଲୁ । କିନ୍ତୁ ଦର୍ଶକଙ୍କ ଭଲପାଇବା ଆମ ଆଶାଠୁ ବଳିଯାଇଛି । ଫିଲ୍ମକୁ ଏତେ ଭଲପାଇବା ଓ ସମର୍ଥନ ଦେଇଥିବାରୁ ସମସ୍ତଙ୍କୁ ଧନ୍ୟବାଦ । ବିପ୍ଳବ ଗୋସ୍ୱାମୀଙ୍କ ଲିଖିତ ପୁରସ୍କାରପ୍ରାପ୍ତ କାହାଣୀ ଉପରେ ପର୍ଯ୍ୟବସିତ ଫିଲ୍ମ ‘ଲାପତା ଲେଡିଜ୍‌’ ଗତ ମାର୍ଚ୍ଚ ୧ ତାରିଖରେ ମୁକ୍ତିଲାଭ କରିଥିଲା । ନେଟ୍‌ଫ୍ଲିକ୍ସରେ ଏହା ଉପଲବ୍ଧ ହେଉଛି ।