ପ୍ରମୁଖ ଖବର
  • ସାଲେପୁର : ବିପୁଳ ପରିମାଣର ଚୋରା ବିଦେଶୀ ମଦ ଜବତ, ବେପାରୀ ଫେରାର
  • ||
  • ଚାନ୍ଦବାଲିରୁ ଶାହାଙ୍କ ହୁଙ୍କାର । ଚିଟଫଣ୍ଡ ଦୁର୍ନୀତିଖୋରଙ୍କୁ ଜେଲ ପଠାଇବୁ, ଓଡ଼ିଶାରେ ଡବଲ ଇଞ୍ଜିନ ସରକାର ଗଢିବୁ
  • ||
  • ବାଣୀବିହାର ସତସଙ୍ଗ ପାର୍କ ଆଗରେ ପୋଲିସ ଗାଡ଼ି ଦୁର୍ଘଟଣା, ୭ ଆହତ
  • ||
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ଯାତ୍ରୀଙ୍କୁ ଲୁଟିବା ପାଇଁ ୧୧୦ ଦିନରେ ୨୦୦ ବିମାନ‌ରେ ଯାତ୍ରା କରିଥିଲା ଚୋର

ନୂଆଦିଲ୍ଲୀ: ଆଜିର ଆଧୁନିକ ଯୁଗରେ ଚୋରି କରିବାର ତରିକା ମଧ୍ୟ ବଦଳିଗଲାଣି। ଚୋରମାନେ ଏବେ ଅପାର ବୁଦ୍ଧିର ବ୍ୟବାହାର କରି ଚୋରି କରୁଛନ୍ତି । କିନ୍ତୁ ସବୁବେଳେ ଚୋର ଘର ଅନ୍ଧାର ନଥାଏ । କିଛି ନା କିଛି ସୁରାକ ପାଇଁ ଚୋର ଧରାପଡ଼େ ଆଉ ତାର କଳା ସାମ୍ରାଜ୍ୟର ପର୍ଦ୍ଦାଫାସ ହୁଏ । ସେହିଭଳି ଜଣେ ଚୋରର କାରନାମା ପଦାକୁ ଆସିଛି ।   ଦିଲ୍ଲୀର ଏକ ହାଇଟେକ୍‌ ଚୋର ରାଜେଶ କୁମାର ବୋଲି ଜଣାପଡ଼ିଥିବା ବେଳେ ଏବେ ସେ ପୋଲିସ ହାଜତରେ ରହିଛି । ରାଜେଶ କୁମାର ବିମାନ ଯାତ୍ରୀଙ୍କ ଠାରୁ ବହୁମୂଲ୍ୟ ସାମଗ୍ରୀ ଚୋରି କରୁଥିଲା । ଆଉ ଏଥିପାଇଁ ସେ ବିମାନ ଟିକେଟ କିଣି ଦେଶର ବିଭିନ୍ନ ସହରକୁ ଯାତ୍ରା ମଧ୍ୟ କରୁଥିଲା । 

ସବୁଠୁ ବଡ଼ କଥା ହେଉଛି, ପ୍ରାୟ ୧୧୦ ଦିନ ମଧ୍ୟରେ ସେ ୨୦୦ ବିମାନରେ ଟିକେଟ କରିବା ସହ ଯାତ୍ରା ବି କରିଥିଲା । ଦୀର୍ଘ ଦିନ ହେଲା ସେ ଚୋରି କରିଆସୁଥିବା ବେଳେ ତା ସଂପର୍କରେ କାହା ପାଖରେ କିଛି ଖବର ନଥିଲା । ହେଲେ ୭ ଲକ୍ଷ ଟଙ୍କା ଅଳଙ୍କାର ଥିବା ବ୍ୟାଗ ଚୋରି ହୋଇଥିବା ନେଇ  ହାଇଦ୍ରାବାଦରୁ ଦିଲ୍ଲୀ ଯାତ୍ରା କରିଥିବା ଜଣେ ମହିଳା ପୋଲିସରେ ଅଭିଯୋଗ କରିଥିଲେ । ଏନେଇ ପୋଲିସ ଛାନଭିନ କରୁଥିବା ବେଳେ ପୁଣି ସମାନ ଢ଼ଙ୍ଗରେ ୨୦ ଲକ୍ଷ ଟଙ୍କାର ସାମଗ୍ରୀ ଚୋରି ନେଇ ଆଉ ଏକ ଅଭିଯୋଗ ପାଇଥିଲା ଦିଲ୍ଲୀ ପୋଲିସ ।  ଅଭିଯୋଗକାରୀ ଜଣଙ୍କ ଅମୃତସରରୁ ଦିଲ୍ଲୀ ଯାଇଥିଲେ । ସେଠାରୁ ସେ ଜର୍ମାନୀ ଯାତ୍ରା କରିବାର ଥିଲା । ହେଲେ ଏହାରି ଭିତରେ ତାଙ୍କର ୨୦ ଲକ୍ଷ ଟଙ୍କାର ସାମଗ୍ରୀ ଚୋରି ହୋଇଥିଲା ଏବଂ ସେ ଥାନାରେ ଏଫଆଇଆର ଦେଇଥିଲେ । 

ଏଭଳି ଦୁଇଟି ଅଭିଯୋଗ ପାଇବା ପରେ ଦିଲ୍ଲୀ ପୋଲିସ ତତ୍ପରତା ପ୍ରକାଶ କରିବା ସହ ଆରମ୍ଭ କରିଥିଲା ଅପରେସନ୍‌ । ଏହା ପରେ ପୋଲିସ ଦିଲ୍ଲୀ, ଅମୃତସର ଏବଂ ହାଇଦ୍ରାବାଦ ବିମାନବନ୍ଦରରେ ଲାଗିଥିବା ସିସିଟିଭି ଫୁଟେଜ୍‌ ଯାଞ୍ଚ କରିଥିଲା ।ଏଥିରୁ ପୋଲିସକୁ ଅଭିଯୁକ୍ତର ସୁରାକ୍‌ ମିଳିଥିଲା । ଆଉ ଅଭିଯୁକ୍ତ ରାଜେଶ କୁମାରକୁ ଦିଲ୍ଲୀ ପାହାଡ଼ଗଞ୍ଜରୁ ଗିରଫ କରିଛି ।   ବିମାନ ଯାତ୍ରୀଙ୍କୁ ପାଖରୁ ପରଖି ନେଉଥିଲା ରାଜେଶ । କାହା ପାଖରେ କେତେ ମାଲ୍‌ ରହିଛି, କିଏ କଣ ବ୍ୟାଗରେ ନେଉଛି ଏସବୁକୁ ବ୍ୟାଗେଜ୍‌ ଡିକ୍ଲାରେସନ୍‌ ସ୍ଲିପ୍‌ରୁ ସେ ଜାଣିନେଉଥିଲା । ଏହା ପରେ ସେ ଉକ୍ତ ଯାତ୍ରୀଙ୍କୁ କଥା ଆଳରେ ମୋହରା କରି ଲୁଟୁଥିଲା । 

 ଅନେକ ସମୟ‌ରେ ରାଜେଶ ସିଟ୍‌ ପରିବର୍ତ୍ତନ କରିବାକୁ ଏୟାର ଲାଇନକୁ କହୁଥିଲା। ବିଭିନ୍ନ କାରଣ ଦର୍ଶାଇ ପୂର୍ବ ଯୋଜନା ମୁତାବକ ଉକ୍ତ ଯାତ୍ରୀଙ୍କ ପାଖରେ ବସୁଥିଲା ରାଜେଶ । ଏହା ପରେ ଯାତ୍ରୀଙ୍କ ବ୍ୟାଗକୁ ପରିବର୍ତ୍ତନ କରି ନିଜେ ନେଇଥିବା ବ୍ୟାଗକୁ ରଖି ଦେଉଥିଲା । ବିମାନରୁ ଓହ୍ଲାଇବା ପରେ ପରିବର୍ତ୍ତିତ ବ୍ୟାଗ୍‌କୁ ନେଇ ଚାଲିଯାଉଥିଲା ରାଜେଶ । ଏନେଇ ଦିଲ୍ଲୀ ପୋଲିସର ଡେପୁଟି କମିଶନର ଉଷା ରଙ୍ଗରାନୀ କହିଛନ୍ତି । ତେବେ ରାଜେଶ କୁମାର ଦିଲ୍ଲୀର ପାହାଡ଼ଗଞ୍ଜରେ ଥିବା ନିଜର ଏକ ଗେଷ୍ଟ ହାଉସ୍‌ ‘ରିକି ଡିଲକ୍ସ’ରେ ରହୁଥିଲା । ଗେଷ୍ଟ ହାଉସ୍‌ର ତୃତୀୟ ମହଲାରେ ରହୁଥିବା ବେଳେ ବାକି ରୁମରେ ଗ୍ରାହକମାନେ ରହୁଥିଲେ । 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.