ପ୍ରମୁଖ ଖବର
  • ମୁମ୍ବାଇ: ମଝି ସମୁଦ୍ରରେ ହୁତୁହୁତୁ ହୋଇ ଜଳିଗଲା ବିଳାସପୂର୍ଣ୍ଣ ବୋଟ, ଅଗ୍ନିକାଣ୍ଡର କାରଣ ଅସ୍ପଷ୍ଟ
  • ||
  • ପାରାଦୀପ: ବିଦେଶୀ ଜାହାଜରେ ୨୨୦ କୋଟିର କୋକେନ୍‌ ଜବତ ମାମଲା, କ୍ରୁ ମେମ୍ବରଙ୍କୁ ଜେରା କରୁଛି ଏନ୍‌ସିବି ଟିମ୍‌
  • ||
  • ଭୁବନେଶ୍ୱର: ଚାକିରୀରୁ ବିଦା ହେଲେ ବୈପାରୀଗୁଡ଼ା ଥାନା IIC, ୩୭ ଲକ୍ଷରୁ ଉର୍ଦ୍ଧ୍ଵ ଟଙ୍କା ଜବତ କରିଥିଲା ଭିଜିଲାନ୍ସ
  • ||
  • ଆଜି ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ: ପ୍ରଦୂଷଣ କମାନ୍ତୁ, ପ୍ରକୃତି ବଞ୍ଚାନ୍ତୁ
  • ||
  • ଭୁବନେଶ୍ୱର: ପାହାଳରେ ଟ୍ରକ୍‌କୁ ପିଟିଲା କାର୍, ଡ୍ରାଇଭରଙ୍କ ସହ ୩ ମୃତ
  • ||
  • ଭୁବନେଶ୍ୱର: ଆଜିଠୁ ଏମ୍‌ଆର୍‌ଏଫ୍‌ଟି ଆବେଦନ ଆରମ୍ଭ, ୩୦୦ ପିଲାଙ୍କୁ ମିଳିବ ଗବେଷଣା ପାଇଁ ଛାତ୍ରବୃତ୍ତି
  • ||
  • ଭୁବନେଶ୍ୱର: ଆସନ୍ତା ୨୪ ଘଣ୍ଟା ମଧ୍ୟରେ ଗଭୀର ଅବପାତ, ୩ରେ ନେବ ବାତ୍ୟା ରୂପ: ୫ରୁ ପ୍ରବଳ ବର୍ଷା ସମ୍ଭାବନା, ଫସଲ ନଷ୍ଟ ଆଶଙ୍କା
  • ||
  • ଭୁବନେଶ୍ୱର: ୱାଟ୍‌କୋ ଦାଦାଗିରି: ରାତିଅଧିଆ ବନ୍ଦ କରିଦେଲେ ଗଣ୍ଡମୁଣ୍ଡା-ଜାଗମରା ରାସ୍ତା, ଇଟାଲୀରେ ମଉଜ କରୁଛନ୍ତି ଯନ୍ତ୍ରୀ
  • ||
  • ଭୁବନେଶ୍ୱର: ଏଲ୍‌-ନିନୋ ପ୍ରଭାବ: ଏ ବର୍ଷ ଶୀତ ପ୍ରକୋପ ପୂରା କମ୍‌, ଫେବ୍ରୁଆରୀରୁ ମାଡ଼ି ଆସିବ ତାତି
  • ||

ବିଶ୍ୱକପ ଟ୍ରଫି ଉପରେ ଗୋଡ଼ ଥୋଇ ଫଟୋ ଉଠାଇଲେ ମିଚେଲ ମାର୍ଶ, ଫଟୋ ଭାଇରାଲ ପରେ କ୍ରିକେଟପ୍ରେମୀଙ୍କ ମଧ୍ୟରେ ଅସନ୍ତୋଷ

ଅହମ୍ମଦାବାଦ,୨୦।୧୧: ବିଶ୍ବକପ୍ ୨୦୨୩ରେ ଅଷ୍ଟ୍ରେଲିଆଠାରୁ ଭାରତ ହାରିଛି, ହେଲେ ଦେଶବାସୀଙ୍କ ହୃଦୟ ଜିଣିଛି। ଅଷ୍ଟ୍ରେଲିଆ ଟିମ୍ କିନ୍ତୁ ୱାର୍ଲ୍ଡକପ୍ ଟ୍ରଫି ଜିତି ମଧ୍ୟ ଏହାକୁ ଦେଇପାରିନି ଉପଯୁକ୍ତ ସମ୍ମାନ ଓ ମର୍ଯ୍ୟାଦା। ଏଭଳି କିଛି ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ବିଶ୍ବକପ୍ ଟ୍ରଫି ଜିତିବା ଯଦିଓ କୌଣସି ଦଳ ପାଇଁ ଉତ୍ସବଠାରୁ କମ୍ ନୁହେଁ, କିନ୍ତୁ ଏହାକୁ ମର୍ଯ୍ୟାଦା ନଦେବା ଖୁବ୍ ଲଜ୍ୟାଜନକ। ଜିତିବାର ଗର୍ବରେ ଅଷ୍ଟ୍ରେଲିଆ କ୍ରିକେଟର ମିଚେଲ ମାର୍ଶ ସବୁ ସୀମାର ପାର କରିଗଲେ। ଟ୍ରଫି ଉପରେ ସେ ଗୋଡ ରଖି ବସିଥିବାର ଫଟୋ ଭାଇରାଲ ପରେ ନିନ୍ଦାର ପାତ୍ର ହୋଇଛନ୍ତି। 

ମିଚେଲ ମାର୍ଶଙ୍କ ଏହି ଫଟୋକୁ ଅଷ୍ଟ୍ରେଲିଆ କ୍ୟାପ୍ଟେନ୍ ପ୍ୟାଟ୍ କମିନ୍ସ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଫଟୋରେ ମିଚେଲ ହାତରେ ସ୍ୟାମ୍ପେନ୍ ଧରିଥିବା ବେଳେ ନିଜର ଦୁଇଗୋଡକୁ ଓ୍ବାର୍ଲ୍ଡକପ୍‌ ଟ୍ରଫି ଉପରେ ରଖିଛନ୍ତି। ଏହି ଫଟୋକୁ ଦେଖି ଭାରତୀୟ କ୍ରିକେଟପ୍ରେମୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ପ୍ରକୃତରେ ଅଷ୍ଟ୍ରେଲିଆ ବିଶ୍ୱକପ୍ ପାଇଁ ଯୋଗ୍ୟ ନୁହେଁ ବୋଲି କ୍ରିକେଟପ୍ରେମୀ ପ୍ରତିକ୍ରିୟା ଦେଇଛନ୍ତି। କିଛି ୟୁଜର କହିଛନ୍ତି, ଅଷ୍ଟ୍ରେଲିଆର ବହୁ ଖେଳାଳିଙ୍କୁ ଫଟୋ ଦେଖିଛୁ, ସେମାନେ ଟ୍ରଫିକୁ ମୁଣ୍ଡରେ ରଖିଥିବାର କିମ୍ବା ଚୁମି ଥିବାର ଦେଖିଛୁ। ମହାନ ଫୁଟବଲର ଲିଓନେଲ୍‌ ମେସିଙ୍କୁ ଓ୍ବାର୍ଲ୍ଡକପ୍‌ ଟ୍ରଫି ସହିତ ଶୋଇଥିବାର ଦେଖିବାକୁ ମିଳିଥିଲା, କିନ୍ତୁ ଏଭଳି କରିବା ଭୁଲ। ଆପଣଙ୍କ ସଂସ୍କୃତି ଯଦିଓ ଅଲଗା, କିନ୍ତୁ ଏଭଳି କାର୍ଯ୍ୟକଳାପକୁ କେହି ସହ୍ୟ କରିବେନି।


ଉଲ୍ଲେଖନୀୟ ଗତକାଲି ନରେନ୍ଦ୍ର ମୋଦି ଷ୍ଟାଡିୟମରେ ଅଷ୍ଟ୍ରେଲିଆ, ଆୟୋଜକ ଭାରତ ବିପକ୍ଷରେ ଫାଇନାଲ୍ ମ୍ୟାଚ୍ ଖେଳିଥିଲା। ୬ ୱିକେଟରେ ଅଷ୍ଟ୍ରେଲିଆ ଏହି ମ୍ୟାଚକୁ ଜିତି ଷଷ୍ଠ ଥର ପାଇଁ ଟାଇଟଲ୍ ହାତେଇଛି। ବିଜୟ ପରେ ଡ୍ରେସିଂ ରୁମରେ ଏପରି ଫଟୋ ଉଠାଇଥିଲେ ମିଚେଲ ମାର୍ଶ। ଏହି ମ୍ୟାଚରେ ମିଚେଲ ମାର୍ଶ ୧୫ ବଲରେ ୧୫ ରନ୍ କରିଥିଲେ। ଏହାବ୍ୟତୀତ ସେ ୨ ଓଭର ବୋଲିଂ କରି ୫ ରନ୍ ଦେଇଥିଲେ।

  • prameyanews
  • PrameyaOdia
  • prameya
  • Copyright © 2022 - Summa Real Media Private Limited. All Rights Reserved.