ମୁମ୍ବାଇ,୦୮/୮:  ଖୁବଶୀଘ୍ର ସାତଜନ୍ମର ସାଥୀ ହେବାକୁ ଯାଉଛନ୍ତି ସାଉଥ ସୁପରଷ୍ଟାର ନାଗା ଚୈତନ୍ୟ ଏବଂ ଶୋଭିତା ଧୂଲିପାଲା । ଏହି ଲଭବାର୍ଡ ଦୀର୍ଘ ସମୟ ଧରି ପରସ୍ପରକୁ ଡେଟ କରିଆସୁଥିବା ଆଜି ଉଭୟଙ୍କର ସରିଛି ନିର୍ବନ୍ଧ । ଏନେଇ ନିଜ ସୋସିଆଲ ମିଡିଆ ଆକାଉଣ୍ଟ ଏକ୍ସ ମାଧ୍ୟମରେ ସୂଚନା ଦେଇଛନ୍ତି ଅଭିନେତା ନାଗାର୍ଜୁନ ।

ସୂଚନା ଅନୁସାରେ, ଆଜି ସକାଳ ୯ଟା ୪୨ ମିନିଟରେ ଉଭୟଙ୍କର ନିର୍ବନ୍ଧ ହୋଇଛି। ତେବେ ସାମନ୍ଥା ଏବଂ ନାଗା ଚୈତନ୍ୟ ୨୦୨୧ରେ ଅଲଗା ହୋଇଥିଲେ । ଏହା ଉଭୟଙ୍କ ଫ୍ୟାନ୍ସଙ୍କୁ ଚକିତ କରିଥିଲା । ସାମନ୍ଥା ଏବଂ ନାଗା ପ୍ରଥମ ଥର ପାଇଁ ୨୦୧୦ରେ ଗୌତମ ମେନନଙ୍କ ୟେ ମାୟା ଚେସାଭଙ୍କ ସେଟରେ ସାକ୍ଷାତ ହୋଇଥିଲେ । ଯାହାପରେ ଦୁହେଁ ପ୍ରେମରେ ପଡ଼ି ଅକ୍ଟୋବର ୨୦୧୭ରେ ବିବାହ କରିଥିଲେ । କିନ୍ତୁ ୪ ବର୍ଷ ପରେ ଏହି କପଲ ଛାଡପତ୍ର ନେଇଥିଲେ । ସାମନ୍ଥାଙ୍କ ସହ ବିବାହ ବିଚ୍ଛେଦ ହେବା ପରେ ନାଗା ଅଭିନେତ୍ରୀ ଶୋଭିତା ଧୂଲିପାଲାଙ୍କୁ ଡେଟିଂ କରିଥିଲେ । ଆଜି ଉଭୟ ଏହି ସମ୍ପର୍କକୁ ଅଫିସିଆଲ କରିଛନ୍ତି ।