ନୂଆଦିଲ୍ଲୀ,୦୭/୦୯: କୋଟିକୋଟି ଟଙ୍କାର ଅନ୍ଲାଇନ ଟ୍ରେଡିଙ୍ଗ ଘୋଟାଲାର ଖୁଲାସା ହେବା ପରେ ଏନେଇ ଅନେକ ଚିନ୍ତାରେ। ଏ ମାମଲାରେ ଅଭିଯୁକ୍ତର ଲିଙ୍କ୍ ବିଦେଶ ପର୍ଯ୍ୟନ୍ତ ଲମ୍ବିଛି। କହିରଖୁଛୁ ଯେ, ଏହି ମାମଲାଟି ଆସାମର ହୋଇଥିବା ବେଳେ ଅଭିଯୁକ୍ତ ଜଣକ ହଜାର ହଜାର ଲୋକଙ୍କୁ ଠକି ଅନେକ ଟଙ୍କା ଜମା ରଖିଥିଲା। ନାଁକୁ ଗୋପଇନୀୟ ରଖିବାର ଇଛା ପ୍ରକାଶ କରି ଜଣେ ବରିଷ୍ଠ ପୋଲିସ ଅଧିକାରୀ ଆଇଏଏନ୍ଏସ୍କୁ କହିଛନ୍ତି ଯେ 'ଆମେ ଗତ କିଛି ଦିନ ହେବ ହେପାଜତରେ ଥିବା ମୁଖ୍ୟ ଅଭିଯୁକ୍ତ ସ୍ବପ୍ରିଲ ଦାସକୁ ପଚରାଉଚରା କରୁଛୁ। ମାଲେସିଆ, ଦୁବାଇ ଏବଂ ଆମେରିକାରେ ଅଭିଯୁକ୍ତର ବ୍ୟାଙ୍କ ଆକାଉଣ୍ଟ ଥାଇପାରେ। ପ୍ରାରମ୍ଭିକ ଅନୁସନ୍ଧାନରେ, ଆମକୁ ବିଦେଶରେ ଅଭିଯୁକ୍ତ ଟଙ୍କା ଜମା ରଖିଥିବା ନେଇ ସୂଚନା ପାଇଥିଲୁ। ତେବେ ତଦନ୍ତ ଜାରି ରହିଛି ଏବଂ ଆମେ ତାକୁ ପଚରାଉଚରା କରି ଅଧିକ ତଥ୍ୟ ସଂଗ୍ରହ କରିବାକୁ ଚେଷ୍ଟା କରୁଛୁ।'
ତିନି ଦିନ ତଳେ ଦାସକୁ ତାର ଘରୁ ପୁଲିସ ଗିରଫ କରିଥିଲା। ଗିରଫ ପରେ ଜଣାପଡ଼ିଥିଲା ଯେ, ଅଭିଯୁକ୍ତ ବିଳାଶପୂର୍ଣ୍ଣ ଜୀବନ ବଞ୍ଚୁଥିଲା, ଏମିତିକି ତାର ଗ୍ୟାରେଜରେ ବିଶାଳମୟ ଓ ଦାମୀ କାର୍ ସବୁ ଥିଲା, ଯାହାକୁ ପୁଲିସ ଜବତ କରିଛି। ଅଭିଯୁକ୍ତ ବିଦେଶରେ ଛୁଟି ମନାଉଥିଲା, ଦାସର ସୋସିଆଲ ମିଡିଆ ଆକାଉଣ୍ଟରା ମାଳଦ୍ବୀପ, ଦୁବାଇ ଓ ମାଲେସିଆ ଆଦିର ଫଟୋ ଅଛି।
ମାଆଙ୍କର ବ୍ୟାଙ୍କ ଆକାଉଣ୍ଟରେ ଥିଲା ୭୯ ଲକ୍ଷ ଟଙ୍କା:
ଜଣେ ପୁଲିସ ଅଧିକାରୀ କହିଛନ୍ତି ଯେ,'ସ୍ବପ୍ରିଲ ଦାସର ସହରରେ ଏକ ବଡ଼ ଅନ୍ଲାଇନ୍ ଟ୍ରେଡିଙ୍ଗ ଅଫିସ ଅଛି, ଯାହାକି କୌଣସି ବଡ଼ ବିଳାସପୂର୍ଣ୍ଣ ଅଫିସ ଠାରୁ କମ୍ ନୂହେଁ। ପୂଲିସ ମୁତାବକ, ଅଭିଯୁକ୍ତର ଦୁବାଇ ବ୍ୟାଙ୍କରେ ଦୁଇଟି ଆକାଉଣ୍ଟ ଥିବା ସୂଚନା ମିଳିଛି। ହଜାର ହଜାର ଲୋକଙ୍କ ଠାରୁ ଲୁଟ୍ କରାଯାଇଥିବା ଟଙ୍କାକୁ ବିଦେଶୀ ଆକାଉଣ୍ଟରେ ରଖିଥିଲା ଅଭିଯୁକ୍ତ। ପୁଲିସ ଦାସର ମାଆଙ୍କ ବ୍ୟାଙ୍କ ଆକାଉଣ୍ଟରୁ ୭୯ ଲକ୍ଷ ଟଙ୍କା ଜବତ କରିଛି।
