ପ୍ରମୁଖ ଖବର
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ମୋଦି, ବାଲେଶ୍ଵର, ବାରିପଦା, ଓ କେନ୍ଦ୍ରାପଡ଼ାରେ କରିବେ ପ୍ରଚାର
  • ||
  • ଭୁବନେଶ୍ଵର : କଂଗ୍ରେସ ପାଇଁ ପ୍ରଚାର କରିବାକୁ ଓଡ଼ିଶା ଆସୁଛନ୍ତି ଖଡଗେ, ଆସନ୍ତାକାଲି ସିମୁଳିଆରେ ରାହୁଲଙ୍କ ସମାବେଶ
  • ||
  • ଫେରିଲା ଗ୍ରୀଷ୍ମ ପ୍ରବାହ, ୩୧ ଯାଏଁ ତାପମାତ୍ରା ୨ ରୁ ୪ ଡିଗ୍ରୀ ବଢିବ, ଗୁଳୁଗୁଳି ସାଙ୍ଗକୁ କଲବଲ କରିବ ତାତି
  • ||

ଭୁବନେଶ୍ୱର ଏକାମ୍ର ଓ ମଧ୍ୟରେ ପ୍ରଚାର କରିବେ ମୁଖ୍ୟମନ୍ତ୍ରୀ, ୧୦ ପ୍ଲାଟୁନ ପୁଲିସ ଫୋର୍ସ ମୁତୟନ

ଭୁବନେଶ୍ୱର, ୧୫।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରେ ଭୁବନେଶ୍ୱର ପ୍ରଚାର ମଇଦାନକୁ ଓହ୍ଲାଇବାକୁ ଯାଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନ ଆସନ୍ତା ୧୬ ତାରିଖ (ଗୁରୁବାର) ସନ୍ଧ୍ୟାରେ ଭୁବନେଶ୍ୱରରେ କରିବେ ରୋଡ୍‌ ସୋ’ । ଏକାମ୍ର ନିର୍ବାଚନମଣ୍ଡଳୀର କିଛି ଅଞ୍ଚଳ ସହ ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀରେ ନବୀନଙ୍କ ଏହି ମେଗା ରୋଡ୍‌ ସୋ’ ହେବ । ୧୬ ତାରିଖ ସନ୍ଧ୍ୟାରେ ନବୀନଙ୍କ ରୋଡ୍‌ ସୋ’ ଗଙ୍ଗନଗର ଛକରୁ ଆରମ୍ଭ ହେବ । ପରେ ଏଲ୍‌ଆଇସି ଅଫିସ, ଗୋପବନ୍ଧୁ ଛକ, ଡିଏଭି ଛକ, ଏଚଡିଏଫଏସି ବ୍ୟାଙ୍କ ଛକ, ନୂଆପଲ୍ଲୀ ନୂଆସାହି, ବେହେରା ସାହି, ନିକୋ ପାର୍କ ଛକ, ବାୟାବାବା ମଠ ଦେଇ ରୁପାଲି ଛକ ପର୍ଯ୍ୟନ୍ତ ଯିବେ ନବୀନ । 

ନବୀନ ରୋଡ୍‌ ସୋ’ କରିବାବେଳେ ରାସ୍ତା କଡ଼ରେ ବ୍ୟାରିକେଡ୍‌ ବନ୍ଧାଯିବ । ବ୍ୟାରିକେଡ ଆରପଟେ ରହିବେ ନବୀନଙ୍କ ପ୍ରଶଂସକ ଓ ବିଜେଡି କର୍ମୀ । ନବୀନଙ୍କ ରୋଡ୍‌ ସୋ’ ମାଧ୍ୟମରେ ବିଜେଡି ରାଜଧାନୀରେ ଶକ୍ତି ପ୍ରଦର୍ଶନ କରିବାକୁ ଲାଗି ପଡ଼ିଛି । ମଧ୍ୟ ଭୁବନେଶ୍ୱର ଆସନରେ ମୁଖ୍ୟମନ୍ତ୍ରୀଙ୍କ ରୋଡ୍‌ ସୋ’ ପାଇଁ ବିଧାୟକ ଅନନ୍ତ ନାରାୟଣ ଜେନା ଓ ତାଙ୍କ ଟିମ୍‌ ପୂରା ଦମ୍‌ରେ ଲାଗିଛନ୍ତି । ଗତ ୧୦ ତାରିଖ ରାତିରେ ପ୍ରଧାନମନ୍ତ୍ରୀ ମୋଦି ଭୁବନେଶ୍ୱରରେ ରୋଡ୍‌ ସୋ’ କରିଥିଲେ । ଏବେ ନବୀନଙ୍କ ରୋଡ୍‌ ସୋ’ ପାଇଁ କମିଶନରେଟ ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଉଛି । ଏ ନେଇ ଭୁବନେଶ୍ୱର ଡିସିପି ପ୍ରତୀକ ସିଂହ ଆଜି ସୁରକ୍ଷା ପ୍ରସ୍ତୁତିର ସମୀକ୍ଷା କରିଛନ୍ତି । ୧୦ ପ୍ଲାଟୁନ ପୁଲିସ ଫୋର୍ସ ମୁଖ୍ୟମନ୍ତ୍ରୀଙ୍କ ଆଗରେ ପଛରେ ଯିବେ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.