ପାଟନା,୨୮।୫: ବିହାରର ପୂର୍ବତନ ଉପ-ମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ବୀ ଯାଦବଙ୍କୁ ନେଇ ଦେଇଛନ୍ତି ବଡ଼ ବୟାନ। ତେଜସ୍ବୀ କହିଛନ୍ତି, ତାଙ୍କର ଚାଚା ଅର୍ଥାତ ମୁଖ୍ୟମନ୍ତ୍ରୀ ନୀତୀଶ କୁମାର ୪ ଜୁନ୍ ପରେ କୌଣସି ବଡ ନିଷ୍ପତ୍ତି ନେଇପାରନ୍ତି। ନୀତୀଶ ନିଜ ଦଳକ ବଞ୍ଚାଇବା ପାଇଁ ଏହି ପଦକ୍ଷେପ ନେଇପାରନ୍ତି। ତେଜସ୍ବୀଙ୍କ ଏହି ବୟାନ ପରେ ବିହାରରେ ବିହାରରେ କ୍ଷମତା ପରିବର୍ତ୍ତନ ହେବାର ଚର୍ଚ୍ଚା ବଢିଯାଇଛି। ତେବେ ନୀତୀଶ କୁମାର ବହୁବାର କହିସାରିଛନ୍ତି ଯେ, ବିଜେପି ଛାଡି ସେ କୁଆଡେ ଯିବେନି।
ବିହାର ବିଧାନସଭାରେ ବିରୋଧି ଦଳ ନେତା ତେଜସ୍ବୀ ଯଦାବ ପାଟନାରେ ମିଡିଆ ସହ କଥା ହୋଇ ମଙ୍ଗଳବାର ବଡ଼ ଦାବି କରିଛନ୍ତି। ତେଜସ୍ବୀ କହିଛନ୍ତି, କ’ଣ ନୀତୀଶ ତାଙ୍କ ସହିତ ଆସିବେ ? ଏହାକୁ ନେଇ ସେ ଜବାବ ଦେଇଛନ୍ତି, ୪ ଜୁନ୍ ପର୍ଯ୍ୟନ୍ତ ଅପେକ୍ଷା କରନ୍ତୁ। ଯେତେବେଳେ ମୁଖ୍ୟମନ୍ତ୍ରୀ ନୀତୀଶ କୁମାର କୌଣସି ବଡ ନିଷ୍ପତ୍ତି ନେବେ, ସେତେବେଳେ ଦେଖିବେ।
ଉଲ୍ଲେଖନୀୟ ଯେ, ବିହାର ମୁଖ୍ୟମନ୍ତ୍ରୀ ଓ ଜନତା ଦଳ ୟୁନାଇଟେଡ(ଜେଡିୟୁ)ର ଅଧ୍ୟକ୍ଷ ନୀତୀଶ କୁମାର ଚଳିତ ବର୍ଷ ଲୋକସଭା ନିର୍ବାଚନ ପୂର୍ବରୁ ଆରଜେଡିକୁ ଛାଡି ଏନଡିଏରେ ଯୋଗ ଦେଇଥିଲେ। ଏହାପରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ମିଶି ବହୁ ରାଲି କରିଛନ୍ତି। ଏହି ସଭାରେ ନୀତୀଶ କୁମାର ପ୍ରଧାନମନ୍ତ୍ରୀଙ୍କୁ ଭରସା ଦେଇଛନ୍ତି ଯେ, ସେ ମଝିରେ ଦୁଇ ଥର ବାଟ ଭୁଲି ଯାଇଥିଲେ। ଏବେ ବିଜେପି ଛାଡି କୁଆଡେ ଯିବେନି।
