ଭୁବନେଶ୍ଵର, ୦୪/୦୬ : ଓଡ଼ିଶାର ୨୧ ଲୋକସଭା କ୍ଷେତ୍ରରେ ଭୋଟ୍ ଗଣତିରେ ଜାରି ରହିଛି ଟ୍ରେଣ୍ଡ୍। ବିଜେପିର ବହୁ ହେଭିୱେଟ୍ ସେମାନଙ୍କ ଭାଗ୍ୟ ପରୀକ୍ଷା କରୁଛନ୍ତି। ବିଭିନ୍ନ ସିଟ୍‌ରେ ବିଜେଡି ପ୍ରାର୍ଥୀଙ୍କୁ ପଛରେ ପକାଇ ଆଗୁଆ ରହିଛନ୍ତି ବିଜେପିର ଟାଣୁଆ ନେତା। ଲାଗୁଛି ମୋଦି କ୍ରେଜ୍ ଓ କେନ୍ଦ୍ରୀୟ ନେତାଙ୍କ ପ୍ରଚାର ଓଡ଼ିଶା ଉପରେ ପ୍ରଭାବ ପକାଇଛି। ବର୍ତ୍ତମାନର ଟ୍ରେଣ୍ଡ୍‌ରେ ଏହା ପରିଲକ୍ଷିତ ହେଉଛି।

ସୂଚନାନୁଯାୟୀ, ସମ୍ବଲପୁରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିଜେଡି ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ମଧ୍ୟରେ କାଣ୍ଟେ କି ଟକ୍କର ଦେଖିବାକୁ ମିଳିଛି। ବିଜେପି ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ ୨୯ ହଜାର ୮୧୮ ଭୋଟ୍‌ରେ ଆଗୁଆ ରହିଛନ୍ତି। ସେହିଭଳି କେନ୍ଦ୍ରାପଡ଼ାରୁ ବୈଜୟନ୍ତ ପଣ୍ଡା ୩୬୩୫ ଭୋଟ୍‌ରେ ଆଗୁଆ ରହିଛନ୍ତି। ପୁରୀରୁ ସମ୍ବିତ ପାତ୍ର ୩୪୦୫୨ ଭୋଟ୍‌ରେ ଆଗୁଆ ରହିଛନ୍ତି। ଭୁବନେଶ୍ଵରରୁ ଅପରାଜିତା ଷଡ଼ଙ୍ଗୀ ୧୦୨୭୮ ଭୋଟ୍‌ରେ ଆଗୁଆ ରହିଛନ୍ତି। ବରଗଡ଼ରୁ ପ୍ରଦୀପ ପୁରୋହିତ ବଡ଼ ମାର୍ଜିନ୍ ୭୬୮୩୮ ଭୋଟ୍‌ରେ ଆଗୁଆ ରହିଛନ୍ତି। ବାଲେଶ୍ଵରରୁ ପ୍ରତାପ ଷଡ଼ଙ୍ଗୀ ୧୧୭୫୫ ଭୋଟ୍‌ରେ ଆଗୁଆ ରହିଛନ୍ତି। ବ୍ରହ୍ମପୁରୁ ପ୍ରଦୀପ ପାଣିଗ୍ରାହୀ ୨୯୨୨୮ ଭୋଟ୍‌ରେ ଆଗୁଆ ରହିଛନ୍ତି।