ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ପାକିସ୍ତାନର ନିର୍ବାଚନ ସସ୍‌ପେନ୍ସ: ପିଏମ୍‌ଏଲ୍‌-ଏନ୍‌ ଓ ପିପିପି ମଧ୍ୟରେ ଆଲୋଚନା, ୩-୨ ଫର୍ମୁଲାରେ ମେଣ୍ଟ ସରକାର

ଲାହୋର/ଇସ୍‌ଲାମାବାଦ,୧୩/୦୨: ପାକିସ୍ତାନରେ ମେଣ୍ଟ ସରକାର ଗଠନ କରିବାକୁ ନେଇ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ପିଏମ୍‌ଏଲ୍‌-ଏନ୍‌ ଏବଂ ପୂର୍ବତନ ମନ୍ତ୍ରୀ ବିଲାୱଲ ଭୁଟ୍ଟୋଙ୍କ ପିପିପି ମଧ୍ୟରେ ଆଲୋଚନା ଅନୁଷ୍ଠିତ ହୋଇଛି । ବିଶେଷ ସୂତ୍ରରୁ  ମିଳିଥିବା ସୂଚନା ଅନୁସାରେ ପିଏମ୍‌ଏଲ୍‌-ଏନ୍‌ ୩ ବର୍ଷ  ପାଇଁ ଏବଂ ପିପିପି ୨ ବର୍ଷ ପାଇଁ ପ୍ରଧାନମନ୍ତ୍ରୀ ପଦରେ  ରହିବ । ୪ଟି ପ୍ରଦେଶରେ ମଧ୍ୟ ମିଳିତ ସରକାର ଗଠନ  ଲାଗି ସହମତି ପ୍ରକାଶ ପାଇଛି । ସେଠାରେ ମେଣ୍ଟଦଳ  ଅଢ଼େଇ ବର୍ଷ ମୁଖ୍ୟମନ୍ତ୍ରୀ ରହିବେ । ଗତ ୨୦୧୩ରେ ପିଏମ୍‌ଏଲ-ଏନ୍‌ ଏବଂ ଏନ୍‌ପି (ନ୍ୟାସନାଲ ପାର୍ଟି)  ମଧ୍ୟରେ ସିନ୍ଧ ପ୍ରଦେଶରେ ଏହି ଫର୍ମୁଲାରେ ସରକାର  ଗଠନ କରାଯାଇଥିଲା । 

ଗତ ରବିବାର ଲାହୋରସ୍ଥିତ ବିଲାୱଲ ହାଉସ୍‌ରେ  ପିଏମ୍‌ଏଲ୍‌-ଏନ୍‌ ଏବଂ ପିପିପିର ବରିଷ୍ଠ ନେତାଙ୍କ  ମଧ୍ୟରେ ସରକାର ଗଠନ ନେଇ ଆଲୋଚନା  ହୋଇଥିଲା । ସରକାର ଗଢ଼ିବାକୁ କୌଣସି ଦଳକୁ  ସଂଖ୍ୟାଗରିଷ୍ଠତା ମିଳି ନଥିବାରୁ ଦେଶକୁ ରାଜନୈତିକ  ସଙ୍କଟରୁ ରକ୍ଷା କରିବାକୁ ହେଲେ ମେଣ୍ଟ ସରକାର  ଗଢ଼ିବାକୁ ସେମାନେ ରାଜି ହୋଇଛନ୍ତି । ବୈଠକରେ  ପିଏମ୍‌ଏଲ୍‌-ଏନ୍‌ ନେତା ଶାହାବାଜ ସରିଫ ଏବଂ ପିପିପି ନେତା ଆସିଫ ଅଲି ଜର୍ଦ୍ଦାରି ଏବଂ ବିଲାୱଲ  ଭୁଟ୍ଟୋ ଉପସ୍ଥିତ ଥିଲେ । ବୈଠକରେ ଉଭୟ ଦଳ  ପକ୍ଷରୁ ଏକ ମିଳିତ ଘୋଷଣାନାମା ପ୍ରକାଶ ପାଇଛି ।  

ଯେଉଁଥିରେ ସରକାର ଗଠନ ପାଇଁ ଦୁଇଦଳ ସହମତ  ହୋଇଥିବା କହିଛନ୍ତି । କିନ୍ତୁ କିଭଳି ସରକାର ଗଠନ  ହେବ ସେକଥା ଉଭୟ ଦଳ କହିନାହାନ୍ତି । ତେବେ  ସୂତ୍ର ଅନୁସାରେ ପ୍ରଥମେ ନୱାଜ ସରିଫ ୩ ବର୍ଷ ପାଇଁ  ପ୍ରଧାନମନ୍ତ୍ରୀ ରହିବେ । ଏହା ପରେ ବିଲାୱଲ ଭୁଟ୍ଟୋ  ୨ ବର୍ଷ ପ୍ରଧାନମନ୍ତ୍ରୀ ହେବେ । ସେହିଭଳି ସଂଘୀୟ  ସରକାର ସହିତ ପଞ୍ଜାବ, ସିନ୍ଧ, ବେଲୁଚିସ୍ତାନ ଓ  ଖାଇବର ପାଖତୁନଖ୍ୱା ପ୍ରଦେଶରେ ମଧ୍ୟ କୌଣସି  ଦଳକୁ ସଂଖ୍ୟାଗରିଷ୍ଠତା ମିଳିନାହିଁ । ତେଣୁ ସେଠାରେ  ମେଣ୍ଟ ସରକାର ଗଠନ କରାଯିବ । ମେଣ୍ଟ ସରକାର  ଗଠନ ନେଇ ନୱାଜ ସରିଫ ଏମ୍‌କ୍ୟୁଏମ୍‌-ପି ଏବଂ  ଜେୟୁଆଇ-ଏଫ ନେତାଙ୍କ ସହ ଆଲୋଚନା କରିଛନ୍ତି ।  ଉଭୟ ଦଳ କେନ୍ଦ୍ରରେ ଓ ପ୍ରାଦେଶିକ ସ୍ତରରେ ମେଣ୍ଟ ସରକାରରେ ସାମିଲ ହେବାକୁ ଆଗ୍ରହ ପ୍ରକାଶ  କରିଥିବା ଜଣାପଡିଛି

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.