ମୁମ୍ବାଇ୧୨।୫: ୨୦୨୦ ମସିହାରେ କୋରନାର ପ୍ରକୋପ ଯୋଗୁଁ ସାରା ଦେଶରେ ଲକଡାଉନ ହୋଇଥିଲା । ଫଳରେ ୱେବ୍ ସିରିଜ୍ ପ୍ରତି ଲୋକଙ୍କ ଇଚ୍ଛା ବୃଦ୍ଧି ପାଇଥିଲା । ସେଥିରୁ ଏମିତି କିଛି ୱେବ୍ ସିରିଜ ଥିଲା ଯାହାକୁ ଲୋକେ ବେଶ ପସନ୍ଦ କରିଥିଲେ । ବର୍ତ୍ତମାନ ନିର୍ମାତାମାନେ ସେହି ଓ୍ବେବ ସିରିଜର ପରବର୍ତ୍ତୀ ସିଜିନ୍ ଆଣୁଛନ୍ତି । ସେହି ୱେବ୍ ସିରିଜ୍ ମଧ୍ୟରୁ ଗୋଟିଏ ହେଉଛି 'ପଞ୍ଚାୟତ' । ଯାହାର ତୃତୀୟ ସିଜିନ ଆସିବାକୁ ଯାଉଛି । ଏହାର ପ୍ରଥମ ସିଜିନ ୨୦୨୦ ରେ ଆସିଥିଲା ଏବଂ ଦ୍ୱିତୀୟ ସିଜନ୍ ୨୦୨୨ ରେ ଆସିଥିଲା । ବର୍ତ୍ତମାନ 'ପଞ୍ଚାୟତ'ର ତୃତୀୟ ସିଜନ୍ ଚଳିତ ବର୍ଷ ମେ ୨୮ ରେ ମୁକ୍ତିଲାଭ କରିବାକୁ ଯାଉଛି। 'ପଞ୍ଚାୟତ ୩' ର ପୋଷ୍ଟର ଠାରୁ ଟିଜର ପର୍ଯ୍ୟନ୍ତ ଏବଂ ରିଲିଜ୍ ତାରିଖ ଠାରୁ ଟ୍ରେଲରର ରିଲିଜ୍ ତାରିଖ ପର୍ଯ୍ୟନ୍ତ ଫ୍ୟାନ୍ସ ଅପେକ୍ଷା କରିଛନ୍ତି । ବର୍ତ୍ତମାନ 'ପଞ୍ଚାୟତ ୩' 'ର ଟ୍ରେଲର କେବେ ଆସିବ ତାହା ନିର୍ମାତା ପ୍ରକାଶ କରିଛନ୍ତି । ଆସନ୍ତୁ ଜାଣିବା କେବେ ଆସିବ ଓ୍ବେବ ସିରିଜର ଟ୍ରେଲର ।
ଟିଭିଏଫ୍ ଅର୍ଥାତ୍ ଦ ଭାଇରାଲ ଫିବର ନାମର ଏକ ପ୍ରଡକ୍ସନ ଦ୍ୱାରା ଏହି ୱେବ୍ ସିରିଜ୍ ପ୍ରସ୍ତୁତ କରାଯାଇଛି । 'ପଞ୍ଚାୟତ'ର ଏକ ପୋଷ୍ଟର ଏହାର ଅଫିସିଆଲ ଇନଷ୍ଟାଗ୍ରାମରେ ସେୟାର କରାଯାଇଛି। ଏହା ସହିତ କ୍ୟାପସନରେ ଲେଖାଯାଇଛି ଯେ, 'ଟ୍ରେଲରର ପ୍ରଶଂସା ଲକ୍ ହୋଇଯାଇଛି।' ପୋଷ୍ଟର ଉପରେ ଲେଖା ହୋଇଛି ଯେ 'ପଞ୍ଚାୟତ ୩'ର ଟ୍ରେଲର ମେ ୧୭ ରେ ମୁକ୍ତିଲାଭ କରିବ। ପୋଷ୍ଟରରୁ ଜଣାପଡୁଛି ଯେ ଓ୍ବେବ ସିରିଜ ବହୁତ ମଜାଦାର ରହିବ । ଏଥିରେ ସଚିବ ଓ ପ୍ରଧାନଙ୍କ ଝିଅର ଲଭ ଷ୍ଟୋରୀକୁ ମଧ୍ୟ ଦେଖିବାକୁ ମିଳିବ ।
ଦୀପକ କୁମାର ମିଶ୍ରଙ୍କ ନିର୍ଦ୍ଦେଶନାରେ ନିର୍ମିତ 'ପଞ୍ଚାୟତ'ର ତିନୋଟି ସିରିଜ୍ ଚମତ୍କାର ହୋଇଛି। ମେ ୨୮ ରେ ଆମାଜନ ପ୍ରାଇମ ଭିଡିଓରେ 'ପଞ୍ଚାୟତ ୩' ଷ୍ଟ୍ରିମ୍ ହେବ। ଏଥିରେ ଜିତେନ୍ଦ୍ର କୁମାର, ରଘୁବୀର ଯାଦବ, ଚନ୍ଦନ ରାୟ, ସାନଭିକା ଏବଂ ନୀନା ଗୁପ୍ତା ପ୍ରମୁଖ ଭୂମିକାରେ ନଜର ଆସିବେ। ଗଣମାଧ୍ୟମ ରିପୋର୍ଟ ଅନୁଯାୟୀ, 'ପଞ୍ଚାୟତ' ଏହି ଏପିସୋଡରୁ ସରିବନି ଏହାର ଚତୁର୍ଥ ଭାଗ ଆସନ୍ତା ଏକ କିମ୍ବା ଦୁଇ ବର୍ଷ ମଧ୍ୟରେ ମୁକ୍ତିଲାଭ କରିପାରିବ।