ଭୁବନେଶ୍ୱର ୦୭/୦୬:  ଓଡ଼ିଶା ପ୍ରଦେଶ କଂଗ୍ରେସ କମିଟି ସଦ୍ୟ ଶରତ ପଟ୍ଟନାୟକଙ୍କୁ ଦିଲ୍ଲୀ ଡ‌ାକରା। CWC ବୈଠକ ପାଇଁ ଦିଲ୍ଲୀ ଗଲେ ଶରତ ପଟ୍ଟନାୟକ। ଦିଲ୍ଲୀରେ ହେବାକୁ ବୈଠକ ପାଇଁ ସବୁ ରାଜ୍ୟର ସଭାପତିଙ୍କୁ AICC ପକ୍ଷରୁ ଦିଲ୍ଲୀ ଡକାଯାଇଛି। ଶନିବାର ସନ୍ଧ୍ୟା ୫ଟାରେ କଂଗ୍ରେସର ସଂସଦୀୟ ଦଳ ବୈଠକରେ ଆଲୋଚନା ହେବ।

ସୂଚନା ମୁତାବିକ, ୨୦୨୪ ଲୋକସଭା ନିର୍ବାଚନରେ କଂଗ୍ରେସ ଭଲ ପ୍ରଦର୍ଶନ କରିବା ସହ ୯୯ ଆସନ ଜିତିଛି । ଫଳରେ କଂଗ୍ରେସକୁ ଏବେ ଲୋକସଭାରେ ବିରୋଧୀ ଦଳର ମାନ୍ୟତା ମିଳିବ । ଗତ ୨୦୧୪ରେ ମାତ୍ର ୪୪ ଏବଂ ୨୦୧୯ରେ  ୫୨ ଆସନ ପାଇଥିବାରୁ କଂଗ୍ରେସ ବିରୋଧୀ ଦଳର ମାନ୍ୟତା ହରାଇଥିଲା । ଅଧିର ରଞ୍ଜନ ଚୌଧୁରୀ ଲୋକସଭାରେ କଂଗ୍ରେସ ନେତା ଭାବେ କାର୍ଯ୍ୟ କରିଥିଲେ । କିନ୍ତୁ ଚଳିତଥର ଅଧିର ରଞ୍ଜନ ନିର୍ବାଚନରେ ପରାଜିତ ହୋଇଥିବାରୁ ଲୋକସଭାରେ  କିଏ ବିରୋଧୀ ଦଳ ନେତା ରହିବେ ତାକୁ  ନେଇ ଚର୍ଚ୍ଚା ଆରମ୍ଭ ହୋଇଛି । 

କୁହାଯାଉଛି  କି କଂଗ୍ରେସ ନେତା ରାହୁଲ ଗାନ୍ଧୀ ବର୍ତ୍ତମାନ ବିରୋଧୀ ଦଳ ନେତା ହେବେ । କଂଗ୍ରେସ ନେତାମାନେ ମଧ୍ୟ ରାହୁଲଙ୍କୁ ନେତା କରିବା ଲାଗି ପ୍ରସ୍ତାବ ଦେଇଛନ୍ତି । ତେବେ ଏହି  ପ୍ରସ୍ତାବ ଉପରେ କଂଗ୍ରେସର ସଂସଦୀୟ ଦଳ ବୈଠକରେ ଆଲୋଚନା କରାଯିବା  ପରେ ଚୂଡାନ୍ତ ନିଷ୍ପତ୍ତି ନିଆଯିବ ବୋଲି ସୂଚନା ମିଳିଛି ।