ପ୍ରମୂଖ ଖବର
  • ବଜେପି ଅଧ୍ୟକ୍ଷ ଜେପି ନଡ୍ଡା ରାଜ୍ୟସଭା ନେତା ନିର୍ବାଚିତ
  • ||
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ପିଜିଆଇଏମ୍‌ଇଆର-କ୍ୟାପିଟାଲ ହସ୍ପିଟାଲ ଡାକ୍ତରଙ୍କ ଶୀତଳ ଯୁଦ୍ଧ, ଠିକଣା ଚିକିତ୍ସା ପାଉନାହାନ୍ତି ରୋଗୀ

ଭୁବନେଶ୍ୱର, ୨୫।୫: ପୂରା ଅବ୍ୟବସ୍ଥା ଭିତରେ ଚାଲିଛି କ୍ୟାପିଟାଲ ହସ୍ପିଟାଲ କାଜୁଆଲିଟି । ପିଜିଆଇଏମ୍‌ଇଆର ଓ କ୍ୟାପିଟାଲ ହସ୍ପିଟାଲ ଡାକ୍ତରଙ୍କ ଭିତରେ ଚାଲିଛି ଶୀତଳ ଯୁଦ୍ଧ । ପିଜିଆଇଏମ୍‌ଇଆର ଡାକ୍ତର କହୁଛନ୍ତି କ୍ୟାପିଟାଲ ହସ୍ପିଟାଲ ଡାକ୍ତର ଦେଖିବେ । ଆଉ କ୍ୟାପିଟାଲ ହସ୍ପିଟାଲ ଡାକ୍ତର କହୁଛନ୍ତି ପିଜିଆଇଏମ୍‌ଇଆର ଡାକ୍ତର ଦେଖିବେ । ରୋଗୀ ଦେଖିବାକୁ ନେଇ ଉଭୟଙ୍କ ଭିତରେ ଚାଲିଛି ଟଣାଓଟରା । ଫଳରେ ରୋଗୀ ଠିକ୍‌ ସମୟରେ ଚିକିତ୍ସା ନପାଇ ଯନ୍ତ୍ରଣା ଭୋଗୁଛନ୍ତି । ରୋଗୀଙ୍କ ସମ୍ପର୍କୀୟ ତୁରନ୍ତ ରୋଗୀଙ୍କୁ ଦେଖିବା ପାଇଁ ଡାକ୍ତରଙ୍କୁ ଅନୁରୋଧ କରି ଦୁର୍ବ୍ୟବହାର ପାଉଛନ୍ତି । ସିକ୍ୟୁରିଟି ଲଗାଇ କାଜୁଆଲିଟିରୁ ସର୍ମ୍ପର୍କୀୟଙ୍କୁ ତଡ଼ି ଦେଉଛନ୍ତି । ହସ୍ପିଟାଲ କର୍ତ୍ତୃପକ୍ଷଙ୍କ ପାଖରେ ମାଳ ମାଳ ଏଭଳି ଅଭିଯୋଗ । 

ଏନେଇ ହସ୍ପିଟାଲ କର୍ତ୍ତୃପକ୍ଷ ଡାକ୍ତରଙ୍କୁ ବାରମ୍ବାର ତାଗିଦ କରୁଥିବା ସୂଚନା ମିଳିଛି । ହେଲେ ଉତ୍ତର ମିଳୁଛି କାଜୁଆଲିଟିରେ ଡାକ୍ତର ସଂଖ୍ୟା କମ ରହିଛି । ପ୍ରବଳ ସଂଖ୍ୟାରେ ରୋଗୀ ଆସିଥିବାରୁ ସମସ୍ତଙ୍କୁ ତୁରନ୍ତ ଦେଖିବା ସମ୍ଭବ ହେଉନି ବୋଲି ସଫେଇ ଦେଉଛନ୍ତି । ବର୍ତ୍ତମାନ କାଜୁଆଲିଟି ଭୀଷଣ ସମସ୍ୟା ଦେଇ ଗତି କରୁଛି । ଡାକ୍ତରଙ୍କ ଘୋର ଅଭାବ ଯୋଗୁ ରୋଗୀ ଠିକଣା ସମୟରେ ଚିକିତ୍ସା ପାଇପାରୁନାହାନ୍ତି । ସେଠାକୁ ଦୈନିକ ପ୍ରାୟ ୭୦୦ରୁ ୮୦୦ ରୋଗୀ ଆସୁଛନ୍ତି । ୩ଟି ଦଫାରେ ୨୭ ଜଣ ଡାକ୍ତର ରୋଗୀ ଦେଖୁଛନ୍ତି । ଜରୁରିକଳୀନ ସମୟରେ ରୋଗୀଙ୍କୁ ଦେଖିବା ବିଳମ୍ବ ହେଲେ ଜୀବନ ପ୍ରତି ବିପଦ ସୃଷ୍ଟି ହେଉଛି । 

ଏନେଇ ହସ୍ପିଟାଲ କର୍ତ୍ତୃପକ୍ଷ କହିଛନ୍ତି, ରୋଗୀଙ୍କ କ୍ଷେତ୍ରରେ ସାମାନ୍ୟତମ ଅବହେଳାକୁ ବରଦାସ୍ତ କରାଯିବନି । ବହୁ ସମୟରେ ରୋଗୀଙ୍କ ସମ୍ପର୍କୀୟ ଏଭଳି ଅଭିଯୋଗ କରିଛନ୍ତି । ହେଲେ ଯଦି ଗୁରୁତର ଅଭିଯୋଗ ଆସିଛି, ତାହାର ମଧ୍ୟ ତଦନ୍ତ କରାଯାଇ ଶୃଙ୍ଖଳାଗତ ପଦକ୍ଷେପ ନିଆଯାଇଛି । ଆଉ କିଛି ଜଣଙ୍କୁ ଚେତବାନୀ ମଧ୍ୟ ଦିଆଯାଉଛି । ଡାକ୍ତରଙ୍କ ଅଭାବ ରହିଛି । ପୂର୍ବରୁ କିଛି ଡାକ୍ତର କାଲୁଆଲିଟି ପାଇଁ ପୋଷ୍ଟିଂ ହୋଇଥିଲେ । ହେଲେ ସେମାନେ ପିଜି ପାଇବାରୁ ଏଠାରୁ ଛାଡ଼ି ଚାଲିଗଲେ । ପୁଣି ଡାକ୍ତରଙ୍କୁ ନିଯୁକ୍ତି ନେଇ ସ୍ୱାସ୍ଥ୍ୟ ବିଭାଗକୁ ଅବଗତ କରାଯାଇଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.