ଭୁବନେଶ୍ୱର,୧୨/୦୪:  ଦିଲ୍ଲୀରେ କାର୍ଯ୍ୟରତ ‘ପ୍ରମେୟ’  ଡିଜିଏମ୍‌ (ସେଲ୍ସ ଆଣ୍ଡ ମାର୍କେଟିଂ)  ଅଙ୍କୁର ଗୁପ୍ତାଙ୍କ ଗୁରୁବାର ସକାଳେ ହୃଦ୍‌ଘାତରେ ପରଲୋକ ଘଟିଛି ।  ତାଙ୍କୁ ୪୧ ବର୍ଷ ବୟସ ହୋଇଥିଲା ।  ତାଙ୍କର ପତ୍ନୀ ଓ ଏକମାତ୍ର ଝିଅ  ଅଛନ୍ତି । ତାଙ୍କ ମୃତ୍ୟୁରେ ସୁମା ରିୟଲ୍‌ ମିଡିଆ ପ୍ରାଇଭେଟ୍‌  ଲିମିଟେଡ୍‌ (ପ୍ରମେୟ ଓ ନ୍ୟୁଜ୍‌-୭) ର ପରିଚାଳନା ନିର୍ଦ୍ଦେଶକ ପ୍ରଫେସର  ଡ. ମନୋଜରଞ୍ଜନ ନାୟକ, ସିଇଓ ସୁନୀଲ ଦାସ ଏବଂ ‘ପ୍ରମେୟ’ ସମ୍ପାଦକ  ଗୋପାଳକୃଷ୍ଣ ମହାପାତ୍ର ଗଭୀର ଶୋକ ପ୍ରକାଶ କରିଛନ୍ତି ।

ସ୍ୱର୍ଗତ ଗୁପ୍ତା ୧୯୮୩ ଅକ୍ଟୋବର ୩ ତାରିଖରେ ନୂଆଦିଲ୍ଲୀରେ  ଜନ୍ମଗ୍ରହଣ କରିଥିଲେ । ସେ ୨୦୨୨ ଜାନୁଆରୀରୁ ‘ପ୍ରମେୟ’ରେ କାର୍ଯ୍ୟରତ  ଥିଲେ । ଜଣେ ଦକ୍ଷ ଓ କର୍ତ୍ତବ୍ୟନିଷ୍ଠ ଅଧିକାରୀ ଭାବେ ସେ ବେଶ୍‌  ଲୋକପ୍ରିୟ ଥିଲେ । ଏହା ପୂର୍ବରୁ ସେ ଅମର ଉଜାଲା, ଲୋକମତ ଓ ଆଜ୍‌  ହିନ୍ଦୀରେ କାର୍ଯ୍ୟ କରିଥିଲେ । ‘ପ୍ରମେୟ’ର ବ୍ୟାବସାୟିକ ଅଭିବୃଦ୍ଧିରେ  ତାଙ୍କର ସକ୍ରିୟ ସହଯୋଗ ଥିଲା ବୋଲି ଡାଇରେକ୍ଟର (ସେଲ୍ସ ଆଣ୍ଡ  ମାର୍କେଟିଂ) ହିମାଂଶୁ ହୋତା କହିବା ସହ ଗଭୀର ଶୋକ ପ୍ରକାଶ କରିଛନ୍ତି।