ଭୁବନେଶ୍ବର ,୨।୫ ଆସନ୍ତା ୧୧ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବରଗଡ ଆସିବେ। ବରଗଡରେ ଅନୁଷ୍ଠିତ ବିଜେପିର ନିର୍ବାଚନୀ ସଭାଯେ ଯୋଗ ଦେବେ।  ଏ ନେଇ ରାଜ୍ୟ ବିଜେପି ପକ୍ଷରୁ ସୂଚନା ଦିଆଯାଇଛି।  ତେବେ ଏହା ପୂର୍ବରୁ ଆସନ୍ତା  ୬ ତାରିଖରେ ମଧ୍ୟ  ମୋଦି ଓଡିଶା ଆସିବେ। ୬ ତାରିଖରେ  ବ୍ରହ୍ମପୁର ଓ ନବରଙ୍ଗପୁର ଆସି ବିଜେପିର  ବିଜୟ ସମାବେଶରେ ଯୋଗ ଦେଇ ନିର୍ବାଚନ ପ୍ରଚାର କରିବେ।

ପଶ୍ଚିମ ଓଡ଼ିଶା ଉପରେ ବିଜେପି ବିଶେଷ ଫୋକସ ରଖିଛି। ସେଥିପାଇଁ ଏହା ପୂର୍ବରୁ  କେନ୍ଦ୍ର ଗୃହ ମନ୍ତ୍ରୀ  ଅମିତ ଶାହ ସୋନପୁର ଆସି ବିଜେପିର ବିଜୟ ସମାବେଶରେ ଯୋଗ ଦେଇ ନିର୍ବାଚନ ପ୍ରଚାର କରି ଯାଇଛନ୍ତି।  ଶାହଙ୍କ ପରେ ଏବେ ମୋଦୀ ଆସି ଦଳୀୟ ପ୍ରାର୍ଥୀଙ୍କ ପାଇଁ  ନିର୍ବାଚନ ପ୍ରଚାର କରିବେ।  ସେହିପରି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ବ୍ରହ୍ମପୁରର ଆମ୍ବପୁଆଠାରେ ଅନୁଷ୍ଠିତ ନିର୍ବାଚନୀ ସଭାରେ ଯୋଗ ଦେଇ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି।  

ଆହୁରି ପଢନ୍ତୁ : ବିଜେପିର ୬ ବିଧାୟକ ପ୍ରାର୍ଥୀ ଘୋଷଣା : କଟକ-ବାରବାଟୀରୁ ଲଢିବେ ଡାକ୍ତର ପୂର୍ଣ୍ଣଚନ୍ଦ୍ର ମହାପାତ୍ର