ମୁମ୍ୱାଇ - ମହାରାଷ୍ଟ୍ରରେ ପୁଣେ କୋର୍ଟ ପୋର୍ଶ କାର ଦୁର୍ଘଟଣା ମାମଲାରେ ସାମିଲ ନାବାଳକର ଜେଜେଙ୍କୁ ୨୮ ମେ ଯାଏ ପୁଲିସ ହେପାଜତକୁ ପଠାଇଛନ୍ତି। ଅଭିଯୋଜନ ପକ୍ଷ କୋର୍ଟଙ୍କୁ କହିଛନ୍ତି କି, ପୋର୍ଶ ଦୁର୍ଘଟଣା ମାମଲାରେ ସାମିଲ ନାବାଳକର ଜେଜେବାପାଙ୍କ ଘରୁ, ସିସିଟିଭି କ୍ୟାମେରାର ଜିଡିଟଲ ଭିଡ଼ିଓ ରେକର୍ଡର ଜବତ କରାଯାଇଛି। ପ୍ରାରମ୍ଭିକ ଯାଞ୍ଚରୁ ଫୁଟେଜ୍କୁ ନଷ୍ଟ କରାଯାଇ ଥିବା ଜଣାପଡ଼ିଛି। ହେଲେ ଜେଜେବାପା ପୁଲିସକୁ ଦେଇଥିବା ବୟାନରେ ନିଜ ଉପରେ ଲାଗିଥିବା ଅନେକ ଦୋଷରୁ ଏଡେଇ ଦେଇଛନ୍ତି। ସେ ପରିବାରର ଡ୍ରାଇଭରକୁ ଧମକ ଦେବାର ଅଭିଯୋଗକୁ ମଧ୍ୟ ଭୁଲ୍ ଦର୍ଶାଇଛନ୍ତି ।
ନ୍ୟୁଜ୍ ୧୮ ରିପୋର୍ଟ ମୁତାବିକ , ଏସକେ ଅଗ୍ରୱାଲ କହିଛନ୍ତି କି ଯେତେବେଳେ ଦୁର୍ଘଟଣା ହୋଇଥିଲା , ସେତେବେଳେ ସେ ଦିଲ୍ଲୀରେ ଥିଲେ । ଗତ ରବିବାର ସକାଳ ୧୧ଟା ପାଖାପାଖି ସେ ପୁଣେ ଫେରି ଥିଲେ।
ଜେଜେବାପା ଅଗ୍ରୱାଲ କହିଛନ୍ତି କି, ସେ କଲ୍ୟାଣୀ ନଗରରେ ୧୭ ବର୍ଷିୟ ପିଲା ସହ ଘଟଣାସ୍ଥଳରେ ଉପସ୍ଥିତ ନଥିଲେ। ସେ ପ୍ରଶ୍ନ କରି କହିଛନ୍ତି କି ଏଥିରେ ସେ ଡ୍ରାଇଭରଙ୍କୁ କେମିତି ଧମକ ଦେଇ ପାରିବେ। ସେ କହିଛନ୍ତି ଡ୍ରାଇଭର ଅଗ୍ରୱାଲ ପରିବାର ସହ ଗତ ୭-୮ ବର୍ଷ ହେବ କାମ କରୁ ଥିଲେ। ଏହାସହ ଦୁର୍ଘଟଣା ରାତିରେ ଡ୍ରାଇଭର ରବିବାର ସକାଳ ଯାଏ ଥାନାରେ ହିଁ ଥିଲେ।
ଏସକେ ଅଗ୍ରୱାଲ କହିଛନ୍ତି , ଦୁର୍ଘଟଣା ପରେ ତାଙ୍କୁ ଲୋକଙ୍କ ଭିଡ଼ ଉଗ୍ର ଦେବାର ଡ଼ର ଥିଲା । ଏଥିପାଇଁ ସେ ଅଗ୍ରୱାଲ ପରିବାରର ସର୍ଭେଣ୍ଟ କ୍ୱାର୍ଟରରେ ରହିବାକୁ ନିଷ୍ପତ୍ତି ନେଲେ। ସେ କହିଥିଲେ କି ଡ୍ରାଇଭର ନିଜେ ଲୋକଙ୍କୁ ସୁରକ୍ଷା ମାଗି ଥିଲେ। ଏହି କାରଣ ଯେ ସେ ନିଜ ଇଚ୍ଛାରେ ଷ୍ଟାଫ କ୍ୱାର୍ଟରରେ ରହିଥିଲେ। ଅଗ୍ରୱାଲ କହିଛନ୍ତି ସେ ପୂର୍ବରୁ ବି ଅନେକ ଘଟଣାରେ ପୂର୍ବରୁ ବି ଅନେକ ଘଟଣାରେ ଷ୍ଟାଫଙ୍କ କ୍ୱାଟରରେ ରହି ସାରିଛନ୍ତି।
କହି ରଖୁଛୁ କି, ଜେଜେବାପାଙ୍କୁ ୧୯ ମେ'ର ଦୁର୍ଘଟଣା ପରେ ପରିବାରର ଡ୍ରାଇଭରକୁ ଭୁଲ ଉପାୟରେ ବନ୍ଧକ କରି ରଖିବା ନେଇ ଗିରଫ କରି ନିଆଯାଇ ଥିଲା ଏବଂ ଦ୍ୱିପ୍ରହରରେ ଏକ ଅବକାଶକାଳୀନ କୋର୍ଟଙ୍କ ସମ୍ମୁଖରେ ହାଜର କରାଯାଇ ଥିଲା।
