ଢେଙ୍କାନାଳ,୧୭।୯ :  ଜମିର କିସମ ପରିବର୍ତ୍ତନ ପାଇଁ ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି ଆାରଆଇ ଓ ପିଅନ। ସେମାନେ ହେଲେ  ଢେଙ୍କାନାଳ ସଦର ରାଜସ୍ବ ସର୍କଲ କାର୍ଯ୍ୟାଳୟରେ କାର୍ଯ୍ୟରତ ରାଜସ୍ୱ ନିରୀକ୍ଷକ ବରୁଣ ଜେନା ଓ ତାଙ୍କ ପିଅନ ବଳରାମ ନାଏକ । ବରୁଣ ତାଙ୍କ କାର୍ଯ୍ୟାଳୟର ପିଅନ ବଳରାମ ନାଏକଙ୍କ ମାଧ୍ୟମରେ ୩୦ ହଜାର ଟଙ୍କା ଲାଞ୍ଚ ନେଉଥିଲେ।  ଏହି ସମୟରେ ଭିଜଲାନ୍ସ ଚଢାଉ କରି ଉଭୟ ବରୁଣ ଓ  ବଳରାମଙ୍କୁ କାବୁ କରିଛି।

ଢେଙ୍କାନାଳ ସହରର ମହିଷାପାଟ ଅଂଚଳର ମହେଶ୍ୱର ସାମଲ ଜମିର କିସମ ପରିବର୍ତ୍ତନ ପାଇଁ  ଆବେଦନ କରିଥିଲେ। ଆାରଆଇ ବରୁଣ ୩୦ ହଜାର ଟଙ୍କା ଲାଞ୍ଚ ଦେବାକୁ କହିଥିଲେ।   ଏ ନେଇ  ମହେଶ୍ୱର ଢେଙ୍କାନାଳ ଭିଜିଲାନ୍ସ ବିଭାଗରେ  ଅଭିଯୋଗ କରିଥିଲେ। ଅଭିଯୋଗ ଆଧାରରେ ଆଜି ଯୋଜନା ବଦ୍ଧ  ଭାବେ ଭିଜିଲାନ୍ସ  ଟିମ୍ ଢେଙ୍କାନାଳ ସଦର ଆରଆଇ କାର୍ଯ୍ୟାଳୟରେ ଜଗି ରହିଥିଲେ । ବରୁଣ ତାଙ୍କ କାର୍ଯ୍ୟାଳୟର ପିଅନ ବଳରାମ ନାଏକଙ୍କ ମାଧ୍ୟମରେ ୩୦ ହଜାର ଟଙ୍କା ଲାଞ୍ଚ ମହେଶ୍ବରଙ୍କ ଠାରୁ ନେଉଥିଲେ। ଏହି ସମୟରେ ପୂର୍ବରୁ ଛକି ରହିଥିବା ଭିଜିଲାନ୍ସ ଟିମ ଉଭୟଙ୍କୁ କାବୁ କରିଥିଲେ। ରାସାୟନିକ ପ୍ରଲେପ ଦିଆଯାଇଥିବା ୩୦ହଜାର ମଧ୍ୟ ଭିଜିଲାନ୍ସ  ସେମାନଙ୍କ ଠାରୁ ଜବତ କରିଥିଲା। ପରେ ଉଭୟଙ୍କୁ ଭିଜିଲାନ୍ସ ଗିରଫ କରି   ଢେଙ୍କାନାଳ ଭିଜିଲାନ୍ସ କାର୍ଯ୍ୟାଳୟକୁ ନେଇ ଅଧିକ ଯାଞ୍ଚ କରୁଛି।