ସାଲେପୁର,୧୯/୦୯: ସପନପୁର ଗାଁର ତିନୋଟି ଘରେ କଳାକନା ବୁଲାଇଲା ଚୋର । ଘରର ଝରକା ତାଡ଼ି ଲକ୍ଷାଧିକ ଟଙ୍କାର ସୁନା, ରୂପା, ଟଙ୍କା, ପିତଳ ବାସନକୁସନ,ଦାମୀ ଶାଢି ଚୋରି । କଟକ ଜିଲ୍ଲା ସାଲେପୁର ଥାନା ଅନ୍ତର୍ଗତ ସପନପୁର ଗାଁରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ସପନପୁର ଗାଁର ତିନୋଟି ଘରର ଝରକା ତାଡ଼ି କଳାକନା ବୁଲାଇଲା ଚୋର । ଘରେ କୌଣସି ସଦସ୍ୟ ନଥିବା ବେଳେ ଏହାର ଲାଭ ଉଠାଇ ଲକ୍ଷାଧିକ ଟଙ୍କାର ସୁନା ରୂପା ଚୋରି କରିନେଲା ଚୋର । କେବଳ ସେତିକି ନୁହେଁ, ଟଙ୍କା, ପିତଳ ବାସନକୁସନ,ଦାମୀ ଶାଢି ମଧ୍ୟ ଚୋରି କରି ନେଲା ଚୋର । ପରେ ଘରେ ପହଞ୍ଚି ଏହି ଚୋରି ହୋଇଥିବା ନେଇ ଜାଣି ପାଇଥିଲେ ତିନି ପରିବାର । ଉକ୍ତ ଚୋର ଘରର ଝରକା ତାଡ଼ି ଲୁଟ୍‌ କରିଥିଲା । ଘରୁ ଚୋରି ହୋଇଥିବା ବିଷୟରେ ଜାଣି ପାରି ସମସ୍ତ ପରିବାର ପୋଲିସକୁ ଖବର ଦେଇଥିଲେ । ଖବର ପାଇ ସାଲେପୁର ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।