ବ୍ରହ୍ମପୁର ୧୯।୮   : ଘରେ ପଶି ଭାଇ- ଭଉଣୀଙ୍କୁ ଖଣ୍ଡାରେ ଆକ୍ରମଣ । ଏଥିରେ ଭଉଣୀର ମୃତ୍ୟୁ ହୋଇଥିବା ବେଳେ ଭାଇ ଗୁରୁତର ହୋଇଛି। ଗୁରୁତର ଭାଇଙ୍କୁ ଚିକିତ୍ସା ନିମନ୍ତେ ଭୁବନେଶ୍ବରର ଏକ ମେଡ଼ିକାଲରେ ଭର୍ତ୍ତି  କରାଯାଇଛି। ବ୍ରହ୍ମପୁର ବଡ଼ବଜାର ଥାନା ଅନ୍ତର୍ଗତ ଜଗନ୍ନାଥ ବିହାରରେ ଏଭଳି ଅଭାବନୀୟ ଘଟଣା ଘଟିଛି ।

ବ୍ରହ୍ମପୁର ବଡ଼ବଜାର ଥାନା ଅନ୍ତର୍ଗତ ଜଗନ୍ନାଥ ବିହାରରେ  ଜଣକ ଘରେ ଶ୍ରାଦ୍ଧ ଚାଲିଥିବା ବେଳେ ଉପର ଘର ଏକ କୋଠରୀରେ ସମ୍ପର୍କୀୟ ଭାଇ ଓ ଭଉଣୀ ଥିଲେ।  ହଠାତ ଆଉ ଜଣେ ସମ୍ପର୍କୀୟ ଭାଇ ଉଭୟଙ୍କୁ  ଖଣ୍ଡାରେ ଆକ୍ରମଣ କରିଥିଲା।  ଗୁରୁତର ଅବସ୍ଥାରେ ପ୍ରଥମେ ନାବାଳିକାଙ୍କୁ ସିଟି ମେଡିକାଲ ପରେ ବଡ଼ ମେଡିକାଲ ସ୍ଥାନାନ୍ତରିତ  କରାଯାଇଥିଲା । ସେଠାରେ  ଡାକ୍ତର ନାବାଳିକାଙ୍କୁ ମୃତ ଘୋଷଣା କରିଥିଲେ। ଗୁରୁତର ଭାଇଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି। ଆକ୍ରମଣ କରି ସମ୍ପର୍କୀୟ ବଡ଼ ଭାଇ ଫେରାର ହେଉଥିବା ବେଳେ ହିଞ୍ଜିଳି ନିକଟରେ ସଡ଼କ ଦୁର୍ଘଟଣାରେ ସମ୍ମୁଖୀନ ହୋଇଛି।  ତାଙ୍କୁ ଚିକିତ୍ସା ପାଇଁ  ବ୍ରହ୍ମପୁର ଅଣା ଯାଉଛି।  ଆକ୍ରମଣର କାରଣ ଅସ୍ପଷ୍ଟ ଥିବା ବେଳେ ପୁଲିସ ଘଟଣାର ତଦନ୍ତ କରୁଛି।