ହାଇଦ୍ରାବାଦ: ମୁମ୍ବାଇ ଇଣ୍ଡିଆନ୍ସର ପ୍ରାଣମୂର୍ଚ୍ଛା ଉଦ୍ୟମ ବିଫଳ ହୋଇଛି । ହାଇଦ୍ରାବାଦର ବିଶାଳ ସ୍କୋର ଆଗରେ ଆତ୍ମସମର୍ପଣ କରିଛି ମୁମ୍ବାଇ । ୨୮୮ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ମୁମ୍ବାଇ ନିର୍ଦ୍ଧାରିତ ଓଭରରେ ୫ ଓ୍ବିକେଟ ହରାଇ ୨୪୬ ରନ୍ରେ ଅଟକି ଯାଇଛି । ଫଳରେ ୩୧ ରନ୍ରେ ବିଜୟୀ ହୋଇଛି ସନରାଇଜର୍ସ ହାଇଦ୍ରାବାଦ (ଏସଆରଏଚ୍) । ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ବାଧୀନ ମୁମ୍ବାଇ ଟିମ୍ ଦ୍ବିତୀୟ ମ୍ୟାଚ୍ରେ ପରାସ୍ତ ହୋଇଛି ।
ଆଇପିଏଲ୍ ଇତିହାସରେ ଆଜି ଦେଖିବାକୁ ମିଳିଛି ସବୁଠୁ ହାଇ ସ୍କୋରିଂ ମୁକାବିଲା । ଏହି ମ୍ୟାଚରେ ସବୁଠୁ ବଡ ସ୍କୋର କରି ଇତିହାସ ରଚିଛି ହାଇଦ୍ରାବାଦ । ସନରାଇଜର୍ସ ହାଇଦ୍ରାବାଦ ପରେ ମୁମ୍ବାଇ ଇଣ୍ଡିଆନ୍ସ ବି ୨୦୦ରୁ ଉର୍ଦ୍ଧ୍ଵ ସ୍କୋର କରିଛି । କିନ୍ତୁ ୨୭୮ ରନର ପାହାଡ଼ ତଳେ ଚାପି ହୋଇଯାଇଛି ମୁମ୍ବାଇ । ହାଇଦ୍ରାବାଦ ମୁମ୍ବାଇକୁ ୩୧ ରନରେ ହରାଇ ପ୍ରଥମ ବିଜୟ ହାସଲ କରିଛି । ଅନ୍ୟପଟେ ମୁମ୍ବାଇ ଚଳିତ ସିଜିନରେ କ୍ରମାଗତ ଦ୍ଵିତୀୟ ବିଜୟ ହାସଲ କରିଛି । ଏହି ମ୍ୟାଚରେ ୫୦୦ରୁ ଉର୍ଦ୍ଧ୍ଵ ସ୍କୋର ହେବା ସହ ଛକାର ରେକର୍ଡ ମଧ୍ୟ ହୋଇଛି ।
ପ୍ରଥମେ ବ୍ୟାଟିଂ କରିଥିବା ହାଇଦ୍ରାବାଦ ୨୭୭ ରନ କରିଥିଲା । ଦଳ ପକ୍ଷରୁ ହେନରିକ କ୍ଲାସେନ ୩୪ ବଲରୁ ଅପରାଜିତ ୮୦ ରନ, ଅଭିଷେକ ଶର୍ମା ୨୩ ବଲରୁ ୬୩ ରନ, ଟ୍ରେଭିସ୍ ହେଡ୍ ୨୪ ବଲରୁ ୬୨ ଓ ଆଡନ ମାରକ୍ରମ ଅପରାଜିତ ୪୨ ରନ କରିଥିଲେ । ଜବାବରେ ମୁମ୍ବାଇ ୫ ଓ୍ଵିକେଟ୍ ହରାଇ ୨୪୬ ରନରେ ଅଟକି ଯାଇଛି । ମୁମ୍ବାଇ ପକ୍ଷରୁ ତିଳକ ବର୍ମା ସର୍ବାଧିକ ୬୪ ରନ କରିଥିବା ବେଳେ ଟିମ୍ ଡେଭିଡ୍ ଅପରାଜିତ ୪୨ ରନ କରିଛନ୍ତି ।
