କଟକ, ୨୧/୦୫ : ସ୍କୁଟି ଉପରେ ଚଢିଗଲା ଟ୍ରକ୍। ଚାଲିଗଲା ୨ ଭାଇଙ୍କ ଜୀବନ। କଟକ ବାଲିକୁଦା ଓଭରବ୍ରିଜ୍ ଉପରେ ଏହି ଦୁର୍ଘଟଣା ଘଟିଛି। ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ୍ ଓ ଆକ୍ଟିଭା ଗାଡ଼ିକୁ ଜବତ କରି ଥାନାକୁ ଆଣିଛି।
ସୂଚନାନୁଯାୟୀ, ଏକ ଆକ୍ଟିଭା ଯୋଗେ ଦୁଇ ଭାଇ ଭୁବନେଶ୍ୱରରୁ କଟକ ଆଡ଼କୁ ଯାଉଥିବା ବେଳେ କଟକ ବାଲିକୁଦା ଓଭରବ୍ରିଜ୍ ଉପରେ ଏକ ଆଇରନ୍ ବୋଝେଇ ଟ୍ରକ୍ ଚଢି ଯାଇଥିଲା। ଫଳରେ ଘଟଣାସ୍ଥଳରେ ୨ ଭାଇଙ୍କ ମୃତ୍ୟୁ ଘଟିଛି। ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ୍ ଓ ଆକ୍ଟିଭା ଗାଡ଼ିକୁ ଜବତ କରି ଥାନାକୁ ଆଣିଛି। ଦୁଇ ଯୁବକ ସାଲେପୁର ଅଞ୍ଚଳର ହୋଇଥିବା ବେଳେ ତାଙ୍କ ପରିବାର ଲୋକଙ୍କ ସହ ଯୋଗାଯୋଗ କରାଯାଉଛି ବୋଲି ସଦର ଥାନା ପୋଲିସ ପକ୍ଷରୁ ସୂଚନା ମିଳିଛି।
