ନୂଆଦିଲ୍ଲୀ ୨୮/୦୩: ୫୦୦ ଟଙ୍କିଆ ନୋଟ୍ ଗଦାରେ ଆସାମର ଜଣେ ରାଜନେତାଙ୍କ ଶୋଇବା ଫଟୋ ଏବେ ସୋସିଆଲ ମିଡିଆରେ ଚହଳ ପକାଇଛି । ସେ ହେଉଛନ୍ତି ଉଦାଲଗିରି ଜିଲ୍ଲାର ଭୈରାଗୁରି ସ୍ଥିତ ଗ୍ରାମ ପରିଷଦ ବିକାଶ କମିଟିର ଅଧ୍ୟକ୍ଷ ବେଞ୍ଜାମିନ ବସୁମତାରୀ । ତାଙ୍କ ଦେହ ସାରା ୫୦୦ ଟଙ୍କିଆ ନୋଟ୍ ଖେଳାଇ ହୋଇ ପଡ଼ିଥିବା ମଧ୍ୟ ଫଟୋରେ ଦେଖିବାକୁ ମିଳିଛି ।
ରିପୋର୍ଟ ଅନୁସାରେ, ବେଞ୍ଜାମିନଙ୍କ ନାମରେ ପ୍ରଧାନମନ୍ତ୍ରୀ ଆବାସ ଯୋଜନା ଓ ଗ୍ରାମାଞ୍ଚଳ ରୋଜଗାର ଯୋଜନାରେ ବ୍ୟାପକ ଦୁର୍ନୀତି ଅଭିଯୋଗ ରହିଛି । ଏ ଯୋଜନାଗୁଡ଼ିକର ଗରିବ ହିତାଧିକାରୀଙ୍କଠାରୁ ସେ ଲାଞ୍ଚ ନେଇଥିବା ଅଭିଯୋଗ ରହିଛି । ଏହି ଫଟୋକୁ ନେଇ ସୋସିଆଲ ମିଡିଆରେ ଖୁବ୍ ପ୍ରତିକ୍ରିୟା ଦେଖିବାକୁ ମିଳୁଛି । ଦୁର୍ନୀତି ବିରୋଧୀ ନୀତି ପାଇଁ ଜଣାଶୁଣା ବୋଦୋଲ୍ୟାଣ୍ଡ ସ୍ଥିତ ୟୁନାଇଟେଡ୍ ପିପୁଲ୍ସ ପାର୍ଟି ଲିବରାଲ (ୟୁପିପିଏଲ୍)ର ସେ ଜଣେ ସଦସ୍ୟ କି ବୋଲି ଲୋକେ ପ୍ରଶ୍ନ କରୁଛନ୍ତି ।
A malicious photo of Benjamin Basumatary has been widely spread by media and social media users associating it with UPPL. It has nothing to do UPPL or BTC Government.
— Pramod Boro (@PramodBoroBTR) March 27, 2024
The photo was taken five years ago by Mr Basumatary’s friends while they were partying and he was blackmailed… pic.twitter.com/z7BZhPhHJh
ସେପଟେ, ୟୁପିପିଏଲ୍ ମୁଖ୍ୟ ଓ ବୋଦୋଲ୍ୟାଣ୍ଡ ଟେରିଟୋରିଆଲ କାଉନ୍ସିଲ (ବିଟିସି)ର ମୁଖ୍ୟ କାର୍ଯ୍ୟନିର୍ବାହୀ ସଦସ୍ୟ ପ୍ରମୋଦ ବୋରୋ ଏକ ସ୍ପଷ୍ଟୀକରଣ ଜାରି କରି କହିଛନ୍ତି, ବେଞ୍ଜାମିନ ଆଉ ଦଳ ସହ ସଂଶ୍ଳିଷ୍ଟ ନାହାନ୍ତି । ଗତ ଜାନୁଆରୀ ୧୦ ତାରିଖରେ ତାଙ୍କୁ ୟୁପିପିଏଲ୍ରୁ ନିଲମ୍ବିତ କରାଯାଇଥିଲା । ହରିସିଂହା ବ୍ଲକ୍ କମିଟିଠାରୁ ଚିଠି ପାଇବା ପରେ ତାଙ୍କ ବିରୋଧରେ ଅନୁଶାସନମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା ବୋଲି ପ୍ରମୋଦ ବୋରୋ ସ୍ପଷ୍ଟ କରିଛନ୍ତି ।
