ନୂଆଦିଲ୍ଲୀ, ୨୧।୩: ବିଲେଇ ସହ ଫଟୋ ଉଠାଇଲେ ଫାଇନ୍ ଛାଡ଼ କରିବ ଲାଇବ୍ରେରୀ । ମାସାଚ୍ୟୁସେଟ୍ରେ ଥିବା ଏକ ଲାଇବ୍ରେରୀ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଚର୍ଚ୍ଚା ସାଉଁଟୁଛି । ଏଠାରେ ଥିବା ୱାର୍କଚେଷ୍ଟର ପବ୍ଲିକ୍ ଲାଇବ୍ରେରୀ ଏକ ଅଭିନବ ଉପାୟରେ ନିଜ ଗ୍ରାହକଙ୍କଠାରୁ ଜୋରିମାନା ଆଦାୟ କରୁଛି । ମାର୍ଚ୍ଚ ମାସରେ ଏହି ଲାଇବ୍ରେରୀରେ ‘ମାର୍ଚ୍ଚ ମିଆଁଉ’ ପୋଗ୍ରାମ୍ କରାଯାଇଛି । ଏଠାକୁ ଆସୁଥିବା ଲୋକଙ୍କୁ ନିଜ ପୋଷା ବିଲେଇର ଫଟୋ ହେଉ କିମ୍ୱା ଚିତ୍ର ଲାଇବ୍ରେରୀକୁ ପ୍ରଦାନ କରିବାକୁ ପଡ଼େ ।
ଯଦି ଆପଣଙ୍କର କୌଣସି ପୋଷା ବିଲେଇ ନାହାନ୍ତି, ତେବେ ଆପଣ ଯେ କୌଣସି ବିଲେଇର ଫଟୋ ଲାଇବ୍ରେରୀକୁ ଦେଇପାରିବେ । ଏହା ବଦଳରେ ଆପଣଙ୍କର ବହି ହଜିବା କିମ୍ୱା ନଷ୍ଟ ହେବାକୁ ନେଇଥିବା ସମସ୍ତ ଫାଇନ୍କୁ ଛାଡ଼ କରାଯିବ ବୋଲି ଲାଇବ୍ରେରୀ ପକ୍ଷରୁ ପ୍ରକାଶ କରାଯାଇଛି । ତେବେ ଅନେକ ଏଭଳି ବ୍ୟକ୍ତି ରହିଥାନ୍ତି, ଯେଉଁମାନେ ଲାଇବ୍ରେରୀରୁ ବହି ନେଇ ନ ଫେରାଇଲେ କିମ୍ୱା ବହିର କୌଣସି କ୍ଷତି ହେଲେ ସେମାନେ ଆଉ ଲାଇବ୍ରେରୀ ଆସନ୍ତି ନାହିଁ । ଏହିଭଳି ବ୍ୟକ୍ତିଙ୍କୁ ପୁଣି ଲାଇବ୍ରେରୀକୁ ଫେରାଇ ଆଣିବା ପାଇଁ ଏହି ପୋଗ୍ରାମ୍କୁ ଲଞ୍ଚ କରାଯାଇଛି । ବହି ପଢ଼ା ପ୍ରତି ଲୋକଙ୍କର ଆଗ୍ରହ ବଢ଼ାଇବାକୁ ଲାଇବ୍ରେରୀ କର୍ତ୍ତୃପକ୍ଷଙ୍କ ଏଭଳି ପଦକ୍ଷେପ ବେଶ୍ ପ୍ରଶଂସାଯୋଗ୍ୟ ।