ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଛଟେଇ କର୍ମଚାରୀଙ୍କ ପାଖରୁ ଟଙ୍କା ଫେରସ୍ତ ମାଗୁଛନ୍ତି ଏକ୍ସ ମାଲିକ ଏଲନ ମସ୍କ !

ଓ୍ବାଶିଂଟନ: ଦୁନିଆର ସବୁଠାରୁ ଧନୀ ବ୍ୟକ୍ତି ଏଲନ ମସ୍କ ଟେସଲା, ସ୍ପେସ୍‌ ଏକ୍ସ ଭଳି କମ୍ପାନିର ମାଲିକ । ଏଲନ ମସ୍କ ୨୦୨୨ରେ ଟ୍ବିଟରକୁ ପ୍ରାୟ ୪୪ ବିଲିୟନ୍‌ ଡଲାରରେ କ୍ରୟ କରିଥିଲେ । ଏହା ପରେ ଟ୍ବିଟରର ନାମ ପରିବର୍ତ୍ତନ କରି ଏକ୍ସ ରଖିଥିଲେ । ଏକ୍ସକୁ ଅଧିଗ୍ରହଣ କରିବା ପରେ ମସ୍କ କମ୍ପାନି ମ୍ୟାନେଜମେଣ୍ଟରେ ବହୁ ଗୁରୁତ୍ବପୂର୍ଣ୍ଣ ପରିବର୍ତ୍ତନ କରି ବଡ଼ ଧରଣର ଛଟେଇ କରିଥିଲେ । ଏବେ ବି ସମୟ ସମୟରେ ଏକ୍ସ ପକ୍ଷରୁ ଛଟେଇ କରାଯାଉଛି । ତେବେ ଛଟେଇ ହୋଇଥିବା କେତେକ କର୍ମଚାରୀଙ୍କ ଆକାଉଣ୍ଟକୁ ଭୁଲ ବଶତଃ ଅଧିକ ଟଙ୍କା ଚାଲିଯାଇଥିବା ନେଇ ସନ୍ଦେହ କରିବା ସହ ମସ୍କ ଏହି ଟଙ୍କା ଫେରସ୍ତ ମାଗିଥିବା ଜଣାପଡ଼ିଛି । 

ମୁଦ୍ରା ବିନିମୟ ସମୟରେ ଏଭଳି ଭୁଲ ହୋଇଛି ବୋଲି ଏକ୍ସ ପକ୍ଷରୁ କୁହାଯାଇଛି । କମ୍ପାନିର କହିବା କଥା ହେଲା ଯେ, ମୁଦ୍ରା ବିନିମୟ ସମୟରେ କମ୍ପାନିରୁ ଅଧିକ ଅର୍ଥ ଅଷ୍ଟ୍ରେଲିଆ କର୍ମଚାରୀଙ୍କୁ ଚାଲିଯାଇଛି । କମ୍ପାନି ୬ ଜଣ ଛଟେଇ କର୍ମଚାରୀଙ୍କ ପାଖରୁ ଟଙ୍କା ଫେରସ୍ତ ମାଗିଥିବା ନେଇ ସିଡନୀ ମର୍ଣ୍ଣିଂ ହେରାଲ୍ଡରେ ରିପୋର୍ଟ ପ୍ରକାଶ ପାଇଛି । ଯଦି ସେମାନେ ଟଙ୍କା ଫେରସ୍ତ ନକରନ୍ତି ତେବେ କମ୍ପାନି ପକ୍ଷରୁ ଲିଗାଲ୍‌ ଆକ୍ସନ ପାଇଁ ମଧ୍ୟ ଚେତାବନୀ ଦିଆଯାଇଛି । ତେବେ ଆମେରିକୀୟ ଡଲାରକୁ ଅଷ୍ଟେଲିଆ ଡଲାରରେ କନଭର୍ଟ କଲା ବେଳେ କମ୍ପାନି ଭୁଲ କରିଛି । ଫଳରେ କର୍ମଚାରୀଙ୍କୁ ୧୫ ଶହରୁ ୭୦ ହଜାର ଡଲାର ଅଧିକ ମିଳିଯାଇଛି । ଏହି ଭୁଲ ଜାନୁଆରୀ ୨୦୨୩ରେ ହୋଇଥିବା ଜଣାପଡ଼ିଛି । 

ଏବେ ସୁଦ୍ଧା କୌଣସି କର୍ମଚାରୀ ଟଙ୍କା ଫେରସ୍ତ କରିନାହାନ୍ତି । ଏକ ରିପୋର୍ଟ ଅନୁସାରେ, କମ୍ପାନି ପକ୍ଷରୁ ଏସବୁ କର୍ମଚାରୀଙ୍କୁ ଅଢ଼େଇ ଗୁଣ ଅଧିକ ଟଙ୍କା ଦିଆଯାଇଛି । ସେପଟେ ଛଟେଇର ଶିକାର ହୋଇଥିବା ୨୦୦୦ରୁ ଅଧିକ କର୍ମଚାରୀ ଏକ୍ସ ବିରୋଧରେ କୋର୍ଟରେ ମାମଲା ଦାୟର କରିଛନ୍ତି । ଏବେ ଯାଏଁ ସେମାନଙ୍କୁ କ୍ଷତିପୂରଣ ବାବଦକୁ ଅର୍ଥ ମିଳିପାରି ନାହିଁ ବୋଲି କର୍ମଚାରୀମାନେ ଅଭିଯୋଗ କରିଛନ୍ତି । ଏହି ସବୁ କର୍ମଚାରୀଙ୍କ ମଧ୍ୟରେ ଟ୍ବିଟରର ପୂର୍ବତନ ସିଇଓ ପରାଗ ଅଗ୍ରଓ୍ବାଲ ଏବଂ ସିଏଫଓ ନେଡ୍‌ ସେଗଲ ସାମିଲ ଅଛନ୍ତି ।

 

  • Elon Musk
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.