ଉମରକୋଟ, ୦୬/୦୮ : ନବରଙ୍ଗପୁର ଜିଲ୍ଲା ଉମରକୋଟ ଥାନା ଅନ୍ତର୍ଗତ କୁର୍ସି ନଦୀ ପୋଲ ନିକଟରେ ଜଣେ ଅଜଣା ଯୁବକଙ୍କ ଶବ ଉଦ୍ଧାର ହୋଇଛି। ନିକଟରେ ଥିବା ପଥରରେ ରକ୍ତ ଛିଟା ପଡ଼ିଥିବା ଯୋଗୁଁ ସ୍ଥାନୀୟ ଲୋକ ଏହା ହତ୍ୟା ବୋଲି ଆଲୋଚନା କରୁଛନ୍ତି। ଉମରକୋଟ ପୋଲିସ ଘଟଣା ସ୍ଥଳରେ ପହଞ୍ଚି ପାଣି ଭିତରୁ ଶବକୁ ଉଦ୍ଧାର କରିଛନ୍ତି।
ସୂଚନାନୁଯାୟୀ, ଶବ ଚି଼ହ୍ନଟ ପାଇଁ ପ୍ରକ୍ରିୟା ଆରମ୍ଭ ହୋଇଛି। ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ଇମରକୋଟ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରକୁ ଶବ ବ୍ୟବଚ୍ଛେଦ ପାଇଁ ପଠାଯାଇଛି। ଏହା କୌଣସି ହତ୍ୟା ନା ଦୁର୍ଘଟଣାଜନିତ ମୃତ୍ୟୁ ସେନେଇ ପୋଲିସ ତଦନ୍ତ ଚଳାଇଛି।
