ମୁମ୍ବାଇ,୪ /୬: ଫ୍ୟାନ୍ସଙ୍କ ପାଇଁ ଖୁସି ଖବର । ବାପା ହେଲେ ବଲିଉଡ ଅଭିନେତା ବରୁଣ ଧୱନ । ବିବାହର ୩ ବର୍ଷ ପରେ ଅଭିନେତା ବରୁଣ ଧୱନ ଏବଂ ତାଙ୍କ ପତ୍ନୀ ନତାଶା ଦଲାଲ ବାପା-ମାଆ ହୋଇଛନ୍ତି । ସୋମବାର ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି ନତାଶା। ଏନେଇ ବରୁଣ ଧୱନଙ୍କ ବାପା ତଥା ନିର୍ଦ୍ଦେଶକ ଡାଭିଡ ଧାୱନ ସୂଚନା ଦେଇଛନ୍ତି। ମୁମ୍ବାଇର ଇନ୍ଦୁଜା ହସ୍ପିଟାଲରେ ବରୁଣ ଧୱନ ଓ ଡାଭିଡ ଧୱନ ନଜର ଆସିଥିଲେ। ସେଠାରେ ପ୍ରତିକ୍ରିୟା ଦେଇ 'ଲକ୍ଷ୍ମୀ ଘରକୁ ଆସିଛନ୍ତି' ବୋଲି ଡାଭିଡ ଧୱନ କହିଛନ୍ତି।
ସୂଚନା ମୁତାବକ, ଗତ ୩ ମାସ ପୂର୍ବରୁ ବରୁଣ ସୋସିଆଲ ମିଡିଆରେ ଏହି ଖୁସି ଖବର ସେୟାର କରିଥିଲେ । ଏହାପରେ ଗତକାଲି ଅର୍ଥାତ ଜୁନ ୩ ତାରିଖରେ ନତାଶା ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି । ଏନେଇ ପୂରା ପରିବାରକୁ ଇନ୍ଦୁଜା ହସ୍ପିଟାଲରେ ଦେଖିବାକୁ ମିିଳିଥିଲା। ତେବେ ଏହି ଖୁସି ଖବର ଜାଣିବା ପରେ ଫ୍ୟାନ୍ସ ଓ ବନ୍ଧୁମାନେ ଶୁଭେଚ୍ଛା ଜଣାଇଛନ୍ତି ।