କୋଣାର୍କ, ୧୫/୦୯: ରାସ୍ତା କଡ଼ରୁ ଅଜଣା ମହିଳାଙ୍କ ମୃତଦେହ ଠାବ ହୋଇଛି । ମହିଳାଙ୍କୁ ହତ୍ୟା କରି କେହି ରାସ୍ତାକଡ଼ରେ ଫୋପାଡ଼ି ଦେଇଥିବା ସନ୍ଦେହ କରାଯାଉଛି । କୋଣାର୍କ ବନାଖଣ୍ଡି ରାସ୍ତାରେ ଏଭଳି ଘଟଣା ଘଟିଛି । 

ସୂଚନା ଅନୁସାରେ, କୋଣାର୍କ ବନଖଣ୍ଡି ରାସ୍ତା କଡରେ ଏକ ଅଚିହ୍ନା ମହିଳାଙ୍କ ମୃତଦେହ ପଡ଼ିଥିବାର ସ୍ଥାନୀୟ ଲୋକେ ଦେଖିଥିଲେ । ଶନିବାର ବିଳମ୍ବିତ ରାତିରେ ଏହି ଘଟଣା ଘଟିଥିବାହେତୁ ଗଳିତ ମହିଳାଙ୍କ ମୃତଦେହ ପଡ଼ିରହିଥିବା ବେଳେ ଶରୀରରେ ଖଣ୍ଡିଆଖାବରା ହୋଇଥିଲା ଓ ପାଟିରେ ରକ୍ତ ଲାଗିଥିବା ଦେଖିବାକୁ ମିଳିଛି । ମହିଳାଙ୍କ ବୟସ ପାଖାପାଖି ୩୦ ବର୍ଷ ହେବ ବୋଲି ଅନୁମାନ କରାଯାଉଛି । ଏହା ଦେଖି ସ୍ଥାନୀୟଲୋକେ କୋଣାର୍କ ପୋଲିସକୁ ଖବର ଦେଇଥିଲେ । 

ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏଥିସହିତ ଘଟଣାର ତଦନ୍ତ ଚଳାଇଛି ପୋଲିସ । ତେବେ ମହିଳାଙ୍କୁ କିଏ ହତ୍ୟା କରି ଫୋପାଡ଼ି ଦେଇଥିବା ସନ୍ଦେହ କରଯାଉଛି । ଏ ପର୍ଯ୍ୟନ୍ତ ମହିଳାଙ୍କ ପରିଚୟ ମିଳିପାରିନାହିଁ । ପୋଲିସ ପାଟ୍ରୋଲିଙ୍ଗ ଅଭାବରୁ ଏଭଳି ଘଟଣା କୋଣାର୍କ ଏବଂ ଏହାର ଆଖପାଖ ଅଞ୍ଚଳରେ ଘଟୁଥିବା କହିଛନ୍ତି ସ୍ଥାନୀୟଲୋକେ ।