ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଚୋରା ଚାଲାଣ ବେଳେ ୧୭୬ କଇଁଛ ଜବତ, ୪ ଗିରଫ

ଝରିଗାଁ, ୧୫/୦୬ : ଝରିଗାଁ ବନବିଭାଗକୁ ବଡ଼ ସଫଳତା। କଇଁଛ ଚୋରା ଚାଲାଣ ବେଳେ ମାଡ଼ି ବସିଲା ବନ ବିଭାଗ। ୧୭୬ଟି ବିରଳ କଇଁଛ ଉଦ୍ଧାର। ଏହା ସହ ୪ ଚୋରା ଚାଲାଣକାରୀଙ୍କୁ ଗିରଫ କରିଛି ବନ ବିଭାଗ।

ରେଞ୍ଜର ଗୋବିନ୍ଦ ଚନ୍ଦ୍ର ନାୟକଙ୍କ ସୂଚନା ପ୍ରକାରେ ସୀମାନ୍ତ ଜିଲ୍ଲା କଳାହାଣ୍ଡି ଗତ ମୁଣ୍ଡା ଗ୍ରାମରୁ କଇଁଛ ଚାଲାଣ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇ ୱାଇଲ୍ଡ ଲାଇଫ୍ ସ୍କ୍ଵାର୍ଡ ଏବଂ ବନ ବିଭାଗ କର୍ମଚାରୀ ଟିମ୍ ଚାରିଜଣ କଇଁଛ ତସ୍କରଙ୍କୁ ଧରିବାରେ ସଫଳ ହୋଇଛି। ରାତି ପ୍ରାୟ ୮ଟା ବେଳେ ଚକଲା ପଦର ପଞ୍ଚାୟତ, କଂଗ୍ରା ସାପ୍ତାହିକ ହାଟ ପଦା ନିକଟରେ ଚାରି ଜଣକୁ ମୋଟର ସାଇକେଲ ଯୋଗେ ଜୀବନ୍ତ କଇଁଛ ନେଉଥିବା ବେଳେ ବନ ବିଭାଗ ଟିମ୍ ହାତରେ ଧରା ପଡିଛନ୍ତି। ଚାରି ଜଣଙ୍କ ମଧ୍ୟରୁ ଜଣେ କଳାହାଣ୍ଡି ଗତ ମୁଣ୍ଡାର ହୋଇଥିବା ବେଳେ ତିନି ଜଣ ସର୍ଗିଗୁଡ଼ାର ହୋଇଥିବା ଜଣାପଡିଛି। ବିଗତ ଦିନରେ ଏହି ଅଞ୍ଚଳରୁ କଇଁଛ ଚାଲାଣ ବେଳେ ବନ ବିଭାଗ ଚାଲାଣକାରୀଙ୍କୁ ଗିରଫ କରିବାରେ ସଫଳ ହୋଇଥିଲା। ରେଞ୍ଜର ନାୟକଙ୍କ ନେତୃତ୍ୱରେ ଜବତ ଜୀବନ୍ତ କଇଁଛକୁ ଝରିଗାଁ ସ୍ଥିତ ସେଣ୍ଟ୍ରାଲ ନର୍ସରୀ ଠାରେ ରଖାଯାଇଛି। କଇଁଛ ଗୁଡ଼ିକ ଉମରକୋଟ ଅଞ୍ଚଳରେ ବିକ୍ରି ପାଇଁ ନେଉଥିବା ଗିରଫ ଚାରିଜଣ ସ୍ଵୀକାର କରିଥିବା ସୂଚନା ଦେଇଛନ୍ତି। ଶତାଧିକ ସଂଖ୍ୟାରେ କଳାହାଣ୍ଡି ଅଞ୍ଚଳରୁ ଲକ୍ଷାଧିକ ଟଙ୍କାରେ କଇଁଛ ଚାଲାଣ ହେଉଥିବା ବେଳେ ଏହା ପଛରେ କୌଣସି ଏକ ରାକେଟ ସାମିଲ ଥିବା ସନ୍ଦେହ କରି ବିଭାଗ ଏହାର ତୃଣମୂଳ ସ୍ତରରେ ତଦନ୍ତ ପ୍ରକ୍ରିୟା ଜାରି ରଖିଥିବା ରେଞ୍ଜର ନାୟକ ନିଜ ପ୍ରତିକ୍ରିୟାରେ କହିଛନ୍ତି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.