ବର୍ଲିନ୍‌, ୦୪/୦୯: ଜର୍ମାନୀରେ ରହୁଥିବା ହିନ୍ଦୁମାନଙ୍କ ଖୁସି ଖବର । ଦୀପାବଳିରେ ହିନ୍ଦୁମାନଙ୍କୁ ବଡ଼ ଉପହାର ମିଳିବାକୁ ଯାଉଛି । ଜର୍ମାନୀର ରାଜଧାନୀ ବର୍ଲିନ୍‌ରେ ତିଆରି ହେଉଛି ବଡ଼ ହିନ୍ଦୁ ମନ୍ଦିର । ଏହି ମନ୍ଦିର ଦୀପାବଳି ଦିନ ଶ୍ରଦ୍ଧାଳୁଙ୍କ ଦର୍ଶନ ଲାଗି ଖୋଲିବ ବୋଲି ଜଣାପଡ଼ିଛି । ଏହି ବିଶାଳ ଏବଂ ଭବ୍ୟ ହିନ୍ଦୁ ମନ୍ଦିର ନିର୍ମାଣ ପଛରେ ଜଣେ ୭୦ ବର୍ଷୀୟ ଭାରତୀୟ ବିଲ୍ବନାଥନ କୃଷ୍ଣମୂର୍ତ୍ତିଙ୍କ ଭୂମିକା ବେଶ ଗୁରୁତ୍ବପୂର୍ଣ୍ଣ ।

ପ୍ରଧାନମନ୍ତ୍ରୀ ମୋଦୀ ଗୋଟିଏ ବି ଛୁଟି ନେଇନାହାନ୍ତି, ଆରଟିଆଇର ଜବାବ ଦେଲା ପିଏମଓ

ସେ ଏହି ପ୍ରୋଜେକ୍ଟକୁ ୨୦ ବର୍ଷ ତଳେ ଆରମ୍ଭ କରିଥିଲେ । ଆଉ ଏହି ପ୍ରୋଜେକ୍ଟ ଏବେ ଶେଷ ହେବା ପର୍ଯ୍ୟାୟରେ । ମନ୍ଦିର ନିର୍ମାଣ ଏକପ୍ରକାର ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଏତିରେ ମୂର୍ତ୍ତି ସ୍ଥାପନ ହୋଇନାହିଁ । ଆସନ୍ତା ନଭେମ୍ବର ମାସରେ ୬ ଦିନ ବ୍ୟାପୀ ମନ୍ଦିରର ପ୍ରତିଷ୍ଠା କାର୍ଯ୍ୟକ୍ରମ ହେବ ବୋଲି କୃଷ୍ଣମୂର୍ତ୍ତି କହିଛନ୍ତି ।

 ଗତ ୫୦ ବର୍ଷ ହେଲା କୃଷ୍ଣମୂର୍ତ୍ତି ବର୍ଲିନ୍‌ରେ ରହିଆସୁଛନ୍ତି । ଭାରତୀୟ ସମୁଦାୟଙ୍କ ପାଇଁ ସେଠାରେ ଏକ ଭବ୍ୟ ମନ୍ଦିର ପ୍ରତିଷ୍ଠା କରିବା ପାଇଁ ତାଙ୍କର ସ୍ବପ୍ନ ଥିଲା ।୨୦୦୪ରେ ଏକ ସଂଘ ପ୍ରତିଷ୍ଠା କଲେ କୃଷ୍ଣମୂର୍ତ୍ତି । ଅନେକ ବାଧାବିଘ୍ନ ଦେଇ ଗତି କରିବା ପରେ ଶେଷରେ ୨୦୦୭ରେ ମନ୍ଦର କାର୍ଯ୍ୟ ଆରମ୍ଭ ହେବାର ଥିଲା । କିନ୍ତୁ କାର୍ଯ୍ୟ ଆଗେଇ ପାରିଲା ନାହିଁ । ପରବର୍ତ୍ତୀ ସମୟରେ ୨୦୧୦ରେ ମନ୍ଦିର ପାଇଁ ଶିଳାନ୍ୟାସ ହୋଇଥିଲା । ତେବେ କୃଷ୍ଣମୂର୍ତ୍ତି ନିଜ ଅର୍ଥରେ ଏଭଳି ଭବ୍ୟ ମନ୍ଦିର ନିର୍ମାଣ କରିଛନ୍ତି ବୋଲି କହିଛନ୍ତି । କିନ୍ତୁ ଏଥିପାଇଁ ବର୍ଲିନ୍‌ ସିନେଟ ଏବଂ ସ୍ଥାନୀୟ ପ୍ରଶାସନର ସହଯୋଗ ମିଳିନଥିଲା । 

You can also read: କରୋନା କାଳରେ ହ୍ରାସ ପାଇଛି ସାଧାରଣ ଲୋକଙ୍କ ଆୟ; କିନ୍ତୁ ଧନୀ ହୋଇଛନ୍ତି ରାଜନୈତିକ ଦଳ; ବର୍ଷକରେ ବଢ଼ିଛି ଏତେ ସମ୍ପତ୍ତି?