ପ୍ରମୁଖ ଖବର
  • ଇଓଡବ୍ଲ୍ୟୁ ପଞ୍ଝାରେ ୨ କୁଖ୍ୟାତ କ୍ରିପ୍ଟୋ ଠକ, ୧୫ କୋଟି ଟଙ୍କାର ଠକେଇ ଅଭିଯୋଗ
  • ||
  • ସ୍ଵାମୀ ସରୋଜଙ୍କ ସହ ବିଜେପିରେ ମିଶିଲେ ଜ୍ୟୋତି ପାଣିଗ୍ରାହୀ, ବିଜେଡିରୁ ଦେଇଥିଲେ ଇସ୍ତଫା
  • ||
  • ମେ ୩୧ରେ ଆସିବ ‘ମିଷ୍ଟର ଆଣ୍ଡ ମିସେସ୍‌ ମାହି’, ଦେଖିବାକୁ ମିଳିବ ରାଜକୁମାର-ଜାହ୍ନବୀଙ୍କ ଜବରଦସ୍ତ କେମେଷ୍ଟ୍ରି
  • ||
  • ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି
  • ||
  • ପ୍ଲାଷ୍ଟିକ ବଜାରକୁ ନେଇ ବିବାଦ: ଆଜି ୧୨ ସଂଘ-ବିଏମ୍‌ସି ବୈଠକ
  • ||
  • ସୋମବାର ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ଉତ୍ସବ, ମଙ୍ଗଳବାର ଶ୍ରୀଜିଉଙ୍କ ରଥଯାତ୍ରା
  • ||
  • ପାରାଦୀପରେ ୬୧ ଦିନ ଯାଏଁ ମାଛଧରା ବନ୍ଦ, ମାଛ ସଂରକ୍ଷଣକୁ ଦୃଷ୍ଟିରେ ରଖି ମତ୍ସ୍ୟ ବିଭାଗ ପକ୍ଷରୁ ନିର୍ଦ୍ଦେଶ
  • ||
  • ଓଡ଼ିଶାରେ ମୋଦି ନୁହେଁ, ‘ନବୀନ ଗ୍ୟାରେଣ୍ଟି’: ଚାଲିଛି ମତାମତ ସଂଗ୍ରହ, ଖୁବ୍‌ଶୀଘ୍ର ବିଜେଡିର ଇସ୍ତାହାର
  • ||
  • IPL 2024: ବେଙ୍ଗାଲୁରୁ-ହାଇଦ୍ରାବାଦ ମଧ୍ୟରେ ଟକ୍କର, ରୟାଲର କ୍ଲାସେନ ଭୟ
  • ||
  • ରାଜ୍ୟରେ ପୁଣି ପ୍ରଚଣ୍ଡ ତାତି, ଆହୁରି ୪ରୁ ୬ ଡିଗ୍ରୀ ବଢ଼ିବ ପାରଦ: ୧୮ ଯାଏ ଭୀଷଣ ଗ୍ରୀଷ୍ମପ୍ରବାହ
  • ||

ଦେଶରେ ସ୍ଥାପନ ହେବ ୩ଟି ସେମିକଣ୍ଡକ୍ଟର ପ୍ଲାଣ୍ଟ, ୮୦ ହଜାର ଲୋକଙ୍କୁ ମିଳିବ ରୋଜଗାର

ନୂଆଦିଲ୍ଲୀ, ୨୯/୦୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ କେନ୍ଦ୍ର କ୍ୟାବିନେଟ୍ ଦେଶରେ ୩ଟି ସେମିକଣ୍ଡକ୍ଟର ପ୍ଲାଣ୍ଟ ସ୍ଥାପନ ପାଇଁ ମଞ୍ଜୁରୀ ଦେଇଛି । ଡେଭଲପମେଣ୍ଟ ଅଫ୍ ସେମିକଣ୍ଡକ୍ଟର ଆଣ୍ଡ୍ ଡିସପ୍ଲେ ଇକୋସିଷ୍ଟମ୍ ଇନ୍ ଇଣ୍ଡିଆ ଅଧିନରେ ଏହି ଅନୁମୋଦନ ମିଳିଛି । ଆଗାମୀ ୧୦୦ ଦିନ ମଧ୍ୟରେ କାମ ଆରମ୍ଭ ହେବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ।

ଆଇଟି ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ଭାରତର ଟାଟା ଗ୍ରୁପ୍ ଏବଂ ଜାପାନର ରେନେସା କମ୍ପାନୀ ଦେଶରେ ୩ଟି ସେମିକଣ୍ଡକ୍ଟର ୟୁନିଟ୍ ବସାଇବେ । ଏହି ପ୍ରକଳ୍ପରେ ମୋଟ ୧.୨୬ ଲକ୍ଷ କୋଟି ଟଙ୍କା (୧୫.୨ ବିଲିଅନ୍ ଡଲାର୍) ପୁଞ୍ଜି ନିବେଶ ହେବ ।

ଟାଟା ଗ୍ରୁପର ଟାଟା ଇଲେକ୍ଟ୍ରୋନିକ୍ସ ପ୍ରାଇଭେଟ୍ ଲିମିଟେଡ୍ (TEPL) ଗୁଜରାଟରେ ସେମିକଣ୍ଡକ୍ଟର ପ୍ଲାଣ୍ଟ ବସାଇବ । ଟାଟା ଅନୁସାରେ, କମ୍ପାନୀ ତାଇୱାନର ପାୱାରଚିପ୍ ସେମିକଣ୍ଡକ୍ଟର କର୍ପୋରେସନ୍ ସହ ମିଶି ପ୍ଲାଣ୍ଟ ପ୍ରତିଷ୍ଠା କରିବ । ଗୁଜରାଟର ଢୋଲେରାର ଏହି ପ୍ରକଳ୍ପରେ ନିବେଶ ହେବ ୯୧ ହଜାର କୋଟି ଟଙ୍କା ।

ସେହିଭଳି ଟାଟା ସନ୍ସର କମ୍ପାନୀ ଟାଟା ସେମିକଣ୍ଡକ୍ଟର ଆସେମ୍ବଲି (TSAT) ମୋରିଗାଓଁରେ ୨୭ ହଜାର କୋଟି ନିବେଶ କରି କାରଖାନା ବସାଇବ । ଏଥିପାଇଁ କମ୍ପାନୀ ଟେଷ୍ଟ ପ୍ରାଇଭେଟ୍ ଲିମିଟେଡ୍ ସହ ବୁଝାମଣା କରିଛି ।

ସିଜି ପାୱାର ଗୁଜରାଟରେ ସେମିକଣ୍ଡକ୍ଟର କାରଖାନା ସ୍ଥାପନ କରିବ । ଏଥିପାଇଁ କମ୍ପାନୀ ଜାପାନର ରେନେସା ଇଲେକ୍ଟ୍ରୋନିକ୍ସ କର୍ପୋରେସନ୍ ଏବଂ ଥାଇଲାଣ୍ଡର ଷ୍ଟାର୍ସ ମାଇକ୍ରୋଇଲେକ୍ଟ୍ରୋନିକ୍ସ ସହ ବୁଝାମଣା କରିଛି । ଗୁଜରାଟର ସାଣନ୍ଦରେ ହେବାକୁ ଥିବା ପ୍ଲାଣ୍ଟ ଲାଗି ୭ ହଜାର ୬୦୦ କୋଟି ଟଙ୍କା ନିବେଶ କରାଯିବ ।

ଦେଶରେ ହେବାକୁ ଯାଉଥିବା ଏହି ୩ ସେମିକଣ୍ଡକ୍ଟର ପ୍ଲାଣ୍ଟରେ ବିପୁଳ ନିଯୁକ୍ତି ମିଳିବ । ସରକାରଙ୍କ ଅନୁସାରେ, ଏହି ୩ ୟୁନିଟରେ ସିଧାସଳଖ ୨୦ ହଜାର ଏବଂ ପରୋକ୍ଷ ଭାବେ ୬୦ ହଜାର ନିଯୁକ୍ତି ସୁଯୋଗ ସୃଷ୍ଟି ହେବ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.