ଭୁବନେଶ୍ୱର,୧୯/୧୧ : ବିଶ୍ୱକପ୍ ୨୦୨୩ର ଫାଇନାଲ୍ ପୂର୍ବରୁ ଟିମ୍ ଇଣ୍ଡିଆକୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ଭାରତ- ଅଷ୍ଟ୍ରେଲିଆ ହାଇଭୋଲଟେଜ ମ୍ୟାଚ୍ । ଏହା ପୂର୍ବରୁ ଚାରିଆଡୁ ଛୁଟୁଛି ଶୁଭେଚ୍ଛାର ସୁଅ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବି ମେନ୍ ବ୍ଲୁ କୁ ଚିୟର ଅଫ୍ କରିଛନ୍ତି ।
ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ (ଟ୍ବିଟ)ରେ ସେ ଲେଖିଛନ୍ତି ଯେ, ଭାରତୀୟ ଟିମ୍ ଚଳିତ ବିଶ୍ୱକପ୍ ଫାଇନାଲ ମୁକାବିଲା ଖେଳୁଛି । ତେଣୁ ପୁରା ଟିମ୍କୁ ଶୁଭେଚ୍ଛା । ବର୍ତ୍ତମାନ ଯାଏଁ ଟିମ୍ ବିଶ୍ୱକପ୍ ୨୦୨୩ରେ ଅପରାଜେୟ ରହିଛି । ଆଜିର ମ୍ୟାଚ୍ ଜିତି ତୃତୀୟ ଥର ଲାଗି ଭାରତୀୟ ଦଳ ବିଶ୍ୱକପ୍ ଟ୍ରଫି ହାତେଇବ ।
Wish the Indian Men's Cricket Team all the best for the final clash of #CWC23 against Australia in Ahmedabad. May the team continue its unbeaten run and lift the World Cup for the third time. #INDvsAUSfinal pic.twitter.com/aJqUro5ksC
— Naveen Patnaik (@Naveen_Odisha) November 19, 2023
ସୂଚନାଯୋଗ୍ୟ ଯେ, ଗୁଜୁରାଟର ଅହମ୍ମଦାବାଦସ୍ଥିତ ନରେନ୍ଦ୍ର ମୋଦୀ କ୍ରିକେଟ୍ ଷ୍ଟାଡିୟମ୍ରେ ଆଜିର ଫାଇନାଲ୍ ମ୍ୟାଚ୍ ଖେଳାଯିବ । ରବିବାର ଅପରାହ୍ନ ୨ଟାରେ ଏହି ମ୍ୟାଚ୍ ଖେଳାଯିବ।
