ନୂଆଦିଲ୍ଲୀ,୧୪/୧୧: ଯାନ ବାହାନ ଜନିତ ପ୍ରଦୂଷଣରୁ ପରିବେଶକୁ ସୁରକ୍ଷା ଦେବା ଲାଗି ଇ-ଯାନ ଗ୍ରହଣକୁ ଏବେ ସରକାର ପ୍ରାଥମିକତା ଦେଉଛନ୍ତି । ଇଯାନଗୁଡିକର ମାଇଲେଜ ଏବେ ଆଖିଦୃଶିଆ ହେଉନି । ଏ ନେଇ କମ୍ପାନିଗୁଡିକ ନିରନ୍ତର  କାମ କରୁଛନ୍ତି । ଆଗକୁ ଏମିତି ଏକ ଇ କାର ଆସୁଛି ଯାହା ଗୋଟିଏ ଚାର୍ଜରେ ୫୫୦ କିମି ଗଡିବ । ମାରୁତି ସୁଜିକି  ଏହି ମଡେଲଟିକୁ ଆଣିବ । ଏସ୍‌ୟୁଭି ବର୍ଗରେ ଆସିବ ଏହି  ମଡେଲ । ଗୁରୁଗ୍ରାମରେ କମ୍ପାନି ଇଭିଏକ୍ସ ମଡେଲର ପରୀକ୍ଷଣ କରୁଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଲିକ୍‌  ହୋଇଥିବା ଏକ ଫଟୋକୁ କମ୍ପାନିର କନସେପ୍ଟ ମଡେଲ  ବୋଲି କୁହାଯାଉଛି । 

ମାରୁତି ସୁଜୁକି ଇଣ୍ଡିଆ ଲିମିଟେଡ ଏହି  କାରକୁ ୨୦୨୫ରେ ବଜାରକୁ ଆଣିପାରେ । ୨୦୨୩ ଇଣ୍ଡିଆନ  ଅଟୋ ଏକ୍ସପୋରେ ଏହି କାରର ପ୍ରଦର୍ଶନ କରିଥିଲା କମ୍ପାନି ।  ସେହିଭଳି ଚଳିତ ବର୍ଷ ଅକ୍ଟୋବରରେ ଜାପାନରେ ଅନୁଷ୍ଠିତ  ଅଟୋମୋବାଇଲରେ ସୋ’ରେ ଉତ୍ପାଦନ ପାଇଁ ପ୍ରସ୍ତୁତ  ମଡେଲକୁ କମ୍ପାନି ପ୍ରଦର୍ଶନ କରିଥିଲା । ଏହି ମଡେଲରେ  ୬୦ କିଲୋୱାଟର ବ୍ୟାଟେରି ପ୍ୟାକ ସହ ଇଲେକ୍ଟ୍ରିକ ମୋଟର ଦିଆଯିବ । ଥରେ ଚାର୍ଜ କଲେ ଏହି ମଡେଲରେ ୫୫୦ କିମିର  ଯାତ୍ରା କରିହେବ ବୋଲି କମ୍ପାନି ଦାବି କରି କହିଛି । ତେବେ  ବର୍ତ୍ତମାନ ୪୦୦ କିମି ରେଞ୍ଜର ବ୍ୟାଟେରି ସହ ଯାନଟିକୁ କମ୍ପାନି ଏବେ ପରୀକ୍ଷଣ କରୁଛି । ଟୟୋଟାର ୪୦ ପିଏଲ୍‌ ପ୍ଲାଟଫର୍ମରେ  ଏହି ମଡେଲଟି ପର୍ଯ୍ୟବେସିତ ।