ସମ୍ବଲପୁର, ୦୮/୧୧: ସରଲା-ସମ୍ବଲପୁର ସେକ୍ସନରେ ଟ୍ରାକରୁ ଖସିଛି ଟ୍ରେନ୍ । ଝାରସୁଗୁଡ଼ା-ସମ୍ବଲପୁର ମେମୁ ପାସେଞ୍ଜର ସ୍ପେଶିଆଲ୍ (୦୮୧୬୯) ଲାଇନଚ୍ୟୁତ୍ ହୋଇଛି । ମେମୁ ଟ୍ରେନଟି ଝାରସୁଗୁଡ଼ାରୁ ସମ୍ବଲପୁର ଅଭିମୁଖେ ଆସୁଥିବା ବେଳେ ହଠାତ୍ ଗାଈ ରେଳ ଧାରଣା ଉପରକୁ ଚାଲି ଆସିଥିଲା ।

ଅଷ୍ଟ୍ରେଲିଆରେ ୫ ଭାରତୀୟଙ୍କ ମୃତ୍ୟୁ, ଆଉଟଡୋର୍ ପବକୁ ଡିନର୍ ପାଇଁ ଯାଇଥିଲେ…

ଫଳରେ ମେମୁ ଟ୍ରେନର ଗୋଟିଏ କୋଚ୍ ଟ୍ରାକରୁ ବାହାରି ଯାଇଛି । ଏହି ଅଘଟଣ ବୁଧବାର ସନ୍ଧ୍ୟା ୬ଟା ୨୫ରେ ଘଟିଛି । ଝାରସୁଗୁଡ଼ା-ସମ୍ବଲପୁର ମେମୁ ଟ୍ରେନର ନମ୍ବର କୋଚର ୪ଟି ଚକ ରେଳ ଧାରଣାରୁ ଖସି ଆସିଛି । ଏଥିରେ କୌଣସି ଯାତ୍ରୀ ଆହତ ହୋଇ ନାହାନ୍ତି । ତେବେ ଦୁର୍ଘଟଣା ଘଟିଥିବା ଟ୍ରାକରେ ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଛି । ୨ ଘଣ୍ଟା ମଧ୍ୟରେ ଟ୍ରେନ୍ ଚଳାଚଳ ସ୍ୱାଭାବିକ ହେବ ବୋଲି ରେଲବାଇ ଅଧିକାରୀ କହିଛନ୍ତି ।