ମୋହନା, ୦୬/୧୧ : ପୋଖରୀରୁ ଘରକୁ ଫେରିଲା ବେଳେ ପାଗଳ ବିଲୁଆ ଆକ୍ରମଣରେ ବୃଦ୍ଧ ଗୁରୁତର । ଗଜପତି ଜିଲ୍ଲା ନୂଆଗଡ଼ ବ୍ଲକ କିରାମା ପଞ୍ଚାୟତ ନିଦ୍ଧିଗୁଡ଼ି ଗାଁରେ ଏଭଳି ଘଟଣା ଘଟିଛି। ବୃଦ୍ଧଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ନିଦ୍ଧିଗୁଡ଼ି ଗ୍ରାମର ଜଣେ ୭୧ ବର୍ଷୀୟ ବୃଦ୍ଧ ଅରୁଣ ଗମାଙ୍ଗ ଗ୍ରାମ ପୋଖରୀରୁ ଗାଧୋଇ ଫେରୁଥିବା ବେଳେ ଏକ ପାଗଳ ବିଲୁଆ ତାଙ୍କୁ କାମୁଡି ଦେଇଥିଲା। ଘଟଣା ସ୍ଥଳରେ ବୃଦ୍ଧ ଚିତ୍କାର କରିବାରୁ ଗ୍ରାମବାସୀ ତାଙ୍କୁ ଉଦ୍ଧାର କରିବା ସହ ଗୁରୁତର ଅବସ୍ଥାରେ ମୋହନା ମେଡିକାଲରେ ଭର୍ତ୍ତି କରିଛନ୍ତି। ସେ ଏବେ ଚିକିତ୍ସାଧିନ ଅଛନ୍ତି।