ଭୁବନେଶ୍ୱର, ୨୭।୧: ଭେଟେରନାରି ୟୁନିଭରସିଟି ନିର୍ମାଣ ଦାବିରେ ଶନିବାର ସ୍ଥାନୀୟ ଓୟୁଏଟି ଭେଟେରନାରି କଲେଜ ସମ୍ମୁଖରେ ଛାତ୍ରଛାତ୍ରୀମାନେ ଧାରଣା ଦେଇଛନ୍ତି । ପୂର୍ବରୁ ବିଶ୍ୱବିଦ୍ୟାଳୟ ପାଇଁ ରାଜ୍ୟ ସରକାର ଯୋଜନା କରିଥିବା ବେଳେ ତାହା ଫଳପ୍ରଦ ହୋଇନି । ଏଣୁ ବାରମ୍ବାର ରାଜ୍ୟ ସରକାର ସେମାନଙ୍କ ଦାବିକୁ ଅଣଦେଖା କରୁଥିବା ଛାତ୍ରଛାତ୍ରୀମାନେ ଅଭିଯୋଗ କରିଛନ୍ତି ।
ସେହିପରି ଭେଟେରନାରି ସର୍ଜନଙ୍କ ପ୍ରବେଶକାଳୀନ ବେସିକ୍ ପେ ଆଧାରରେ ଇଣ୍ଟର୍ନ କରୁଥିବା ଛାତ୍ରଛାତ୍ରୀଙ୍କ ଷ୍ଟାଇପେଣ୍ଡ ନିର୍ଦ୍ଧାରଣ ପାଇଁ ଛାତ୍ରଛାତ୍ରୀ ଅଡ଼ି ବସିଛନ୍ତି । ସରକାର ଯେ ପର୍ଯ୍ୟନ୍ତ ଦାବି ପୂରଣ ନକରିବେ ସେ ପର୍ଯ୍ୟନ୍ତ ଆନ୍ଦୋଳନ ହେଉଥିବ ବୋଲି ଛାତ୍ରଛାତ୍ରୀମାନେ କହିଛନ୍ତି ।