ମୋହନା,୨୮।୧୧ ଗଜପତି ଜିଲ୍ଲା ଆର.ଉଦୟଗିରି ବନାଞ୍ଚଳ ଉଆମା ଗାଁରେ ବାଘ ଆତଙ୍କ l ଗାଁର ତିମତି ଭୂୟାଁଙ୍କ ଦୁଇଟି ଗୋରୁକୁ ବାଘ ମାରି ଖାଇଥିବା ଅଭିଯୋଗ ହୋଇଛି l ଗାଁ ନିକଟସ୍ଥ କୁଡ଼ିଆ ରେ ତିମୋତି ନିଜର ଗାଈ ବାନ୍ଧିଥିଲେ l ତେବେ କୁଡ଼ିଆ ନିକଟରେ ଗୋଟିଏ ବଳଦ ଓ ଗୋଟିଏ ବାଛୁରୀର ଖଣ୍ଡ ବିଖଣ୍ଡିତ ଶବ ପଡ଼ିଥିବା ଦେଖିବାକୁ ପାଇଥିଲେ l ଏସମ୍ପର୍କରେ ତିମୋତି ବନ ବିଭାଗ କୁ ଖବର ଦେଇଥିଲେ l ବନ ବିଭାଗ ଓ ପ୍ରାଣୀ ଧନ ବିଭାଗ କର୍ମଚାରୀ ଉଆମା ଗାଁରେ ପହଞ୍ଚି ତଦନ୍ତ କରିଛନ୍ତି l ଘଟଣା ସ୍ଥଳରୁ ବାଘର ପାଦ ଚିହ୍ନ ଓ ମଳ ଜବତ କରିଛନ୍ତି l
ଗଜପତି ଜିଲ୍ଲାରେ ରାୟଗଡ ବ୍ଳକ ଦେବଗିରି ବନାଞ୍ଚଳରେ ମହାବଳ ବାଘ ଆତଙ୍କ ଲାଗିରହିଥିବା ବେଳେ ମଙ୍ଗଳବାର ଆର.ଉଦୟଗିରି ବନାଞ୍ଚଳ ରେ ଏବେ ସେହି ମହାବଳ ବାଘ ଘୁରି ବୁଲୁଥିବା ଆଶଙ୍କା କରୁଛି ବନ ବିଭାଗ l ଘରୁ କୁଆଡେ ନଯିବାକୁ ପରାମର୍ଶ ଦେବା ସହ ସତର୍କ ରହିବାକୁ ଲୋକଙ୍କୁ ସଚେତନ କରିଛନ୍ତି l ଏହି ଘଟଣା ପରେ ଲୋକେ ଭୟଭୀତ ଅବସ୍ଥାରେ ରହିଛନ୍ତି l ଗତ ୨୩ ତାରିଖରେ ରାୟଗଡ ବ୍ଳକ ଦେବଗିରି ବନାଞ୍ଚଳ ଅଁଳାବର ଗାଁରେ ମହାବଳ ବାଘ ଏକ ଗାଈକୁ ଖାଇଥିବା ନେଇ ଟ୍ରlପ କ୍ୟାମେରା ରେ ଧରାପଡ଼ିଥିଲା l