ଭଞ୍ଜନଗର,୨୮।୮ :  ହୁତୁହୁତୁ ହୋଇ ଜଳିଗଲା ଚଳନ୍ତା କାର୍ । ଅଳ୍ପକେ ବର୍ତ୍ତିଲେ ଡ୍ରାଇଭର୍ ସମେତ ୪ ଯାତ୍ରୀ ।  ବ୍ରହ୍ମପୁର– ଭଞ୍ଜନଗର ମୁଖ୍ୟ ରାସ୍ତାର ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗୀପଲୀ ଗାଁ ନିକଟ ରାସ୍ତାରେ ଘଟିଛି ଏଭଳି ଘଟଣା । 

ବ୍ରହ୍ମପୁରରୁ ଭଞ୍ଜନଗର ଅଭିମୁଖେ ଏକ ଇଣ୍ଡିଗୋ କାର  ( ନଂ. ଓଡି୦୭ଜେ୮୨୦୦) ଯାଉଥିଲା। ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗୀପଲୀ ଗାଁ ନିକଟ ରାସ୍ତାରେ ହଠାତ କାରର ଏସିରୁ ପ୍ରଥମେ ନିଆଁ ବାହାରିଥିଲା । କାରକୁ ତୁରନ୍ତ ରାସ୍ତାରେ ଡ୍ରାଇଭର ଶିବଶଙ୍କର ପାତ୍ର ରଖି ଦେଇଥିଲେ। ଗାଡିରେ ବସିଥିବା ସମସ୍ତ ଯାତ୍ରୀ ତୁରନ୍ତ ଓହ୍ଲାଇ ପଡ଼ିଥିଲେ । ଖବର ପାଇ ଘଟଣା ସ୍ଥଳରେ ଭଂଜନଗର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ପରେ ପରେ ଗାଙ୍ଗପୁର ଥାନା ପୋଲିସ ପହଞ୍ଚି ଘଟଣାର ତଦନ୍ତ କରୁଛି।